(Éxodo) 20:4 - Awajún: Apajuí chichame pegkejam Porciones del Antiguo Testamento y el Nuevo Testamento

⁴ “Tuja yakiya, nugkaya, namaka initkenia aina duka makichkish dakumka najanagmek emematigpa.

(Éxodo) 20:4 Iomraidhean Croise

(1 Reyes) 12:28

niina suntaji apuji aidaujai chichasa, oro yajuakjum jimag toro tsakat dakumka najanatajum tusa inamjauwai. Nuna najanawagmatai, aents aidaun chichajak: “Atum aidautijum kuashta Jerusalén shimagme. Tujash yamaik jujuwai atumi Apajuíjum, Egipto nugkanum batsatutigmin jiipajajua duka”, tiuwai.

(Éxodo) 20:23

nuniku asag ¡mina emematjumaina numamtukek oro, plata aina nujai dakumak najanawajag emematinmeka!

(Éxodo) 32:1

Moisés muja Sinaínum wee megkaekamtai, Israel aents aidau ijunag Aarógkan chichajuinak: “¡Moisés jutiinak Egipto nugkanum batsatjin jiipajui! ¡Tujash dusha wajukaes, megkaetumkae! Nuniku asamtai dekas ¡ame ii apajuímatin najanata, nunú iina uyuntamsamtai shiyakagmi!” tuidau.

(Éxodo) 32:23

Minak dita chichagtuinak jutii aidauti Egipto nugkanum batsatjin Moisés jiipagmaya duka wajukaes megkaekae. Nuniku asamtai, ii shimajin uyuuntamsatin makichik apajuímtai najatkagtuata tujutuinakui,

(Éxodo) 32:4

Dutikawagmatai Aarón nuna yajuak ukuiyag, toro tsakatan dakumak najanauwai. Dutikamtai dita chichainak: “¡Egipto nugkanum inaku waitkatai batsatjin Apajuí jiipakiuwa duka jujuwai!” tuidau.

(Éxodo) 32:8

¡Wi umigtuktajum tibaunak shiig wamak kajimatkiaje! Nuninak oro ukuijag toro tsakatan dakumak najanawag nuna emematuinak kuntinu maa apenawai. Dutikainak: “ ‘¡Egipto nugkanum inaku waitkatai batsatjin Apajuí jiipakiuwa duka jujuwai!’ tuinawai”, tau.

(Éxodo) 34:17

“¡Tuja jiju ukuijajum atum ememattin dakumkagmek makichkish najanawaigpa!”

(Isaías) 42:17

Tuja wainka apajuímtai dakumka najanamu aidaun dekaskeapi tinu aina duka dita apajuímtaiji aidaun chichajuinak: ‘Atumetjume jutii apajuíji aidautigmek’, tuinawai. Nuna tinu aina duka datsagkag jiinag megkaejagtinai”, tiuwai Apajuí.

(Isaías) 42:8

¡Wika Tuke Pujuuwaitjai, nunuwai mina daajuk! Mina emematjaku kantamtai aina duka tikichik makichkish kantamjuawaigpa, tuja mina emematjutmaina nunú idaikumek, dakumka najanamu aina duka makichkish emematipa.

(Isaías) 45:16

Wainka apajuímtai aidaun dakumak najanin aina duka datsagkag wainak juwakagtatui.

(Levítico) 19:4

“Dakumka najanamu aina duka emematigpa, tuja nuigtush atum apajuímatnuk jiju ukuija dakumkagmek najanawaigpa. ¡Witjai Tuke Pujuu Apajuí atum emematin ainajum nunú!

(Números) 12:8

Nuadui niijaig paan igkunian chichajai. Tuja nii mina igkuntua waita nuniaush, ¿wajukeakjumea atumesh mina inakeg Moisésash pegkegchaush chichagjume?” tiuwai.

(Los Hechos de los Apóstoles) 17:29

Dui Apajuí uchijí aidau asaja oro nuniachkush plata nuniachkush kayakesh aents aidau anentaimsa najanamu aina duka jutsukaitai Apajuik tusaik anentaimtumaitsuji.

(Carta de San Pablo a los Romanos) 1:23

nuninak Apajuí ajumaish jakashtina nu eme anenmaina nuna idaiyinak, aents jinin aina nuna, chigki, kuntin, dapi aidau niime dakumkamun emematiajui.

(Apocalipsis) 16:2

Tama dekatkauwa nu ángel wee, copanum aimkamua nuna nugká ukagmayi. Dutikamtai aents aidau, bestia marcaji ajamu aidaun nuigtú niime dakumká najanamua nuna emematiaju aidauk kuchap jiintujam najaimainak senchi waitiagmayi.

(Apocalipsis) 9:20

Tujash tikich aents aidau nujantai jakachu aidauk, pegkegchau takaamujin idaiyas yapajintsuk, Iwanch aidau ememattanash idaitsuk, orojai dakumká najanamu aidaun, jiju platayai najanamu, broncejai najanamu, kayajai najanamu, numí aina nujai najankamu aidaun emematiagmayi, wainmachu, antutnash antuchu, wekaetanash wekaechau aina nuna;