(Éxodo) 20:2 - Awajún: Apajuí chichame pegkejam Porciones del Antiguo Testamento y el Nuevo Testamento

² “Witjai Tuke Pujuu atumi Apajuígminuk. Wi atumnak Egipto nugkanum inaku waitkatai batsatutigmin jiijuitjime.

(Éxodo) 20:2 Iomraidhean Croise

(1 Reyes) 18:39

Nuna wainkag aents aidauk ishamkag tsuntsumawag nijayin nugka antig pujusag chichainak: “¡Tuke Pujuuk dekas iina Apajuíjiyai, Tuke Pujuuk dekas iina Apajuíjiyai!” wajaidau.

(Éxodo) 13:14

Tuja tikich tsawantai uchijum inimpak: ‘¿Wagka jusha jutikame?’ tujamkuig, ame ayaakum: ‘Ii aidauti Egipto nugkanum batsamsa inaku waitkatai batsatutin Tuke Pujuu niina senchijin jiigmag agkanmitkagmauwa nunú tsawan asamtai jutikaji.

(Éxodo) 13:3

Tusa tima Moisés nii wegantu Israel aents aidaun chichajak: “¡Atum Egipto nugkanum batsamsajum waitu batsatutigmin, Tuke Pujuu niina senchijijai juju tsawantin jiipaja nunú tsawan aneaku atajum! Nuniakjum nunú tsawantinig pag levadurajai pachimja inajuamuk yuwawaigpajum.

(Éxodo) 15:13

Amek amina aentsjum aidau shiig senchi aneau asam, amina senchigmin uwemtikjaume; nuadui amina senchigminig uyunkagtusam ekagtame nugka pegkeg anagkagtuawaitam nuwi jegatnume tusam.

(Éxodo) 15:16

¡Chah, Tuke Pujuuwah, aatus sapigmainak anentaimjatnume! Amina senchijum iwainam juna dekainak kaya buchitmainchauwa nunin wajastinme, nunikmatai amina aentsjum ame uwemtijamu aina juka ame nugka anagkuawaitam nuwi shiig utsaanatnume.

(Éxodo) 15:26

Dutika chichajak: “¡Wi Tuke Pujuu atumi Apajuígmetag nunú tabau puyatjusa antukjum wi wakegamu takakjum, chicham umiktinun wi amasuitjim nunú betek umiakjuminig, egiptunmaya aidaun jata awetiuwaitag dutikanuk atumnak makichkish awetishtatjime! ¡Witjai Tuke Pujuu atumi etsagaumainnuk!” tiuwai.

(Éxodo) 20:1

Apajuí chichaak juna aatus ashí tiuwai:

(Éxodo) 6:6

“Nuadui Israel aents aidau tita: ‘¡Witjai Tuke Pujuunuk! Nuniau asan egiptunmaya aents aidau waitkainam batsatjum nunak egiptunmaya aidaun suwimka suwakun jiigtatjime. Tuja takat katsugmanum takamtijamainakui waituinajum nunashkam dutiksanuk agkanmitkattajime. Wi mina senchigjai ayamjukan jiigtatjime.

(Isaías) 43:3

Witjai Tuke Pujuu, amina Apajuígminuk, witjai amina uwemtiknunuk, witjai Israel aents aidaun Apajuíji pegkegmanuk. Wi Egipto nugkan, Etiopía nugkan, Sabá nugkan aatsan sujakun atumnak sumakuitjime.

(Jeremías) 2:6

Nunidau asag, dita apachji aidau Egipto nugkanum batsatun jiija yajuakan, uwejush yumi atsau, muja yumpunjau aidau, ishamain aents aidaush pujumainchau, makichkish nagkaemamainchau ishamain wegajunum wi kuitamsan emauwaitag nunak aneetsuk pachitkachajui.

(Jeremías) 31:1

Tuke Pujuu chichaak: “Israel aents aidau achija yajuakbau Babilonia nugkanum batsata nunú ataktu waketug kaunawagmataig, wi ashí Israel aents aidaun Apajuíji atatjai, untsu dita mina aentsug agtinai”, tawai.

(Jeremías) 31:33

“Tuja nunú tsawan jegamtai, wi ditajai chichaman umiktinaitag duka juju atinai: Wi chicham umikbauwa nuna dita anentain egketjattajai, tuja anentaimtajinish agatjagtatjai. Wi dita Apajuíji atatjai, untsu dita mina aentsug agtatui. Witjai Tuke Pujuunuk, nunak dekas tajai.

(Oseas) 13:4

Tuke Pujuu chichaak: “Israel aents aidauwah, witjai apu atumi Apajuígminuk, atum Egipto nugkanum batsatutigmin wi jiijuitjim duwi nagkamsanuk yamaikish wika atumi Apajuíjiyaitjai. Witjai atumin uwemtiknunuk.

(Levítico) 19:36

Betek ewaetsuk dekapatai balanza aina nunú, tuja kijin dekapataish, metro esajam dekapataishkam, ashí ajutjamtinme. ¡Witjai Tuke Pujuu, atumi Apajuíjum, Egipto batsatutigmin jiijuitjim nunú!

(Levítico) 23:43

Juka atum Egipto nugkanum waitkam batsatutigmin wi jiija ai, numi kanawe dukentin tsupigjum aakmaja batsamsauwaitjum nuna atakea duwi atum wegantu aidau dekawagtin aina nunuwai. ¡Witjai Tuke Puju atum Apajuí emematin ainajum nunú!” tiuwai.

(Carta de San Pablo a los Romanos) 10:12

Wagki nunak judío aidautin, griego aina nunashkam betek taku tawai, wagki Apajuik makichkiuchi ashí aents aidau Apujiya duka, nunin asa ashí ya niina segawa nunak shiig anentus yayawai.

(Carta de San Pablo a los Romanos) 3:29

Atsa ¿Apajuik imá judío aina nuna Apajuijigke tajumek? Atsa ¿Ashí judiochu aina nunash Apajuijichukaih? Dekaskenum ashí aents judiochu aina nunashkam Apajuijiyai.

(Deuteronomio) 13:10

Apajuí Egipto nugkanum inaku waitkatai batsatutigmin jiigmajajua nujai datumtamain awagtamkau asamtai, duka kayai tukua tukuakuajum maatajum.

(Deuteronomio) 7:8

Tujash ¿wagkag nunash etegtamjabi? Nunak Tuke Pujuu atumin anempau asa, atumi apachjum aajaku aidaun anagkuawa nuna umiktag tau asa, Egipto nugkanum batsamsajum faraógka inaku waitkatai batsatutigmin niina senchijijai jiigmajui.

(Jueces) 2:1

Apajuí ángel tumain Guilgalnumia juwaki Boquimnum weuwai. Nunik jegaa Israel aents aidaun chichajak: “Atumnak Egipto nugkanum batsatutigmin wi jiigmaijime. Dutikan juju nugka juna atumi muunjum aidaun anagkuakun, atumi uchijum wegantu aidaun susatnaitjai, tiuwaitag nuwi itajime. Ditan chichajuinakun: ‘Wi atumjai chichaman umikag nunak tuké umiktinaitjai’, tiuwaitjai.

(Jueces) 6:10

Nuadui atumi chichagkun: ‘Witjai Tuke Pujuu Apajuí atum emematin ainajum duka. Nuniau asamtai, amorreo aents aina nuna ememattai aidau dakumka najanamu aina duka ishamkaigpajum’, tiuwaitjime. Tujash atumek minak umigtukchaugme tawai Apajuí”, tusa profeta tiuwai.