(Éxodo) 20:11 - Awajún: Apajuí chichame pegkejam Porciones del Antiguo Testamento y el Nuevo Testamento

¹¹ Wagki Tuke Pujuu Apajuík seis tsawantai nayaimpin, nugkan, nayantsan tuja ashí nuwi ayá nujai najankauwai. Dutika tsawan sieteya duwi ayamjauwai. Nuadui nunú tsawanta nunak tuke ayamtai atinun Tuke Pujuu etegkauwai.

(Éxodo) 20:11 Iomraidhean Croise

(Génesis) 1:28

Dutika pegkegnum yumigkiak: “Yujaktajum, nuniakjum nugkak ashí jamagtajum, tuja nayantsanmaya namak aidauk ashí atum kuitamkatajum, tuja agkajunum chigki nanamin aidaush, kuntin wegantu nugkanum yujaka dushakam ashí atumin umigtamtinme”, tiuwai.

(Génesis) 1:31

Apajuí ashí nii najankamujin ijumag diis tiki pegkeg wakejumain diisui. Juna najanak ashimak juinia uwejan makichik ijuk tsawantan ejeyuwai.

(Éxodo) 8:22

Tujash nunú imaniakuish, mina aentsug Egipto nugkanum Gosén batsata nunak wi kuitamkattajai, nuadui dita batsatbaunmak makichik anchigkesh atsuttawai. Nunú wainkum dekaattame wi Apajuí Tuke Pujuu tutain mina senchigjai juju nugka juwi dutikag nunú.

(Éxodo) 9:29

Tusa tama Moisés ayaak: “Wi juju yaaktanum pujag nuna jiinmawaik, mina uwejun takuin Tuke Pujuun segattajai, dutikai chaagpik megkaekattawai, tuja bicha yuta dushakam megkaekattawai. Nunikmatai dekattame nugkak dekas Apajuínuapi tusam.

(Isaías) 42:10

Yamajam kantamtai Tuke Pujuu kantamjuatajum. Ashí nugka najatamunum batsamin aidautigmesh Apajuí emematkujum kantamatajum, lanchanum nayants yujau aidaush, kuntin nayantsanum batsamin aidaush, tuja nugka múun nayantsa ijus ayá nuwi batsamin aidaush Apajuín ememattinme.

(Los Hechos de los Apóstoles) 14:15

—Muun aidauh, ¿wagka aancha aikagme? Jutiishkam aents atum ainajum annuketji; nunin asaja atum wainkajum aikajum aanú idaikujum, dekas Apajuí iwaku pujuwa nu nayaimpin, nugkan, nayantsan, nuigtú ashí nui ayá nunash najankauwa nu nemagkatajum tusa yamajam chicham etsejuinaji.

(Los Hechos de los Apóstoles) 20:7

Tumig tsawagmatai ijunjabiaji Jesús jakamu anentaimtusa pag yuwatasa, nuniamunum Pablo kashinia dui jiinkitin asa, Jesusa nemajin aidaun jintí jintintai aehaet wajasabi.

(Los Hechos de los Apóstoles) 4:24

Nuna antukag ashí ijunag Apajuin aujuinak: Apuh, ametme ashí senchigtin nayaim, nugka najanaumek, nayantsashkam ashí nui ayá dushakam.

(Carta a los Hebreos) 4:4

Tikich yantamnum agagbauwa nuwi, siete tsawanta nuna pachis: “Apajuik ashí ni takamainjinak ashimak siete tsawanta jui ayamjauwai”, tawai.

(Apocalipsis) 10:6

nunik, ajumaish tuke pujutin, nayaimpin ashí wají aidau nui ayá nunash, nugkanash ashí wají aidau nui ayá nujai, nayantsanash ashí wají nui ayá nujai najankauwa nuna daajin adaiyak: “Yamaik tsawantak jegae,