(Éxodo) 3:13 - Awajún: Apajuí chichame pegkejam Porciones del Antiguo Testamento y el Nuevo Testamento

¹³ Tutai Moisés Apajuín ayaak: “Tujash wi jegaan ditá chichagkun: ‘Atumin apachjum Abraham, Isaac, Jacob Apajuín emematujaku aina nunú atumin agkanmitkati tusa awetime’ tai dita mina aijuinak: ‘¿Dusha yaita daajish?’ tusa tujutainakuish, wisha ditanash ¿wajintu aikagtatja?” tiuwai.

(Éxodo) 3:13 Iomraidhean Croise

(Génesis) 32:29

Tusa timatai Jacob niina iniak: “¿Amina daagmesh yaita?” tau. Tusa iniam nunú aents ayaak: “¿Wagka mina daag dekaatasamesh wakegame?” tau. Aatus tusa nunú aents Jacopan pegkegnum yumigjauwai.

(Éxodo) 15:3

Tuke Pujuuwa nunuwai dekas maanitan yachak. Niina daajig dekas Tuke Pujuu tutayai.

(Éxodo) 3:12

Tutai Apajuí ayaak: “Wi aminak uyuuntsattagme. Mina aentsug ame wegantu aidau Egipto nugkanum batsata nunú jiija yajuakam, ashí atum aidautijum juju muja juwi emematjitnaitjume. Nunú betek uminkui dekattame wi amina awemajam nunú”, tiuwai.

(Éxodo) 3:14

Tutai Apajuí ayaak: “Mina daajuk: ‘Tuke Pujuuwai’ Juju mina aentsug aidau ujaakum: ‘Tuke Pujuu’ minak atuminig awetime, titatme”, tiuwai.

(Éxodo) 3:15

Tuja nuigtushkam Apajuí Moisésan chichajak: “Juju aatsa mina aentsug aidau ujakta. Wika Apajuí, Tuke Pujuun atumi apachjum Abraham, Isaac, Jacob emematujaku aina nunuwaitjai. Jujuwai mina daag yaunchkesh tuke asauwa nunú. Jujuwai mina daajun ajumaish tuke adaititin aina duka.

(Éxodo) 7:16

Nuwi wajamin taamtai chichagkum: “ ‘Hebreo aents aidauti Apajuí Tuke Pujuu tutai emematin ainag nunú amina ujakti tusa awetine. Nuniak aatus tujamui: “Mina aentsug aidau uwegshunum shiyakag mina emematjitnume agkan idaisata timagme. Tujash antugtatsme”, tujamui.

(Isaías) 52:6

Tujash tsawan jegattawai, mina aentsug aidau mina shiig waitkagtina nunú. Nunik waitkag adeajagtinai, wi ditan chichagkun: ‘Witjai apunuk’ tiuwaitag nuna”, tiuwai Apajuí.

(Isaías) 7:14

Nunin asagmin atumnak Apajuí nii dutikatnujin iwaintugmaktatui. Nunak: ¡Makichik nuwa muntsujut aentsu takashtai ejapjuktatui, nunik uchi aishmagkun uchigmaktatui, dutika uchigmakmatai, uchi daaji adaikattagme Emanuel!

(Isaías) 9:6

Wagki iinak makichik uchi akiintugmae, Apajuí iinak makichik uchin amase. Nunú uchia nunuwai apu ati tusa etegkamua duka. Nuadui niina daaji aidauk: ‘Shiig chichagkagtin’, ‘Apajuí senchigtin’, ‘Apajuí tuke Pujuu’, ‘Agkan pujutan apuji’ tutai atinai.

(Jeremías) 23:6

Nii inamjatna dui, mina aentsug Judá wegantu aidauk ayamjumaktinai, tuja Israel aents aidaushkam agkan shiig batsamsagtinai. Nunidau asag, Apajuí daajinak: ‘Tuke Pujuuwai iina depetmitkagbauk’ tuu adaikagtinai.

(Evangelio según San Mateo) 1:21

“Nuna uchigmaktatui, nunikmatai adaikattame JESÚS, wagki niina aentsji tudauji aina nunak tsagkujug uwemtijatin asamtai”.

(Evangelio según San Mateo) 1:23

“Ejapjuktinai makichik muntsujut aentsú takashtai, nunik uchigmaktinai aishmagkun, nunikmatai Emanuel adaikagtinai”, nunak: “Apajuik jutiijai awai” taku tawai.

(Los Hechos de los Apóstoles) 3:13

Junak iina muunji Abraham, Isaac, Jacob aina nuna Apajuiji, iina muunji aajakajua nuna Apajuijiya nunú, niina Uchijí Jesusan ememattinme tusa jutikae; atum sujukagmin Pilatok akupkata taig atum dakitjau ainajum nuna.

(Jueces) 13:17

Tusa tama Manoa niina chichajak: “Untsu amina daagmesh yaita dukesh ujajatkata, nuna dekau asan ame tukagtam nunú uminkui see kuashat titagme”, tiuwai.

(Jueces) 13:6

Tusa tima aishin ujaktatus wejiuwai. Nunik jegaa ujaak: “Apajuí ángeljai betek wi pujamunum tajutuame. Nuniakui senchi puyatkamjai, wagki Apajuí ángeljai betek asamtai. Yaitpa tusanuk wikish iniaschamjai, tuja niishkam niina daajinak tujutchame.