(Éxodo) 24:17 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁷ Tuke Pujuu imanji wantinbau Israel aents aidau diismak yakí mujá titijin jii kegak wajukeama iman aajakui.

(Éxodo) 24:17 Iomraidhean Croise

(2 Samuel) 22:13

Amina senchijum chaagpijai betek keeka jiinmayi, nuniai jii kegau yumijai betek yutibi.

(2 Samuel) 22:9

Tuke Pujuu nujinia bukuiti jiinmayi. Tuja niina weninia jii keeka jiinmayi, niina weninian jii kaiji kegaun nagkimayi.

(Éxodo) 19:11

nunikag shiig uminas batsatai, tsawan kampatuma duwi aents aidau ashí waituinamunum muja Sinaínum akaikittajai.

(Éxodo) 19:18

Nuninai nunú mujanum jii kegaunum pachitkau Tuke Pujuu akaikiuwai. Nunikmatai muja Sinaík ashí bukuitau. Nuadui nunú mujak aja apeam esaak bukuituwama imaniau. Imaniai nunú mujak shiig senchi uuju.

(Éxodo) 3:2

Nuwi Apajuí ángela nunin wajas numi piipich zarza kegamunum nuna ejapeen wantintukui. Nuna Moisés shiig diikma numi piipich kegayatak esaka amuechaun wainkauwai.

(Ezequiel) 1:27

Tuja akachumtaya nuwi nagkamas yakinig, jiju ukuija tsuwatji utsankamu winchamtinama imanayi, untsu akachumtaya nuna nugkanig jiijai betek keebi. Tuja ashí yantamnumak keeka tsaaptin wajas amayi. Untsu nuna yantamen yumi yutugmatai yujagminum pagki wajae tutayama nunin winchamtin wajaknuyi. Nuwiya Tuke Pujuu imanji wantintugkabi. Dutijakui tikishmajan nijaijui nugka antigkan pujusan mina aujtaun antukbaijai.

(Deuteronomio) 4:24

Wagki Tuke Pujuu atumi Apajuíjiya duka dekas, Apajuí akasmauwai. Iman asa niig jii kegak apea emegkaina imanai.

(Deuteronomio) 4:36

Apajuí atumi pujutjumin esetamatag tau asa, nayaimpinum pujusa chichagtamkauwai. Tuja nugkaashkam jii kegaun iwaintugmakui. Nunú jii kegamunmaya niina chichame antukuitjume.

(Deuteronomio) 9:3

“Tujash atumnak Tuke Pujuu atumi Apajuíjiya nunú kuitamjamsamtai shimajum nunú shiig dekau amainaitjume. Niig jii kegak ikagnamainchau ashí apeka weama iman asa, nunú aents aina nunak atumesh wainjumin ijinattawai. Tuke Pujuu atumi Apajuíjum tujabiuwa duka imatiksagmek utugchat atsau, nunú aents aidauk shiig wamak jiija utsaakjum ijinattagme.

(Carta a los Hebreos) 12:18

Israel aidau muja Sinaí antitash antimainnum, jii kegaun, suwe wajasú, ikiyamjau, senchi dasentun adijkajua atumek nunikchaugme,

(Carta a los Hebreos) 12:29

Wagki iina Apajuijiya duka jiijai betek asa, jii apea emegkauwama imanai.