(Éxodo) 3:16 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁶ Nuadui wetá nunika jegaam Israel aentsu apuji múun aidau ijumja chichagkum: ‘Apajuí, Tuke Pujuu tutaya nuna, atumi apachjum Abraham, Isaac, Jacob emematujaku aina nunú mina wantintujuk chichagtak: Wika ditanak kajimatchau asan, egiptunmaya aents aidau waitkam batsata nunak wainjai.

(Éxodo) 3:16 Iomraidhean Croise

(Génesis) 1:7

Dutika Apajuí agkajun najana, yumi nugkaya atinun tuja yakiya atinjai akankauwai.

(Génesis) 21:1

Apajuí Saran anagkuamunak imatiksag umikui.

(Génesis) 28:13

Tuja apu Tuke Pujuushkam niiyai ayaumas wajaun wainkauwai. Nunik wajas chichajak: “¡Witjai Tuke Pujuu, Apajuínuk, amina apachjum Abraham, nuigtu amina apa Isaac emematujaku aina nunuwaitjai! ¡Juju nugka juwi ame tepam junak amina, tuja amina uchigmin uchiji wegantu agtina nudau atinun amastatjai!

(Génesis) 48:15

Nuna dutika Josén pegkegnum yumigkiak aatus tiuwai: “Mina apachug Abraham, Isaac Apajuín umijujaku aina nunú wi yama nagkamchakun akiinawaitag duwi nagkamas yamaikish tuke kuitamja nunú,

(Génesis) 50:24

Makichik tsawantai José niina yachi aidaun chichajak: “Wi jakatnuk namput wajaschae, tujash Apajuí atumnak tuke yaimpakagtatui. Dutijamak juju nugka juwi batsatjum nunashkam nigki jiigmaki Abrahaman, Isaakan, Jacopan aatus nugkan amastinaitjime tusa anagkuawa nuwi ejetamawagtin atinme”, tiuwai.

(Salmos) 33:18

Untsu Tuke Pujuun eme anentus, ima niyaig kajinmamas anentaimaina nunak nii tuké kuitamui.

(Salmos) 8:4

anentaimsan: ¡Aents aidautik pegkegmakesh ainatsji! ¡Tikima wainkauch ainaji! Nunin ajinish ¿wagka tujash puyatkagtusmesh kuitamkagtame?

(Éxodo) 1:8

Imanikaju ai kuashat mijan asa Egipto nugka apuji yamajam, José niina patayi aidaun ayamjak dutikauwa nuna makichkish dekachu ekemiuwai. Nunú egiptunmaya aidaun chichajak:

(Éxodo) 13:19

Nunik wenak Moisés José ukunchin jukiuwai. Nunak dutikauwai wagki José iwaku pujusa niina patayi Israel aents aidaun chichajak: ¡Apajuí atumnak jiigmajagtin ainawai; dutijamainakuig mina ukunchjuk ukutsuk jukitin atajum! tibau asag.

(Éxodo) 15:14

Juna aents tikich nugkanmaya aidau antukag senchi ishamainak kujainiagtatui; tuja filisteo aidaushkam sapigmainak najaimaku wajukmaina numamtuk tuni tunija iyainiagtatui.

(Éxodo) 17:5

Tama Tuke Pujuu Moisésan ayaak: “Israel aents aidau ashí yajuaka weakum ditá apuji múun aina nunú ujumak jukim emka wetá. Nuniakum ame namak awatiuwaitam nunú ushujutaijum jukita.

(Éxodo) 2:25

Nunik Israel aents aidau senchi waituinamun diijus wait anenjauwai.

(Éxodo) 24:11

Tuja Apajuík nunú apu aidaunak waitkatnume tiu asamtai wainkajui. Dutika wainkamash ditanak ijinachajui. Aatus niina emtin yutain yuwawag, umutnash uwajajui.

(Éxodo) 3:2

Nuwi Apajuí ángela nunin wajas numi piipich zarza kegamunum nuna ejapeen wantintukui. Nuna Moisés shiig diikma numi piipich kegayatak esaka amuechaun wainkauwai.

(Éxodo) 3:6

tusa nuigtushkam chichajak: “Witjai Apajuínuk, amina apachjum Abraham, Isaac, Jacob aidau emematujaku aina nunuwaitjai”, tiuwai. Tutai nuna antuk Moisés ishamak Apajuín diimainchau dekapeak, yapin dukukui.

(Éxodo) 4:1

Tutai Moisés ayaak: “Tujash minak dekaskeap tawa tujutchagtatui, nuninak wi taishkam antugtutsuk Tuke Pujuu wantintugmakchau aig, tuu wekaeme, tujutiagtatui”, tiuwai.

(Éxodo) 4:29

Nuna dutika nuadui Moisés Aarógjai, Israel aentsu apuji múun aidau ijumjatatus wegajui.

(Éxodo) 4:31

Nuna wainkag Israel aents aidauk: Dekas Tuke Pujuuwap awemae tiajui. Tuja Israel aents aidau waituina nunak wainjai, tuja waitkam batsata nunashkam dekajai Tuke Pujuu timae tabaun antukag, tikishmag pujusag niina emematuidau.

(Éxodo) 4:5

“¡Amesh jutiksamek iwaintukta! Juna wainkag dekas iina muunji Abraham, Isaac, Jacob aajaku aina nuna Apajuíjimpap wantintuke tujamiagtatui”, tusa

(Evangelio según San Mateo) 26:3

Tuja nunú tsawantinig sacerdote apuji aidau, judío apuji aidaujai sumo sacerdote Caifasa jeen agaajin ijunjajui.

(Evangelio según San Lucas) 1:68

“Emematiagmi Apu, Israelan Apajuijiya nu, ni aentsjin agkanmitkatatus taa nunú.

(Evangelio según San Lucas) 19:44

Dutijamainak atumnak ashí uchigmijai amupainak yaaktagminash ashí tsaigtamkagtinai, dutikamu asa makichik kayakesh tikich kayanum patamiukesh juwakchatnai, wagki Apajuí uwemtijamjatatus awetugmamu dakitjau asajum”.

(Los Hechos de los Apóstoles) 11:30

dutika Bernabé Saulojai wetai, Jesusa nemajin aidaun apuji Judea batsatun ofrenda awetiajui.

(Los Hechos de los Apóstoles) 15:14

Simón ujapakmaji, Apajuí nagkamas judiochu aidaunash wajuk wait anentug etegjae mina aentsug agtinme tusa.

(Los Hechos de los Apóstoles) 20:17

Pablo Mileto pujus, anciano aidau efesonmaya iglesian diin aina nuna untsukabi.

(Primera carta de San Pedro) 2:12

Apajuí nemajuinatsu nujaig shiig kuitamamka pujustajum. Jutii pegkegchau takauwa iman chichagtamaina dusha Apajuí ememattinme, tsawan uwemau atina nuaduish atum pegkeg takasbaun diigtamsag.

(Primera carta de San Pedro) 5:1

Anciano aidau atumjai pujuina nuna segajai, wishakam dita anciano aina nunin asan, Cristo waittsamu aidaunash wainkauwaitjai, wishakam ni jui taak niina imanjin iwainaktina nuish pachinkatin asan.

(Rut) 1:6

Nunik pujus Tuke Pujuu niina aentsji Israel aents aidaunak wait anenjae, dutikau asamtai, ajak ajakmamuji aidauk shiig tsapai kuashat nejenawai. Nuadui yamaik nujantaik waituinatsui tabaun Noemí Moab nugkanum pujus dekauwai.