(Éxodo) 20:12 - Awajún: Apajuí chichame pegkejam Porciones del Antiguo Testamento y el Nuevo Testamento

¹² “Amina apa, dukujai eme anentsam diita. Dutikakum yaigta. Nunú dutikakum Tuke Pujuu Apajuí amina nugkan amastata nuwi jegagmesh, dukap tsawan pujusminjum.

(Éxodo) 20:12 Iomraidhean Croise

(Génesis) 48:12

Tusa timatai José niina uchiji aidaun juki emenaas awajak, niina apajin eme anentus tikishmatug tsuntsuma nijayin nugka antig pujusui.

(Génesis) 50:12

Jacopa uchiji aidauk niina apaji tibaunak imatiksag umijuinak,

(2 Reyes) 2:12

Nunikmatai Eliseo wainak senchi buutak: “¡Apawah! ¡Apawah! ¡Amek Israel aents aidaunmak suntag maanin aidaun nagkaesau ayume!” waja wajas buutu. Tujash ataktu awagkig Elíasnak wainkachui. Elías wematai wake besemag dekapeak niina jáanchjin japiki ichigkui.

(Proverbios) 15:5

Aents anentainkachua duka niina apaji jintinmash dakitawai, untsu yacha shiig anentaimkauwa duka niina apaji chichamen antujui.

(Proverbios) 3:16

Aents unuimaju, yacha duka kuashat mijan pujustinai, nunik wiakuch wajas eme anentam atinai.

(Levítico) 19:3

“Maki makichik ditá apajin, dukujijai eme anentus diitnume. “Nuigtushkam tsawan ayamtain wi etegkauwaitag nunú eme anentsajum diitajum. ¡Witjai Tuke Pujuu Apajuí atum emematin ainajum nunú!

(Levítico) 19:32

“Aents múun aina duka ajantusjum diistajum. Duka dutikatajum mina umigtau asajum. ¡Witjai Tuke Pujuu atumi Apajuígminuk!”

(Malaquías) 1:6

Tuke Pujuu ashí senchigtina nunú sacerdote aidaun chichajak: “Uchi aidauk dita apajinak umijuinawai, tuja inak aidaushkam dita parjugjin umijuinawai. Tuja wi atumin Apajuíjiyaitag nuniaish ¿wagka minash eme anenjusjumesh diigtsugme? Tuja wi atumin apugmitag nuniaish ¿wagka ajaantugsagmesh diigtsugme? Atumek minak dakitjagme, nuniakjum: ¿Iish amina daagmesh wajutiya dakitjaish idaisabiaji? tajume.

(Evangelio según San Mateo) 19:19

amina apa dukujai eme anentsam diistá, nuniakum tikich aidaush amek anenmamsam aneeta, tiu.

(Evangelio según San Marcos) 10:19

Chicham umiktin aina nu dekame: “Tsanijinawaipa, magkagtuawaipa, kasamkaipa, wainkamek tsanumkagtujaipa, wainka tsanujá jujukipa, apa dukujai eme anentsam diistá” tawa nu, tau.

(Evangelio según San Marcos) 7:10

Wagki Moisés tiuwai: “Amina apa, dukujai eme anentsam diistá”, tuja “apajin, dukujinakesh pegkegchaun chichajuk tsagkugtsuk maatajum”.

(Evangelio según San Lucas) 18:20

Amek dekame chicham umiktin agagbaunum: “Tsanijinawaipa, magkagtuawaipa, kasamkaipa, wainkamek tsanumkagtujaipa, amina apa dukujai eme anentsam diistá” tawa nunú, tau.

(Carta de San Pablo a los Efesios) 5:21

Cristo eme anentamunum, pempeentunisjumek sumimdaikatajum.

(Deuteronomio) 32:47

Tuja juju chicham umiktin agagbauwa nunú wainkaya nunin diyakjum umitsuk idaisaigpajum. Juju chicham umiktina nunú atumnak pujutan amawai. Nuniau asamtai, Apajuí nugka anagtamauwa nunú namak Jordágka amain awa nuwi jegagmesh, nunú umiakjum kuashat tsawan pujustinaitjume”, tiuwai.

(Deuteronomio) 4:26

Tuja atum Jordágka amain katigjum Apajuí nugka amasua nuwi pujusjum dakumkamu emematu yujakjumek, nunú nugkanmak dukap tsawan pujutsuk ijina emegkam atinaitjume. Duka tuke uminkatta nuna wi yamai nayaimpin nugkajai adaisan tajai.

(Deuteronomio) 4:40

Nuadui niina chichame umiktajum tibauwa nuna wi yamai juju tsawanta juwi amaajim nunú betek umiktin atajum. Nunú betek umiakjumek, Tuke Pujuu Apajuí atumdau nugka tuke atinun amastata nuwi kuashat mijan pujustinaitjume”, tiuwai.

(Deuteronomio) 6:2

‘Tuke Pujuu Atumi Apajuíjiya duke ememattajum. Dutikakjum niina chichame umiktin aidau agagbauwa nunú atum, atumi uchijum aidau, tijajum aidau aatus umiktinun wi jintinjim nunú betek umiktajum. Nuniakjum kuashat mijan iwaku pujustinaitjume.

(Carta de San Pablo a los Colosenses) 3:20

Uchi aidauwah, apa dukujai ashí umigkatajum, wagki nuuwai Apu Jesusan shiig awagma nu.

(Rut) 3:6

Aatus tusa Rut ajanum weuwai. Nunik jeganta niina aishi aajakun dukuji tibaunak imatiksag umikui.