(Éxodo) 2:10 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁰ Nunik muumpagmatai apu nawanjin susauwai. Dutikam juki nii uchijima niina daajin Moisés adaikauwai. Nunak: “wi yuminmayan jiikmaijai” taku tiuwai.

(Éxodo) 2:10 Iomraidhean Croise

(Génesis) 16:11

Nijah, juju uchi ejapjukum nunú uchigmakam, adaikattame Ismael, wagki ame wekaesa waitiakum wake besemag anentaima wekaegam nuna wi antugkajam duwi.

(Génesis) 4:25

Adánka nuwe ataktu ejapjuk uchi aishmagkun uchigmakui, dutika adaikauwai Set. Nunak: “Mina uchig Abelan Caín mauwa duwi minak juna Apajuí sujuse”, taku tiuwai.

(Génesis) 48:5

“Tuja, wi eke Egipto nugkanum taatsaig, amina uchijum Efraín Manasésjai akiinau aina duka mina uchig agtatui. Ditak mina shiig uchig Rubén Simeógjai aina nujai betek agtatui.

(2 Samuel) 22:17

“Apajuíyah, ame minak nayaimpinum pujusam, uwejum awentuntabiume, dutikam nayantsa kunajinia jiikim uwemtijugmayume.

(Éxodo) 2:9

Nunik ujak itanmatai, faraógka nawanji nunú nuwan chichajak: “¡Juju uchi amina jemin jukim tsakapatjugta, wi amina uchi kuitabaunum akiktajame!” tiuwai. Tusa tima uchinak niina dukujig juki kuitamak muumpitkajui.

(Evangelio según San Mateo) 1:21

“Nuna uchigmaktatui, nunikmatai adaikattame JESÚS, wagki niina aentsji tudauji aina nunak tsagkujug uwemtijatin asamtai”.

(Carta de San Pablo a los Gálatas) 4:5

chicham umiaku batsatutin agkanmitkagma Apajuí uchijí etamkata tujamu asa.

(Carta a los Hebreos) 11:24

Apajuiyai dekaskeapi tabauwai Moisés muun wajasash: Faraogka nawanjin uchijiyaitjai tumamtanak dakitujakui.

(Primera carta de San Juan) 3:1

Diistajum wajupa iina Apajuí anempatsji, imatijamu asa mina uchig aidau tujamji, nuadui jutiik Apajuí uchijí ainaji; tujash Apajuí nemajuinatsu duka dekagmainatsui, wagki niinash dekachajua dui.

(1 Samuel) 1:20

Nuadui Ana ejapjuk pujus tsawanji jegamtai, uchi aishmagkun uchigmakui. Dutika adaikauwai Samuel. Nunak “Apajuí segamu” taku tawai.