(Éxodo) 3:4 - Awajún: Apajuí chichame pegkejam Porciones del Antiguo Testamento y el Nuevo Testamento

⁴ Tusa nuna diistatus jegantattak wegaun Tuke Pujuu wainak, numi piipich kegamunmaya untsuak: “¡Moisés! ¡Moisés!” tama, nii ayaak: “Juwi pujajai”, tiuwai.

(Éxodo) 3:4 Iomraidhean Croise

(Génesis) 22:1

Kuashat tsawan asa, Apajuí Abrahaman niiyai kajinas anentaimak dekaskeapi tabaujin dekapsatatus niina daajin adaitus untsukui. Tusa untsuam nii ayaak: “Juwi pujajai”, tiuwai.

(Génesis) 22:11

Apajuí ángel tumain nayaimpinum pujus untsuak: “¡Abraham! ¡Abraham!” Tama nii ayaak: “Juwi pujajai”, tiuwai.

(Génesis) 28:16

Tusa Apajuí tima Jacob shintaag, anentaimas: “¡Dekas Tuke Pujuuk juimpap pujawa, nuniaigkiap wika nunak dekachmaja!” tiuwai.

(Génesis) 46:2

Dutika nuwi kanittaman Apajuí kajanum wantintuk niina daajin adaitus untsukui. Tusa untsuam nii ayaak: “Juwi pujajai, Apujuh”, tiuwai.

(Éxodo) 19:3

Nuwi pujus Moisés Apajuíjai chichastatus mujanum wakauwai. Nunikmatai Tuke Pujuu nunú mujanmaya Moisésan untsuka chichajak: “Jacob tikich daaji Israel aajakua nuna uchiji wegantu Israel aents aina nunú ujakta:

(Éxodo) 3:2

Nuwi Apajuí ángela nunin wajas numi piipich zarza kegamunum nuna ejapeen wantintukui. Nuna Moisés shiig diikma numi piipich kegayatak esaka amuechaun wainkauwai.

(Éxodo) 33:12

Moisés Tuke Pujuun chichajak: “Ame minak juju aents aina juju yajuakam emata tujutme. Tujutiatkum yaki minash atutkati duka eke tujuttsume. Nuniayatkum: ‘Aneajame, nuniau asan kajittsan anentaimtajame’ tujutmayume.

(Éxodo) 4:5

“¡Amesh jutiksamek iwaintukta! Juna wainkag dekas iina muunji Abraham, Isaac, Jacob aajaku aina nuna Apajuíjimpap wantintuke tujamiagtatui”, tusa

(Los Hechos de los Apóstoles) 10:13

Nuniamunum makichik chichaman antuku: “Pedro, wajakim anú maata dutikam yuata”, tabaun.

(Los Hechos de los Apóstoles) 10:3

Nuniau makichik tsawantai, a las tres tumain ai paan wainkau, Apajuí angelji ni pujamunum waittaman, nuniak: “¡Cornelioh!” tiuwai.

(Los Hechos de los Apóstoles) 9:4

dutikam nugká iyaju, nunikmá makichik chicham: “Saulo, Saulo ¿Wagka minash waitkajame?”, tabaun antuku.

(Deuteronomio) 33:16

Dita nugkenig yujág shiig pegkeg aidau piyaktinai. Nuadui nii wegantu agtina nudaushkam imanisag ajiti tusam yaigta. Wagki ame mina zarza kegamunmaya wantintugkam, amina aentsjum aidaun yajuak emati tusam etegtuawaitam, dutiksamek ame Josék niina yachi iwai aidaun, ekeu aidaun apuji ati tusam etegkauwaitme.

(1 Samuel) 3:10

Nunik tepettaman, Tuke Pujuu ataktu jegantun yaunchuk untsukbaunak dutiksag untsuak: “¡Samuel! ¡Samuel!” tama nii ayaak: “¡Mina Apujuh, waji tame tujutta, amina inakminuk juwi pujajai!” tiuwai.

(1 Samuel) 3:4

Tuke Pujuu niina untsuak: “¡Samuel, Samuel!” tama nii ayaak: “Juwi pujajai”, tiuwai.

(1 Samuel) 3:6

Nunik tepaun Tuke Pujuu ataktu untsuak: “¡Samuel, Samuel!” tusa untsuam, nantaki Elí pujamunum jeganta chichajak: “Pai taajai, ¿wagka untsugme?” tau. Tama Elí ayaak: “Wika uchuchi aminak untsuatsjame, weme kanagta”, tiuwai.

(1 Samuel) 3:8

Tujash Tuke Pujuu ataktu kampatuma juna untsukui. Tusa untsuam nantaki Elí pujamunum jeganta chichajak: “Juwi taajai, ¿wagka untsugme?” tau. Tutai Elí anentaimas dekas Tuke Pujuu untsuamap tawa tiuwai.