(Éxodo) 2:15 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁵ Tusa nii anentaimsamunak imatiksag faraón dekauwai. Nunik Moisés egakjum maatajum tusa inamjauwai. Tujash Moisésak tupikaki Madián nugkanum pujustatus weuwai. Nunik jegaa yumigmatnum ayaumas ekemsauwai.

(Éxodo) 2:15 Iomraidhean Croise

(Génesis) 24:11

Nunik wea weakua yaaktanum jegauwai, tujash eke wayatsaig etsa akagu. Nuniai nuwiya nuwa aidau yumin aimainak yumigmatnum shimuidau. Nuninai nunú inakshakam camello aidaun ayamtikak yumigmatnum ayaunas batsasui.

(Génesis) 25:2

Dutika nunú nuwanum imajin uchijin akigkui: Zimrám, Jocsán, Medán, Madián, Isbac, Súah, aatus.

(Génesis) 25:4

Tuja Madiágka uchijishkam: Efá, Éfer, Hanoc, Abidá, Eldaá aatus aajakui. Ashí juju aina juka Cetura uchiji wegantu aajakui.

(Génesis) 29:2

Nunik wesa yumigmat taimunum ayaumas kampatum aents uwigjintin aidau, uwig nuwiyan yumin umin asagmatai, maki makichik ditá uwigji aidaun ijumag ayamainak batsatun wainkauwai. Nunú yumigmatak kaya múuntai dukukbau aajakui.

(Éxodo) 4:19

Moisés eke Madián nugkanum pujuttaman Tuke Pujuu chichajak: “¡Egipto nugkanum wakitkita, amina mantamatatus egapagmaya duka ashí jinawaje!” tiuwai.

(Proverbios) 22:3

Aents yacha shiig anentaimkauwa duka pegkegchaun wainkug wamak idaiwai; untsu aents anentainkachua duka ayatak akuumtawai, nuniau asa, utugchatan igkug waitiawai.

(Habacuc) 3:7

Nuigtushkam Cusagnumia aents aidau initak makichkish jiinmainchaunum egkema waitmaina imanik senchi waituidaun wainkabiajai. Tuja Madián nugkanmaya aidaushkam senchi ishamainak jiintsuk ayatak kaemag aakchinmag batsatun wainkabiajai.

(Evangelio según San Mateo) 10:23

Tuja makichik yaaktanum pujagmin aintamainakuish tikich yaaktanum tupikaktajum. Dekas tajime, Israelnumia yaakat aina nui mina chichameg pachisjum ashí etsegtsugminig, wi Aentsmagan akiinauwaitag nunak taatnaitjai.

(Evangelio según San Juan) 4:6

Nuwi au Jacob nugka tai yumi chigkamu aajakua nu. Jesús miná minakua pimpikiu asa, nugka tai yumi chigkamunum ayaumas ekeemsauwai, etsa tajiastatak wegai.

(Los Hechos de los Apóstoles) 7:29

Nu tama antuk Moisesak Madián nugkanum tupikakiuwai, nunik jegaa tikich nugkanmayaitak nuwi pujusui, nuwi jimag uchi ajusui.

(Carta a los Hebreos) 11:27

Apajuiyai dekaskeapi tabauwai, Moisesak Egipto nugkanmaya jiinkiuwai rey kajektinjinash ishamtsuk, ni dutikata tibaujiya nuig ebetmamjauwai Apajuí wainchataiya nunú niijai abaunash dekapeau asa.