(Éxodo) 2:23 - Awajún: Apajuí chichame pegkejam Porciones del Antiguo Testamento y el Nuevo Testamento

²³ Tuja kuashat tsawan nagkaemai faraón jakauwai. Nunik jakamtaishkam Israel aents aidauk imanisag senchi waitu batsatu. Imaanik waituidau asa, yaki ayamjutpak agkanmitkagmawa wajaidau. Nuna tusa imatuidaun Apajuí antukui.

(Éxodo) 2:23 Iomraidhean Croise

(Génesis) 16:11

Nijah, juju uchi ejapjukum nunú uchigmakam, adaikattame Ismael, wagki ame wekaesa waitiakum wake besemag anentaima wekaegam nuna wi antugkajam duwi.

(Génesis) 4:10

Tutai Apajuí chichajak: “¿Wagka yatsumesh aikaume? Ame yatsum maakum numpe nugkanum ukagbauwa nunú mina untsujui, suwimak susata tusa.

(Nehemías) 9:9

Iina muunji aajaku aidau Egipto nugkanum batsamas waitujaku aina duka amek wainkauwaitme. Tuja nayants kapantu tutainum jegawag buutuidaush ame antugkauwaitme.

(Éxodo) 1:14

Imatikainak takat katsugmanum nugka namukag ladrillon najankatnume tusag batsasajui, dutikainak ajanmash imatiksag takamtikainak tikima shiig senchi waitkaidau.

(Éxodo) 4:19

Moisés eke Madián nugkanum pujuttaman Tuke Pujuu chichajak: “¡Egipto nugkanum wakitkita, amina mantamatatus egapagmaya duka ashí jinawaje!” tiuwai.

(Éxodo) 6:5

Tuja Israel aents aidau Egipto nugkanum inaku waitkainam batsamas chichaina nuna yamai antukjai. Nunikan adeagjai ditá muunji aajaku aina nujai chichaman umikuitag nuna.

(Éxodo) 6:9

Tusa tima Moisés dutiksag Israel aents aidaun ataktu ujakui. Tujash ditak antugkachaju ainawai, wagki Moisésa tuu wekaetin shiig senchi takamtijamainak waitkagmainawai tuidau asag.

(Éxodo) 7:7

Dita faraógjai chichasaju aina nunú tsawantaik, Moisésnak ochenta mijan ajujakui. Untsu Aarógnak ochenta y tres mijan ajujakui.

(Isaías) 5:7

Tuke Pujuu ashí senchigtin uvan wakejus ajakua duka Israel aents Judá wegantujai aina nunuwai. Tuke Pujuuk mina chichamjun umigtuktinme tusa wakekauwai, tujash ditak magkagtin wajasu ainawai. Tuke Pujuuk shiig pegkeg dekaskenum takau atinme tusa wakekauwai, tujash ditak ima pegkegchaunak takaidaun Tuke Pujuu wainui.

(Números) 20:16

Imatijamainakui Tuke Pujuu yaimpakti tusa segabiaji. Dutika ajin ii sumamun antugtamak, niina aentsji nayaimpinmaya ángel makichik awetugmabi, dutikam nunú Egipto nugkanum batsatutin jiipaju asamtai, yamai juju amina nugkem nagkatkamunum yaakat Cadesnum kauna batsatji.

(Los Hechos de los Apóstoles) 7:30

“Cuarenta mijan nagkaemai, makichik ángel uwegshunum wantintukui muja Sinaí tikiju awa nui, numi zarza tutai jii kegamunum.

(Deuteronomio) 24:15

Duka dutiktsuk nunú tsawantaik nii takasbaujiniag akiktajum, wagki niig ujudauch asa sumak yuwatatus atsumawai. Untsu nunú betek umiatsjuminig, nii Tuke Pujuun segattawai atumin suwimkan amastinme tusa.

(Carta de San Santiago) 5:4

Aents aidau ajaka juwinak atumi ajagmin takasú aidau akikchamu untsumainawai, atum tsanujá akitsuk idaisamu asag; nunú juukaju aidau untsumaina nuna Apu ashí senchigtina nu antawai.

(Jueces) 4:3

Jabígnak ajujakui novecientos carro hierro najanamu aidau. Nuadui Israel aents aidaunak veinte mijanai waitka batsamtuidau. Imatika waitka batsamtam ditashkam Tuke Pujuu yaimpakti tusag senchi segau ainawai.

(1 Samuel) 12:8

“Atumi apachjum aajaku aina nunú Jacob niina uchiji wegantu aidaujai Egipto nugkanum shiyakag batsatun, nuwiya aents waitkasu ainawai. Imatika waitkainam Tuke Pujuu yaimpakti tusag segajaku ainawai. Nuna antujuk Tuke Pujuu Moisésan Aarógjai awetiuwai. Dutikam iina apachji aidaun jiija yajuak juju nugka juwi ikaunmauwai.

(1 Samuel) 9:16

“Kashin, yamai etsa eketa juniai Benjamígka nugkenian makichik aentsun awetittajame, nunú mina aentsug Israel aents aina nuna apuji atin asamtai. Ame aceiteyai buuken nijaktatme. Nii mina aentsug Israel aents aidaun filisteo aidau waitkaina nuna ayamjuk agkanmitkattawai, wagki dita waituinak mina segatuinamunak wi antugkau asamtai”, tiuwai.