(Éxodo) 3:15 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁵ Tuja nuigtushkam Apajuí Moisésan chichajak: “Juju aatsa mina aentsug aidau ujakta. Wika Apajuí, Tuke Pujuun atumi apachjum Abraham, Isaac, Jacob emematujaku aina nunuwaitjai. Jujuwai mina daag yaunchkesh tuke asauwa nunú. Jujuwai mina daajun ajumaish tuke adaititin aina duka.

(Éxodo) 3:15 Iomraidhean Croise

(Génesis) 24:12

Dutika nuwi wajas Apajuín aujak: “Mina apujun Abrahaman ememattai Apajuí Tuke Pujuuwah, wait aneasam yamai mina apug Abraham wait anenjata, dutikakum minash shiig pegkegnum wekaegas wakitkiti tusam yainkata.

(Salmos) 72:17

¡Apu daajig etsa tuke ekemna iman tuke pegkegnum chichagtai ati! ¡Aents ashí nugkanmaya aidauk niina daajin pegkegnum yumigkiam agtinai! Ashí nugkanmaya aidauk niina pegkegnum chichajiagtinai.

(Salmos) 72:19

Apajuí daaji pegkegma duka tuke pegkegnum chichagtai ati. ¡Niina imanjiya nunú ashí nugkan jamagti! ¡Aatus ati!

(Éxodo) 15:2

Tuke Pujuu minak senchimtijawai, niyai mina ayamjumataijuk, nuadui wika niina kantamjajai. Niiyai dekas mina Apajuíjuk, nuadui shiig aneasan ememattatjai. Niiyai dekas mina apajun Apajuíji, nuadui wika tuke niina etsagjatnaitjai.

(Éxodo) 15:3

Tuke Pujuuwa nunuwai dekas maanitan yachak. Niina daajig dekas Tuke Pujuu tutayai.

(Éxodo) 3:13

Tutai Moisés Apajuín ayaak: “Tujash wi jegaan ditá chichagkun: ‘Atumin apachjum Abraham, Isaac, Jacob Apajuín emematujaku aina nunú atumin agkanmitkati tusa awetime’ tai dita mina aijuinak: ‘¿Dusha yaita daajish?’ tusa tujutainakuish, wisha ditanash ¿wajintu aikagtatja?” tiuwai.

(Éxodo) 3:6

tusa nuigtushkam chichajak: “Witjai Apajuínuk, amina apachjum Abraham, Isaac, Jacob aidau emematujaku aina nunuwaitjai”, tiuwai. Tutai nuna antuk Moisés ishamak Apajuín diimainchau dekapeak, yapin dukukui.

(Éxodo) 4:1

Tutai Moisés ayaak: “Tujash minak dekaskeap tawa tujutchagtatui, nuninak wi taishkam antugtutsuk Tuke Pujuu wantintugmakchau aig, tuu wekaeme, tujutiagtatui”, tiuwai.

(Éxodo) 4:5

“¡Amesh jutiksamek iwaintukta! Juna wainkag dekas iina muunji Abraham, Isaac, Jacob aajaku aina nuna Apajuíjimpap wantintuke tujamiagtatui”, tusa

(Éxodo) 6:2

Tuja Tuke Pujuu Moisésan ataktu chichajak: “Witjai Tuke Pujuunuk.

(Isaías) 42:8

¡Wika Tuke Pujuuwaitjai, nunuwai mina daajuk! Mina emematjaku kantamtai aina duka tikichik makichkish kantamjuawaigpa, tuja mina emematjutmaina nunú idaikumek, dakumka najanamu aina duka makichkish emematipa.

(Isaías) 63:12

Apajuí niina senchijijai Moisésan uyunajakua dusha, tuja niina aentsji aidau ishamainun ukumtikak, atakea duish kajimatkishtinun niina senchijin iwainak nayantsan ukuyauwa dusha ¿tuwi pujawa?

(Isaías) 9:6

Wagki iinak makichik uchi akiintugmae, Apajuí iinak makichik uchin amase. Nunú uchia nunuwai apu ati tusa etegkamua duka. Nuadui niina daaji aidauk: ‘Shiig chichagkagtin’, ‘Apajuí senchigtin’, ‘Apajuí tuke Pujuu’, ‘Agkan pujutan apuji’ tutai atinai.

(Daniel) 2:23

Apajuíyah, ametme mina apachug aajaku aina nuna Apajuíjimek, amina see takun emematjame. Ame minak yacha wajiu etiume, tuja ii sumakmag duka imatiksamek, apu nii kajamjamujin anentaimtus dekatatus waitma nunú mina iwaintugkaume”, tiuwai.

(Miqueas) 4:5

Tuja tikich aents aidauk dita apajuímtaiji aidaun umijuinawai; dita núninakuish, iik Tuke Pujuu iina Apajuíjiya nunú atakea duish tuke umigkatin ainaji.

(Malaquías) 3:6

“Witjai Tuke Pujuunuk. Wika yapajintsujai. Nuadui Israel aents aidautigminak ashí ijinachuitjime.

(Evangelio según San Mateo) 22:32

“ ‘Witjai Abraham, Isaac, Jacob aina nuna Apajuijinuk’ tawa duka? Apajuik jakau aidaun Apajuijichui, iwaaku aina nuna Apajuijiyai”, tiuwai.

(Los Hechos de los Apóstoles) 3:13

Junak iina muunji Abraham, Isaac, Jacob aina nuna Apajuiji, iina muunji aajakajua nuna Apajuijiya nunú, niina Uchijí Jesusan ememattinme tusa jutikae; atum sujukagmin Pilatok akupkata taig atum dakitjau ainajum nuna.

(Los Hechos de los Apóstoles) 7:32

‘Witjai, amina muunjum aajakajua nuna Apajuijinuk, Abraham, Isaac, nuigtú Jacob aajakajua nuna Apajuijinuk’, tau. Tutai Moisesak ishamak kujau, nuniak diimainchau dekapeau.

(Deuteronomio) 4:1

“Mina pataag Israel aents aidauwah, chicham umiktina nuna wi jintintuawaitjim nunú yamai antukjum betek umiktajum. Nuniakjum iwaku pujusjum Tuke Pujuu atumi apachjum aajaku aidaun Apajuíji, nugka amastajime tusa anagtamauwa nunú nugkanum jegajum batsamsamnujum.

(Carta a los Hebreos) 11:16

Tujash ditak nugka dekas pegkeja nuna wakegajakajui, duka nayaimpinum awa nuna. Nuadui Apajuí dita pujusagtinnak yaakat nayaimpinum awa nuna umigkauwai, dutikau asa Apajuik: Juka midau ainawai tutanmak datsamatsui.

(Carta a los Hebreos) 13:8

Jesucristuk yauwa duish, yamaiya juish, atakea duishkam tuke nuninuk atinai.