(Éxodo) 24:13 - Awajún: Apajuí chichame pegkejam Porciones del Antiguo Testamento y el Nuevo Testamento

¹³ Tusa tima Moisés niina yain Josuéjai mujá weuwai.

(Éxodo) 24:13 Iomraidhean Croise

(Éxodo) 19:3

Nuwi pujus Moisés Apajuíjai chichastatus mujanum wakauwai. Nunikmatai Tuke Pujuu nunú mujanmaya Moisésan untsuka chichajak: “Jacob tikich daaji Israel aajakua nuna uchiji wegantu Israel aents aina nunú ujakta:

(Éxodo) 3:1

Moisésak niina wegaji sacerdote Madián nugkanmaya Jetro aajakua nuna uwigjin kuitamjin aajakui. Tuja makichik tsawantai Moisés uwijan yajuak uwegshun nagkaiki weuwai, nunik muja Horeb Apajuí mujaji tutainum wakauwai.

(Éxodo) 32:17

Nunú chicham agagbaun jukimtai wakitkiag shimukma, aents aidau pampaidaun Josué antuk Moisésan chichajak: “¡Aents aidau batsata nuwimpash maaniamunum pampainak wajukeama imatuinani antajai!” tau.

(Éxodo) 33:11

Tuja nunú carpa aakmakbaunum Moisés wayamtai, Tuke Pujuu Moisésjai igkunia niina kumpajijai chichamaina imanis chichau. Nunik chichasmatai, Moisés Israel aents aidau batsatbaunum waketujakui. Untsu Nun aajakua nuna uchiji Josué Moisésa yain aajakua duka nunú aakan kuitamak jiintsuk nuwig pujujakui.

(Éxodo) 4:27

Nuna nuniai Tuke Pujuu Aarógkan chichajak: “¡Uwegshunum weme Moisés igkugkam utita!” tiuwai. Tima niishkam weji “muja Tuke Pujuu etegkamu pegkejam” tutainum waka igkug kumpamak yapiin kugkuasui.

(Números) 11:28

Tusa tutai Nun aajakua nuna uchiji Josué datsauch asag Moisésan yaijakua nunú chichaak: “¡Mina apujuh Moisésah, chichakainmegka tusam tita!” tiuwai.

(Josué) 1:1

Tuke Pujuun takajin Moisés jakamtai, Nun aajakua nuna uchiji Josué Moisésan yaijakua nujai Tuke Pujuu chichaak: