(Éxodo) 20:3 - Awajún: Apajuí chichame pegkejam Porciones del Antiguo Testamento y el Nuevo Testamento

³ “Tikich aina duka makichkish apajuímawaigpajum.

(Éxodo) 20:3 Iomraidhean Croise

(Salmos) 73:25

¿Amina nagkaetamsaush tikichish nayaimpinmash ya pujawa? Duka atsawai, ima ameketme. Amejai pujaknuk juju nugkanmaya aidaunak makichkish wakejumaitsujai.

(Éxodo) 15:11

“¡Chah, Tuke Pujuuwah! ¡Aents aidau apajuímtaiji aina duka kuashtai! ¿Tujash amejai betek amainush tikichish aintash? ¡Ima ameketme pegkejam muunmek! ¡Ameketme ashí senchigtinmek! ¡Ameketme wainchatai aidau ishamain iwainam ibaumek! ¡Ameketme ememattaimek!

(Éxodo) 20:23

nuniku asag ¡mina emematjumaina numamtukek oro, plata aina nujai dakumak najanawajag emematinmeka!

(Éxodo) 32:8

¡Wi umigtuktajum tibaunak shiig wamak kajimatkiaje! Nuninak oro ukuijag toro tsakatan dakumak najanawag nuna emematuinak kuntinu maa apenawai. Dutikainak: “ ‘¡Egipto nugkanum inaku waitkatai batsatjin Apajuí jiipakiuwa duka jujuwai!’ tuinawai”, tau.

(Éxodo) 34:14

“¡Makichkish tikichik apajuímawaigpajum, ima midauk atajum! ¡Wika Tuke Pujuu akasmauwaitjai! Mina daajuk Apajuí akasmau tutayai.

(Isaías) 42:8

¡Wika Tuke Pujuuwaitjai, nunuwai mina daajuk! Mina emematjaku kantamtai aina duka tikichik makichkish kantamjuawaigpa, tuja mina emematjutmaina nunú idaikumek, dakumka najanamu aina duka makichkish emematipa.

(Isaías) 43:10

Apajuí chichaak: “Atumek mina chichamjun etsegtugkatnume tusa etegkamu ainagme, wi atumnak etegkauwaitjime, minai kajintsa anentaimkugmek, dekas wi Tuke Pujuuwaitag nunú dekajuattagme. Initaikia duwish tikich apajuí mina nagkaetasuk atsujakui, tuja atakea duwish, duka makichkish atsutnai.

(Isaías) 44:8

¡Makichkish ishamkagtukaigpa! Yaunchuk nagkamsan emtikan junak ujakuitjime. Duka atumek shiig dekagme, tikich Apajuík wijai betekak makichkish atsawai. Tikich Apajuí atumin kuitamjamainuk atsawai. Wika tikich Apajuínak waintsujai.

(Isaías) 46:9

yaunchuk waji aidau nagkaemajua nunú adeagtajum, witjai Apajuínuk tikichik atsawai; witjai Apajuínuk, tikich wijai betekak makichkish atsawai.

(Jeremías) 7:9

Atumek kasamjume, magkagtagme, tikichi nuwejai tsanijinjume, nuninaitkujum tsanumkujum Apajuí anagmagme, tuja wainka apajuímtai aidau Baal tikich aina nujai yaunchkesh wainchau ainayatkujum emematkujum kugkuin incienso apé yujagme.

(Daniel) 3:18

Tuja Apajuí iina uwemtijamchakuish amina apajuímtaigmia duka, tuja dakumka oro najanamua dukesh tikishmatja emematchapash tusaik makichkish anentaimtsuji”, tiajui.

(Oseas) 13:4

Tuke Pujuu chichaak: “Israel aents aidauwah, witjai apu atumi Apajuígminuk, atum Egipto nugkanum batsatutigmin wi jiijuitjim duwi nagkamsanuk yamaikish wika atumi Apajuíjiyaitjai. Witjai atumin uwemtiknunuk.

(Evangelio según San Mateo) 4:10

Tama Jesús ayaak: —¡Wetá Iwanchih! agagbau awai: “Amina Apujum Apajuiya duke emematta, nuniakum imá nigki umigkata” tawai, tiu.

(Primera carta de San Pablo a los Corintios) 8:4

Apajuimtai dakumkamu anagkuaku kuntin maamu yuwamua nu pachisaik dekainaji, apajimtai dakumkamu aina duka ju nugka juig wainak aina nu, imá makichki Apajuiya duka, nuigtú tikichik atsawai.

(Primera carta de San Pablo a los Corintios) 8:6

tujash jutiinuk imá makichki Apajuik, ashí najankamu aina nuna Apají, jutiiskam niinuk ainaji, nuigtush iina Apujig Jesucristua duke, niinig ashí najaneaku ainawai, jutiishkam nigki najanamuitji.

(Carta de San Pablo a los Efesios) 5:5

Atumek shiig dekagme, iyashnum tsanitai pegkegchau aina nuna takaa yujajin aidauk, nuniachkush pegkegchau aina nuna takaa pujú aidaushkam, nuniachkush utugsanuk wajiijinawag tusa imá nunak anentaimtú pujú (duka apajuimtai ememattaiya nuninai), aidauk Cristo Apajuijai inamjatna nuig wayachagtinai.

(Deuteronomio) 6:14

“Tuja tikich aents aidau apajuímtaiji aina duka emematigpa,

(Deuteronomio) 6:5

Tuke Pujuu amina Apajuígmea nunú amina anentaimijai, wakanmijai, senchigmijai aneeta.

(Carta de San Pablo a los Filipenses) 3:19

ditak imá nugkanmayanak anentaimtuinawai, ditá apajuijig iyashí wakegamuji aina duke, dita ememamujiya duka ditá datsantí atina nuuwai, nunú aidau nagkanbauji atina duka megkaeta nuuwai.

(Carta de San Pablo a los Colosenses) 2:18

Makichik aentskesh ememachua nunin wajasag uwemjatag takugmek ángel aidau ememattajum tujamainakuish antugkaigpajum, nu aidauk wainkachuitak wainkajai tuinawai ememainak, aentsú anentaimtaiji pegkegchau aina nunak anentaimaidau asag;

(Apocalipsis) 19:10

Tujutkui ni wajamunum tikishmagbaijai niina ememattasan, nuniai: “Ankaipa wika Apajuí inakegaitjai. Ame, amina yatsum aidaujai Jesús chichakbau betek umijin ainajum wisha annuketjai. Dekas Apajuí emematta”. Apajuí tabaun etsejuina duka Jesusa chichamenash etsejuinak nuninawai, tujutmayi.

(Apocalipsis) 22:9

Nuniai ni chichagtak: “Nijah Ankaipa, wagki wishakam ame inakaitam annuketjai, amina yatsum profeta aina nunin, nuigtú ju papinumian chichaman umiina nuninketjai, Apajuí emematta”, tujutmayi.

(Jueces) 6:10

Nuadui atumi chichagkun: ‘Witjai Tuke Pujuu Apajuí atum emematin ainajum duka. Nuniau asamtai, amorreo aents aina nuna ememattai aidau dakumka najanamu aina duka ishamkaigpajum’, tiuwaitjime. Tujash atumek minak umigtukchaugme tawai Apajuí”, tusa profeta tiuwai.