(Éxodo) 20:8 - Awajún: Apajuí chichame pegkejam Porciones del Antiguo Testamento y el Nuevo Testamento

⁸ “¡Tsawan ayamtai Apajuí etegkamua nunú kajimatkitin aigpajum!

(Éxodo) 20:8 Iomraidhean Croise

(Génesis) 2:2

Ashí najanak umik, tsawan sieteya juwi Apajuík ayamjauwai.

(Génesis) 2:3

Nuadui nunú tsawantan Apajuí etegkauwai, tsawan pegkejam tuke takashtai, ayamtai atin ati tusa.

(Nehemías) 9:14

Tuja tsawan ayamtai ame etegkauwaitam nunú jegakuig, nunú tuké dutikin atajum tusam jintintuawaitme. Tuja chicham dekaskenum umiktin agagbau Moisés susauwaitme, nuna umiktinme tusam.

(Isaías) 58:13

“Tsawan ayamtaya nunú ajantusjum diistajum, tuja mina tsawantug pegkegma duik atumi takatjumek takasaigpajum. Nunú tsawanta duwi shiig aneasjum ima Tuke Pujuu pegkegma duke ememattajum, tibauwa nuwi anentaimsatajum. Nunú tsawantin atumi takatjum, nuniachkush atum wakegamukesh chichamju yujatsuk ayatak ajantusa diistajum.

(Levítico) 19:3

“Maki makichik ditá apajin, dukujijai eme anentus diitnume. “Nuigtushkam tsawan ayamtain wi etegkauwaitag nunú eme anentsajum diitajum. ¡Witjai Tuke Pujuu Apajuí atum emematin ainajum nunú!

(Levítico) 19:30

“Tsawan ayamtai atinun wi etegkauwaitag nunú ajaantusjum diistajum. Nuigtushkam mina pujutaig pegkejam aakmakmauwa dushakam ajaantusjum diistajum. ¡Witjai Tuke Pujuunuk!”

(Levítico) 23:3

“Atumek seis tsawantai takastatjume. Untsu tsawan sieteya nuaduik makichkish takaschattagme. Nunú tsawanta duka ayatak ijunja ayamku Apajuí ememattai atinai. Duka atum tuwi pujuttagme nuniakjumesh nunú tsawanta duik Tuke Pujuu emematkujum tuke ayamtinaitjume.