(Éxodo) 2:14 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁴ Tama nii ayaak: “¿Ya aminash apu chichama epegkin ati tusash adaitamkash iniish apujtamsame? ¿Egiptunmaya aents maamum dutika minash mantuatag tusamek tujutam?” tau. Tama Moisés nuna antuk senchi ishamkauwai, nunik anentaimas, dekas egiptunmaya aentsun wi maamag nunak dekawajeapi, tiuwai.

(Éxodo) 2:14 Iomraidhean Croise

(Génesis) 13:8

Nuadui makichik tsawantai, Abram Lotan chichajak: “¡Amek mina yatsujun uchijiyaitme, nuadui iik pempeentunikik kajegdaimaitsuji! Tuja amina tagkugmin kuitamin aidaush, mina tagkujun kuitamin aina nujaig kajegdaya yujamaitsui.

(Génesis) 19:9

Tusa tutai dita aínak: “¡Amek menasta! Ame iina apuji najaneamek juka aikawaigpa tusamek tikich nugkanmayayaitkumek tukagtumaitsume. ¡Yamaik, amina dita dutikmainaitag nuni senchi dutikattajame!” tusag Lotnak suwimaidau waitijin tegagkatag tusag.

(Génesis) 34:27

Dutikawaju ai Jacopan uchiji tikich aidau kauna shimutuk aents jinaa batsatbaunum utsanawag dita umayi pegkegchau awajkamunum aents jinau aina nuna wajiji aidaunak ashí yajuakajui.

(Evangelio según San Mateo) 21:23

Jesús jega Apajuí ememattainum wayá jintinkagtak wajai, sacerdote apuji aidau nuigtú judío apuji aidaujai tajuntag iniinak: —¿Aminash ya jintinkagtuata tusash awetamae? ¿Yana chichamenia jusha juniame?, tuidau.

(Evangelio según San Lucas) 12:14

Tutai Jesús ayaak: —Kumpajuh, ¿ya minash ame juez atá nuniachkumesh aents wají sujitdayinakui akantukam suu atá tusash adaitukmae? tau.

(Evangelio según San Lucas) 19:14

Tujash aents niina nugkenia aidau kajejuidau asag, dekas apun chichaman awetuinak: ‘Jutiik anú rey wajas jutiiní inamjati tusaik wakegatsji’ ”, tiajui.

(Evangelio según San Lucas) 19:27

Mina shiwag aidau rey wajasá jutiiní inamjai tusa dakitjiagma nunú, jui itanjum mina emtijui kajegtajum’ ”, tiuwai.

(Los Hechos de los Apóstoles) 7:35

“Nunú Moisesan dakituinak: ‘¿Yaa aminash apu, nuigtú juez atí tusash adaitamkame?’ tiajua nuna Apajuí apu ema, nuigtú agkanmitkagtin atí tusa ángel numi zarzanum wantintukua nuna senchijin awemauwai.

(Carta a los Hebreos) 11:27

Apajuiyai dekaskeapi tabauwai, Moisesak Egipto nugkanmaya jiinkiuwai rey kajektinjinash ishamtsuk, ni dutikata tibaujiya nuig ebetmamjauwai Apajuí wainchataiya nunú niijai abaunash dekapeau asa.