(Éxodo) 3:19 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁹ “Tusa taminish, faraógkak shiyaktajum tujamchatta nunak shiig dekajai. Tujash wi niinak waitkastatjai, shiyaktajum tujamti tusan.

(Éxodo) 3:19 Iomraidhean Croise

(Éxodo) 10:20

Tujash Tuke Pujuu faraógnak antakchau awagsauwai, dutikamu asa Israel aents aidaunak jiinjati tusag idaisachui.

(Éxodo) 11:10

Tuja Moisés Aarógjai faraógkan nunú ishamain aidaun ashí iwaintukui. Dutikamash faraógkak Tuke Pujuu antakchau emamu asa, Israel aents aidau Egipto batsatunak jiinjati tusag idaisachui.

(Éxodo) 11:9

Nunikmatai Tuke Pujuu Moisésan chichajak: “Faraógkak tusa tamash antugtamkashtatui, nuniakush wi aan senchi ishamain aidaun ashí Egipto nugkanum iwainagtatjai”, tiuwai.

(Éxodo) 13:15

Tuja faraón antakchau wajas iina jiipatan dakittai, Tuke Pujuu egiptunmaya uchi aishmag iwai aidaun, kuntinu uchiji yama nagkamchaku petsakbau aishmag aidaujaí ijituawa nuadui, kuntin yama nagkamchak petsakbau maa apeaku Tuke Pujuu emematji, wagki jutii uchiji aishmag iwai aidau jatsuk uwemkaju aina duwi.

(Éxodo) 4:21

Nunik wetatman Tuke Pujuu Moisésan chichajak: “¡Egipto nugkanum jegamek, Wi amina iwaintukjam duka faraógka emtinish imatiksamek mina senchiju amaag nujai iwaintukta! Wi niinak antakchau emattajai, dutikamu asa kakajus wetinme tujamchagtatui.

(Éxodo) 5:2

Tutai faraón ayaak: “¿Yaita dusha Tuke Pujuush, wi niina chichamen antugkan, Israel aents aidaun shiyaktajum tusa idaisatnunash? ¡Wika Tuke Pujuunak wainchaujai, nuigtushkam Israel aents aidaunak shiyaktinme tusanuk idaisashtatjai!” tau.

(Éxodo) 6:1

Tusa tama Tuke Pujuu Moisésan ayaak: “¡Yamai wi faraógkan itugkattaja nunú wainkattame! ¡Wi mina senchijun iwaintuktatjai, dutika ai nii dekas atumnak jiinjatajum tusa tujamiagtatui!” tiuwai.

(Éxodo) 8:28

Tusa tutai faraón chichaak: “Untsu takugmek uwegshunum wejum Tuke Pujuu atum emematin ainajum nunú kuntin maa apeakjum ememattajum. ¡Nuniakjum mina pachittsagmesh segatjitajum! Tujash shiig atushtak shiyakaigpajum”, tau.

(Éxodo) 9:35

Nuniau asa Israel aents aidaunak jiinjatnume tusag idaisachui, Tuke Pujuu yaunchuk Moisésan ujaak nuniktatui tibaunak imaanisag.

(Éxodo) 9:7

Nunikmatai faraón niina aentsji aidaun ishiakui Israel aents aidau tagkujish jinacheash diisa ukutajum tusa. Nunú waketug kauna Israel aents aidau tagkujig makichkish jakachmae tusa ujakajui. Nuna dekaash faraógkak antakchau wajas, Israel aents aidaunak jiinjatnume tichauwai.