(Éxodo) 2:24 - Awajún: Apajuí chichame pegkejam Porciones del Antiguo Testamento y el Nuevo Testamento

²⁴ Nunik Abrahamjai, Isaakjai, Jacobjai, nii chichaman umikua nuna adeajui.

(Éxodo) 2:24 Iomraidhean Croise

(Génesis) 15:13

Imanik suwe wajasbaunum Tuke Pujuu Abragkan chichajak: “Juju yamai shiig antukta, ame uchijum wegantu agtina duka nugken ukukiag, tikich nugkanum batsamas wainka inaku waitkam cuatrocientos mijan waitu batsamtin ainawai.

(Génesis) 16:11

Nijah, juju uchi ejapjukum nunú uchigmakam, adaikattame Ismael, wagki ame wekaesa waitiakum wake besemag anentaima wekaegam nuna wi antugkajam duwi.

(Génesis) 17:7

Nuadui wi amejai chichaman umikag duka ajumaya duish ame wegantu aidaujaish tuke atinai. Wika tuké amina Apajuíjum, tuja amina uchijum wegantu aidaunashkam Apajuíji atinaitjai.

(Génesis) 18:18

wagki niig dekas kuashat aents agtina nuna apaji atatui. Nuigtushkam wi niinak, aents ashí nugkanmaya aidaunmayash ima niinig pegkegnum yumigkiam atinme tusan anagkuawaitjai.

(Génesis) 22:16

chichajak: “Tuke Pujuu chichaak juna timae: ‘Amek wi tabau umiakum amina uchijum makichkiuch aigkish sujitjukchau asamin, wiki wi chicham umiktinjun tumamjai’ tujamui.

(Génesis) 26:2

Nuwi jegaa pujaun, Tuke Pujuu wantintuk chichajak: “Egiptunmak wepa, dekas wi amina titatjam nuwi weme pujusta.

(Génesis) 26:24

Tuja nunú kashia duik Tuke Pujuu Isaakan wantintuk chichajak: “¡Witjai amina apa Abrahama Apajuíjinuk, makichkish ishamkagtukaipa, wi aminak kuitamjame! Abraham mina chichamjun umigtukua duwi aminash aikasnuk pegkegnum yumigsan, amina uchigmin uchiji wegantu agtinashkam ikauntuktatjame”, tiuwai.

(Génesis) 26:3

Tuja yamaikik juju nugka juwig pujusta, wi aminak kuitamkattagme. Wi aminak pegkegnum yumigsattagme. Tuja amina uchijum wegantu aidaun ashí juju nugka aina juna susattajai. Wi amina apa Abrahaman anagkuawaitag nunak, nuni umiktatjai.

(Génesis) 32:28

Tutai nunú aents chichajak: “Amek yamai nagkamsamek Jacob tutaig achattame. Amina daagmek Israel atatui, wagki amek Apajuíjai maaniakmesh, tuja aentsjai maaniakmesh, depetmaku asam”, tiuwai.

(Génesis) 35:11

chichajak: “Witjai dekas Apajuí ashí senchigtinnuk; amek kuashat uchigtin atatme, nuadui ame wegantu aidaush imanisag agtinai. Nuadui ame wegantu aidau nugka muuntan yaaktamawag batsamsagtinai. Tuja ame uchijum wegantunmaya apu waigkagtin ainawai.

(Génesis) 35:12

Wi Abrahaman Isaakjai nugkan susauwaitag nunak amina yamaik amaajai, untsu ame jakamin amina uchijum wegantu aidaun susatnaitjai”, tiuwai.

(Génesis) 8:1

Imanik tsawan atai, Apajuí Noén ashí kuntin niijai arcanum chimpijaidaujai wait anenjauwai. Nuadui Apajuí abau kuyuati tusa dasen nugká ajunjauwai, dutikam nunú umpuam kuyutan nagkamdauwai.

(Salmos) 105:42

Apajuí yaunchuk Abrahaman anagkuamunak betek umikmayi.

(Salmos) 22:24

Apajuík ujudauch aidau waitiamun wainiatkug waittsatnume tusag pachitskek idaitsui. Tuja uumjutnakesh uumjuchui. Yainkata tusa segamak antujui, nunik betek yayawai.

(Salmos) 22:5

Yainkata tusa segapainakuish, ame agkanmitkauwaitme, tuja aminí kajitmamsag anentaimaidau asagmatai, tsanugmek idaisachuitme.

(Éxodo) 6:5

Tuja Israel aents aidau Egipto nugkanum inaku waitkainam batsamas chichaina nuna yamai antukjai. Nunikan adeagjai ditá muunji aajaku aina nujai chichaman umikuitag nuna.

(Números) 20:16

Imatijamainakui Tuke Pujuu yaimpakti tusa segabiaji. Dutika ajin ii sumamun antugtamak, niina aentsji nayaimpinmaya ángel makichik awetugmabi, dutikam nunú Egipto nugkanum batsatutin jiipaju asamtai, yamai juju amina nugkem nagkatkamunum yaakat Cadesnum kauna batsatji.

(Los Hechos de los Apóstoles) 7:34

Dekaskenum mina aentsug Egipto batsamas waituina nunak wainkajai, nuigtush buutainak untsujuina nunash antugkajai, nunikan agkanmitkatasan akaikijai. Nunin asamtai tantata Egipto awematjame’, tiuwai.

(Jueces) 2:18

Tuke Pujuu apu chichama epegkin atinun adaikag tuké yaijakui. Nunú apu aidau batsamsamtaig, Israel aents aidaunak ditá shiwaaji waitkagtaish Tuke Pujuu ayamjujakui, wagki waituinak chichainamun antuju asa.

(1 Samuel) 9:16

“Kashin, yamai etsa eketa juniai Benjamígka nugkenian makichik aentsun awetittajame, nunú mina aentsug Israel aents aina nuna apuji atin asamtai. Ame aceiteyai buuken nijaktatme. Nii mina aentsug Israel aents aidaun filisteo aidau waitkaina nuna ayamjuk agkanmitkattawai, wagki dita waituinak mina segatuinamunak wi antugkau asamtai”, tiuwai.