(Éxodo) 2:11 - Awajún: Apajuí chichame pegkejam Porciones del Antiguo Testamento y el Nuevo Testamento

¹¹ Moisés tsakaja múun wajas pujau, makichik tsawantai nii wegantunmayan niina yachi aidaun ijagsatatus weuwai. Nunik jegakma takat shiig senchi katsugman takainak batsatun wainkauwai. Nunik diistakama egiptunmaya aents niina yachi hebreo aentsun suwimtatman wainkauwai.

(Éxodo) 2:11 Iomraidhean Croise

(Éxodo) 1:11

Nuna tusa Israel aents aidaun takat katsugmanum takamtikainak waitkasagtinun, apu aidaun adaitujajui. Dutikamu asag, faraón yutai aidaun ijumajakua nuna jimag yaaktan, Pitón, Ramsés aatus najanawajui.

(Éxodo) 3:7

Tujash Tuke Pujuu ataktu chichajak: “Wika mina aentsug aidau Egipto nugkanum batsamas senchi waituina nunak shiig wainjai. Tuja takata apuji aidau takat katsugmanum takamtikainam waituinak pampaina nunashkam antukjai. Tuja dita waituina nunashkam shiig dekajai.

(Éxodo) 5:14

Tuidau asag faraón niina aentsji apu adaijamu aidau Israel aents takata takagtai diistin adaijamu aidaun asutidau. Dutikainak: “Yaunchuk najanmaijum imatiksagmekek yaug najanachmaugme, tuja yamaishkam nunisjumek umiatsjum dusha ¿wagka aniagme?” tuidau.

(Éxodo) 5:4

Tama faraón ditan ayaak: “¿Wagka Moisésa amesh Aarógjaish aents aidau takaidaush nunú takugmesh tsawantash emegkagme? Nunú tuu yujatsuk wakitkijum takastajum”, tau.

(Éxodo) 5:5

Tuja nuigtushkam faraón ditan chichajak: “Juju nugka juwi batsamas Israel aents aidau shiig kuashat yujakag takainak batsata nunidauk, takasaigpajum tusagmek tsawantak emegkaumaitsugme”, tiuwai.

(Éxodo) 5:9

Nuadui yamaik nuni senchi takamtiksatajum. Imaatikamu asag wait chicham antumainji tsawan atsugtinme”, tau.

(Éxodo) 6:6

“Nuadui Israel aents aidau tita: ‘¡Witjai Tuke Pujuunuk! Nuniau asan egiptunmaya aents aidau waitkainam batsatjum nunak egiptunmaya aidaun suwimka suwakun jiigtatjime. Tuja takat katsugmanum takamtijamainakui waituinajum nunashkam dutiksanuk agkanmitkattajime. Wi mina senchigjai ayamjukan jiigtatjime.

(Éxodo) 6:7

Dutikan mina aentsug atinme titatjai, tuja wika Tuke Pujuu atumi ememattai atatjai. Duwi dekajuawagtinai, iina Apajuíji Tuke Pujuu tutaya nunuwap egiptunmaya aents aidau inaku waitkatai batsatutin agkanmitkagbauwaita tusag.

(Isaías) 58:6

Tujash duka dekaskechui. Mina shiig awajkati tujutkugmek, ijagma pujusam: Aents achikam chimpija nunú agkanmitkata, takamsachu aig jigkajam batsata nunú atiam agkanmitkata, inaku waitkatai batsata nunú agkanmitkata. Dutikakum shiig takashtai, pegkegchau aina duka ashí idaisatajum.

(Evangelio según San Mateo) 11:28

“Minai minitajum ashí atum kuashat takat takaakjum pimpikjum nuigtú kijin aidau yanamaina imanikjum pujautigmek, nunak wi ayamtijatjime.

(Evangelio según San Lucas) 4:18

“Apu Apajuí Wakaní minai awai, nuniau asa mina etegtuauwai, ujunauch aidaunash yamajam chichaman ujaktí tusa; achikbau aidaunash antuinamunum senchi chichaká agkanmaetan ujaktí, nuniak wainmachu aidaunash wainmitkakti, waitkatai aidaunash agkanmitkati,