(Éxodo) 3:10 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁰ Nuadui umintsata, wi aminak Egipto apuji pujamunum jegaam, mina aentsug ame wegantu aidau batsata nunú jiigminum tusan akupeajame”, tiuwai.

(Éxodo) 3:10 Iomraidhean Croise

(Génesis) 15:13

Imanik suwe wajasbaunum Tuke Pujuu Abragkan chichajak: “Juju yamai shiig antukta, ame uchijum wegantu agtina duka nugken ukukiag, tikich nugkanum batsamas wainka inaku waitkam cuatrocientos mijan waitu batsamtin ainawai.

(Génesis) 15:14

Tujash tuu nugkanmayag nunash inakush waitkastin ainawa, nunak wi ditanashkam suwimkan susatnaitjai, duwi ame uchijum wegantu aidauk waitu batsatu agkanmagawag, shiig wiakuch wajasag jiinjagtinai.

(Salmos) 105:26

Tuja kuashat waitkagtai, Apajuí niina inake etegkamujin Moisésan Aarógjai Egipto nugkanum awemauwai.

(Éxodo) 12:40

Tuja Israel aents aidauk Egipto nugkanmak cuatrocientos treinta mijan batsamsaju ainawai.

(Éxodo) 12:41

Tuja cuatrocientos treinta mijan jegau ai, nunú tsawantaik Egipto nugkanum batsatu ashí jiinjaju ainawai.

(Éxodo) 33:12

Moisés Tuke Pujuun chichajak: “Ame minak juju aents aina juju yajuakam emata tujutme. Tujutiatkum yaki minash atutkati duka eke tujuttsume. Nuniayatkum: ‘Aneajame, nuniau asan kajittsan anentaimtajame’ tujutmayume.

(Éxodo) 33:13

Nunú dekasketkuig wajina dutikatjai tusamea anentaime nunú ujatkata, wisha nuna dekaan dekas yaimpaktatuapi titajai. Ame etegkagtujuitme mina aentsug atinme tusam. Nuadui idaikagtutsuk uyunkagtusta”, tiuwai.

(Miqueas) 6:4

Atumek Egipto nugkanum inaku waitkatai batsatutigmin wi jiijan agkanmitkauwaitjime; atumin yaimpakag jiipagtinme tusan Moisésan, Aarógkan, Marían ishiakamiajai.

(Los Hechos de los Apóstoles) 7:34

Dekaskenum mina aentsug Egipto batsamas waituina nunak wainkajai, nuigtush buutainak untsujuina nunash antugkajai, nunikan agkanmitkatasan akaikijai. Nunin asamtai tantata Egipto awematjame’, tiuwai.

(Los Hechos de los Apóstoles) 7:36

Tima Moisés Egipto batsamtatman jiijui, aents dutikmainchaun Egipto nugkanmayan iwaintuk, dutiksag Nayants Kapantu tutainmash, nuigtú cuarenta mijadai uwegshunum yujasua nuishkam.

(Los Hechos de los Apóstoles) 7:6

Nuigtushkam, Apajuí: ‘Amina uchigmiin akiinak wegagtina duka, tikich nugkanum nugkenchau, wainka inatai, nuigtush waitkainam cuatrocientos mijan batsamsagtinai,

(Los Hechos de los Apóstoles) 7:7

tujash tu nugkanmaya inainak waitkagtinaita nunak suwimkan susatnaitjai, dutika ai nuiya jiinjag jujú nugka jui emematjiagtinai Apajuí tiuwai’.

(Jueces) 6:14

Tusa tutai Tuke Pujuu niina pempeentuki chichajak: “Israel aents aidaun Madián aents waitkaina duka ame ayamjuktatme. Wi aminak awemajame”, tiuwai.

(1 Samuel) 12:6

Tusa tiagmatai Samuel Israel aents aidaun chichajak: “Atumi apachjum aidau Egipto nugkanum waitkam batsatun, jiija yajuak, juju nugka juwi ikaunmati tusa Tuke Pujuu Moisésan Aarógjai awetiuwai.

(1 Samuel) 12:8

“Atumi apachjum aajaku aina nunú Jacob niina uchiji wegantu aidaujai Egipto nugkanum shiyakag batsatun, nuwiya aents waitkasu ainawai. Imatika waitkainam Tuke Pujuu yaimpakti tusag segajaku ainawai. Nuna antujuk Tuke Pujuu Moisésan Aarógjai awetiuwai. Dutikam iina apachji aidaun jiija yajuak juju nugka juwi ikaunmauwai.