(Éxodo) 3:12 - Awajún: Apajuí chichame pegkejam Porciones del Antiguo Testamento y el Nuevo Testamento

¹² Tutai Apajuí ayaak: “Wi aminak uyuuntsattagme. Mina aentsug ame wegantu aidau Egipto nugkanum batsata nunú jiija yajuakam, ashí atum aidautijum juju muja juwi emematjitnaitjume. Nunú betek uminkui dekattame wi amina awemajam nunú”, tiuwai.

(Éxodo) 3:12 Iomraidhean Croise

(Génesis) 15:1

Nunú ashí nagkaemaju ai, Apajuí Abragkan wakanmantun wajantun chichajak: “¡Abragkah, ishamjukaipa, witjai amina kuitamnunuk! Amek shiig kuashat wajigtin atatme”, tiuwai.

(Génesis) 15:8

Tusa tama: “Tujash, Apu Tuke Pujuuwah ¿wisha wajuk shiijash dekamainaitja, wi wegantu aidauwap juju nugkanum batsamsatin ainawa tusanush?” tusa aatus Abram aikui.

(Génesis) 26:3

Tuja yamaikik juju nugka juwig pujusta, wi aminak kuitamkattagme. Wi aminak pegkegnum yumigsattagme. Tuja amina uchijum wegantu aidaun ashí juju nugka aina juna susattajai. Wi amina apa Abrahaman anagkuawaitag nunak, nuni umiktatjai.

(Génesis) 31:3

Nuadui Tuke Pujuu Jacopan chichajak: “Amina apa nugken pataim aidau batsata nuwi wakitkita, wi aminak uyuntsattajame”, tiuwai.

(2 Reyes) 19:29

Tusa ataktushkam Ezequíasan chichajak: “Juju mijantin tuja tikich mijantinchakam, trigo aidau ajaachmaitak, tsapaka nejektata nuna neje yuwattame. Untsu mijan kampatuma duwi atum ajakmajum nejekmatai juuttagme, tuja uva ajakjum nunú nejekmatai yuwattagme.

(Éxodo) 3:1

Moisésak niina wegaji sacerdote Madián nugkanmaya Jetro aajakua nuna uwigjin kuitamjin aajakui. Tuja makichik tsawantai Moisés uwijan yajuak uwegshun nagkaiki weuwai, nunik muja Horeb Apajuí mujaji tutainum wakauwai.

(Éxodo) 3:13

Tutai Moisés Apajuín ayaak: “Tujash wi jegaan ditá chichagkun: ‘Atumin apachjum Abraham, Isaac, Jacob Apajuín emematujaku aina nunú atumin agkanmitkati tusa awetime’ tai dita mina aijuinak: ‘¿Dusha yaita daajish?’ tusa tujutainakuish, wisha ditanash ¿wajintu aikagtatja?” tiuwai.

(Éxodo) 33:14

Tusa tama Tuke Pujuu ayaak: “¡Wi aminak uyuntsattagme, dutikakun agkan uyumat aneakas pujusti tusan kuitamkattagme!” tiuwai.

(Éxodo) 4:12

Nuadui wetá, wi aminak chichamtikattajame, wiki ame anentaimja chichaktinnash jintintuattagme”, tiuwai.

(Éxodo) 4:15

Dutijamamtai niijai chichasta, nuniakum wi amina tajam nunú ashí ujakta, dutikam ame tumaina nuna nii Israel aents aidaun ujakti. Tuja wi niinak yaigtatjai, dutikakun atum dutikatnunashkam jintintuattajime.

(Éxodo) 8:27

Nunin asamtai iik kampatum tsawantai weaja uwegshunum jegaa kuntin maa apeaku nii tujamauwa dutiksaik iina Apajuíji Tuke Pujuu tutaya nunú ememattag taji”, tau.

(Isaías) 41:10

Ishamkagtukaigpa, wi atumjaig pujajai. Ishamkagtukaigpa, witjai atumi Apajuíjinuk. Wi atumnak senchimtikajime, wi atumnak yayajime, mina uweg senchigtin depetmauwa duwi ayamjukan kuitamjime.

(Isaías) 43:2

Yumi piyajunum nagkaemakminish, wi kuitamkattagme, tuja namak aidau katitkuminish, jakejai tusan kuitamkattagme; tuja jii kegamunum nagkaemakmesh esashtinaitme, jii kegak nimpaush dekapjashtinaitme.

(Isaías) 7:14

Nunin asagmin atumnak Apajuí nii dutikatnujin iwaintugmaktatui. Nunak: ¡Makichik nuwa muntsujut aentsu takashtai ejapjuktatui, nunik uchi aishmagkun uchigmaktatui, dutika uchigmakmatai, uchi daaji adaikattagme Emanuel!

(Jeremías) 1:8

Makichkish ishamkagtukaipa wi aminak kuitamkattagme, wi nunak dekas umiktinjun tajai”, tujutmayi.

(Números) 23:21

Tuja nuigtush makichik aentskesh Israel aents aidau waitjutaijinak dekagchau ainawai, pegkegchau takamtaijinakesh dekauk shiig atsawai. Tuja ditanak Tuke Pujuu ditá Apajuíjiya nunú kuitamui. Tuja ditashkam: ‘¡Jujuwai iina apujig!’ tuinawai.

(Evangelio según San Mateo) 28:20

dutikakjum ashí ju umiktajum, atumin tiuwaitjim dushakam jintintuatajum. Wika ashí tsawantai, nugka nagkanbau atina duish atumjaig tuke pujutnaitjai. Aatus atí.

(Evangelio según San Marcos) 16:20

Tuja ditashkam jiinjag ashí yantamnum etsejuidau, nuniagtai Apu Jesús chicham etsegbaunash aents aidaush dekaskeapi titinme tusa wainchatai aidau iwainamunmash yaigkui. Aatus atí.

(Los Hechos de los Apóstoles) 11:21

Nuniagtai Apu Jesuschakam niina senchijin ditan suidau, dutikainamu asag kuashat dekaskeapi tusag Jesusan nemagkajui.

(Los Hechos de los Apóstoles) 7:7

tujash tu nugkanmaya inainak waitkagtinaita nunak suwimkan susatnaitjai, dutika ai nuiya jiinjag jujú nugka jui emematjiagtinai Apajuí tiuwai’.

(Carta de San Pablo a los Romanos) 8:31

¿Nuna tajim nuanuish tu tumainaita? Apajuí iina wait anenjama nu jutiijai awa nuniaish, ¿ya pegkegchaush awajtamainaita?

(Deuteronomio) 31:23

Tuja Josuén Tuke Pujuu juna aatus chichajak: “Mijamtsuk wajiu wajasta, ametme juju aents aina nunú yajuakam wi nugka amastinaitjime tusan anagkuawaitjim nuwi ejegatnumek. Tuja wi aminak kuitamkattagme”, tiuwai.

(Carta a los Hebreos) 13:5

Kuashat kuichik ajuttí tusagmek anentaimtú pujuigpa, ajutjamaina nujaig shiig aneasjum pujustajum. Wagki Apajuí chichagtamak: “Makichkish idaisashtinaitjame”, tujabiu asamtai.

(Josué) 1:5

Aminak makichkish depetamkashtin ainawai. Moisésan kuitamajakuitag dutiksanuk wi aminak kajimatki idaitsuk tuke kuitamkattagme.

(Jueces) 6:12

Nuna pujujun Apajuí ángeltsukaita tumain wantintuk chichajak: “¡Aents wajiu senchigtinuh, Apajuí amejaig pujawai!” tau.

(Jueces) 6:16

Tusa tutai Tuke Pujuu ayaak: “Wi amejai pujau asamtai, duka dutikattame. Nuadui Madián aents aidauk makichik aents depetmaina numamtuk depetkam ijinattame”, tiuwai.

(Jueces) 6:17

Tusa tama Gedeón chichaak: “Dekaskenum minash Apajuíya ame aujtakmek wainchatai iwaintugkata, nuna wainkan dekas Apajuíyap tujutua titagme.

(Jueces) 6:21

neje pagjai patagbaun ushujutai takakbauwai nuna titijin nunú ángel antigkui. Dutikam nunú kayanmaya jii kegak nuna apea emegkakui. Nuna dutika Gedeógkan iwaintuk ayatak megkaekauwai. Nunikmatai ataktu awagkig Gedeógkak wainkachui.

(Jueces) 7:11

Nuwi jeganta pujusam wajintuk chichakajat nunú antukta. Nunú antukam ichichmamjam jetektatme”, tiuwai. Tusa tima niina inake Purájai weuwai. Nunik jegauwai nunú shiwag aakmag batsatbaunum.

(1 Samuel) 14:10

Untsu ‘wakatajum’ tujamkuig wajukmi. Nuni dekaattaji Tuke Pujuu ditan depetkatnume tusa tujabau”, tiuwai.