(Éxodo) 19:5 - Awajún: Apajuí chichame pegkejam Porciones del Antiguo Testamento y el Nuevo Testamento

⁵ “Tuja ashí nugka aina duka ashí aents aina nujai midau ainawai. Nunin aig wi atumin mina aentsug atinme tusan etegkauwaitjime. Nuadui wi chichaman tajim nunú antukjum umiakjumek atum dekas atatjume mina aentsug tikich aents aina nuna nagkaesau.

(Éxodo) 19:5 Iomraidhean Croise

(Génesis) 17:9

Tuja nuigtu Apajuí Abragkan chichajak: “Juna wi chichaman umikag duka imatiksamek umikta, tuja amina uchijum wegantu agtina dushakam umikagtin atinme.

(1 Reyes) 8:53

Tikich aents aidauk batsataig, juju aents aina nunú aminu agtin etegkauwaitme. Dutikauwaitam nunú pachisam, iina muunji aidau Egipto nugkanum batsatu jiijuitam nuadui amina inakem Moisés ujakuitme”, tusa aatus Salomón Tuke Pujuun segauwai.

(Job) 41:11

Ashí nugkanmak makichkish niijai maania depetmainuk atsawai.

(Job) 41:3

“Aminak semagkauk wait anenjugta tusa segapakug waitkagmamaitsui.

(Salmos) 24:1

Nugkak ashí Tuke Pujuunui, nunú nugkanum ashí ayá duka, nuwi batsamin aidaujai ashí niinu ainawai.

(Éxodo) 15:26

Dutika chichajak: “¡Wi Tuke Pujuu atumi Apajuígmetag nunú tabau puyatjusa antukjum wi wakegamu takakjum, chicham umiktinun wi amasuitjim nunú betek umiakjuminig, egiptunmaya aidaun jata awetiuwaitag dutikanuk atumnak makichkish awetishtatjime! ¡Witjai Tuke Pujuu atumi etsagaumainnuk!” tiuwai.

(Éxodo) 24:7

Dutika idayak chicham umiktin agagbaun juki, ashí Israel aents aidau antuinamunum ausauwai. Dutikamtai dita aimainak: “¡Tuke Pujuu dutikatajum tujama duka ashí imatiksaik umikagmi!” tuidau.

(Éxodo) 34:9

aatus tiuwai: “¡Tuke Pujuuwah, dekaskenum mina anenkumek uyunkagtusta! Iik dekas antakchau ainaji, tujash tsagkugkagtujam amina aentsjum ekagtita”, tiuwai.

(Éxodo) 6:7

Dutikan mina aentsug atinme titatjai, tuja wika Tuke Pujuu atumi ememattai atatjai. Duwi dekajuawagtinai, iina Apajuíji Tuke Pujuu tutaya nunuwap egiptunmaya aents aidau inaku waitkatai batsatutin agkanmitkagbauwaita tusag.

(Éxodo) 8:22

Tujash nunú imaniakuish, mina aentsug Egipto nugkanum Gosén batsata nunak wi kuitamkattajai, nuadui dita batsatbaunmak makichik anchigkesh atsuttawai. Nunú wainkum dekaattame wi Apajuí Tuke Pujuu tutain mina senchigjai juju nugka juwi dutikag nunú.

(Éxodo) 9:29

Tusa tama Moisés ayaak: “Wi juju yaaktanum pujag nuna jiinmawaik, mina uwejun takuin Tuke Pujuun segattajai, dutikai chaagpik megkaekattawai, tuja bicha yuta dushakam megkaekattawai. Nunikmatai dekattame nugkak dekas Apajuínuapi tusam.

(Isaías) 1:19

Atum mina umigtakjumek, atumi nugkem pegkeja nuwi ajakmajum yuwattagme.

(Isaías) 41:8

Apajuí chichaak: “Jacob wegantu Israel aents aidauwah, antuktajum: Atumek mina inakeg, wi etejamu ainagme. Atumek mina kumpag Abraham aajakua nunú wegantu ainagme.

(Isaías) 43:1

Jacob wegantu Israel aents aidauwah, Tuke Pujuu atumin najapauwa nunú chichagtamak: “Ishamkagtukaigpa, witjai atumin agkanmitkaunuk, wi atumnak daagmin adaisan midau atinme tusan etegkauwaitjime, nuadui atumek midau ainagme.

(Jeremías) 7:23

Wika ditanak mina umigtuktinme, nuninakui wi ditá Apajuíji atajai, untsu dita mina aentsug atinme tiuwaitjai. Tuja nuigtushkam chicham umiktinun wi susajuitag nuna umiktinme nuninak shiig batsamsatnume tiuwaitjai.

(Amós) 3:2

“Ashí nugkanum aentsuk ayaig, ima atumnak etegkauwaitjime. Dutikamuitkujum pegkegchau takamsau asajum, nunú umiakjum diwimkagtukbau akikmamaina numamtuk suwimak jukittajume.

(Amós) 6:1

Amós chichaak: ¡Jerusalégnumia aidau sapigmatsuk puyatkas batsata nunak wait anentuinajai! Yaakat Samaria eme anentautigminak wait anentajime. Juju nugka múunta nuwi apu aidautijum puyattsuk batsatutigminak wait anentajime.

(Malaquías) 3:17

Tuja nuigtushkam Tuke Pujuu ashí senchigtina nunú ditan pachis chichaak: “Dita aidau ataktu mina aentsug wajasagtina nunú tsawan jegattawai. Makichik múun niina uchiji umigbau asa, wait anentus kuitamna numamtuk wishakam ditanak wait anenjagtatjai.

(Primera carta de San Pablo a los Corintios) 10:26

wagki, ju nugka juka nuigtú ashí nugkanum ayá dushakam Apu Jesusdau ainawai.

(Primera carta de San Pablo a los Corintios) 10:28

Nuniagmin, tikich chichagtamak: Ju nejea juka kuntin maa apajimtai anagkuamui tujamkuig yuwawaigpa, nu etsegkamtai dekau asam wainka anentaimsaijum.

(Deuteronomio) 10:14

Tuja nayaim aina duka, nayaimpi yakintin ayá dushakam, nuigtu nugka, tuja nugkanum ayá nujai ashí Tuke Pujuu atumi Apajuíjiya nudau aina nunú dekaatajum.

(Deuteronomio) 26:18

Nuadui Tuke Pujuushkam nii anagtamauwa nunak imatiksag yamai chichaak: ‘Israel aents aidauk tikichdauk amaitsui, ima mina aentsjuk ainawai’, tujamui. Nuadui niina chichame umiktin agagbauwa duka betek umiktajum

(Deuteronomio) 26:19

Tuja atum ima nigki umigkugmek, tikich aents aidau nii najankamu batsata nuna nagkaesau shiig kuashat, senchigtin, ajaantusa diitai atatjume, tusa Tuke Pujuu atumi Apajuíjum tujamui.”

(Deuteronomio) 4:20

“Atumnak jiju ukuijatasa hornonum jitayama numamtuk Egipto nugkanum waitkam batsatutigmin Tuke Pujuu jiipag niinu etamiuwai.

(Deuteronomio) 7:6

Wagki atumek ima Apajuí Tuke Pujuu tutaya nudau atinme tusa etegjamu ainagme. Nuadui atumnak ima niinuk atinun ashí aents nugkanmaya aina nuwiyan etegtamjauwai.”

(Deuteronomio) 9:29

¡Tujash Israel aents aidauk amina aentsjum ainawai! Nuniau asamtai amina senchigmin Egipto nugkanum batsatu jiigmayume’, tusan tiyamiajai” tiuwai Moisés.

(Carta de San Pablo a Tito) 2:14

Nigka nigki jutiiní mantamnata tus tsagkamankauwai, ashí pegkegchau aina nuanui agkanmitkagmatatus; dutika pegkemtijami niina aentsji etamak ashí pegkeg aina nunak takamtijamsatatau asa.

(Carta a los Hebreos) 11:8

Apajuiyai dekaskeapi tabauwai Abrahamak Apajuí untsuam umijak jiinkiuwai, ni nugkan aminu atí tusa suwam atina nuwi weak, tuwí jegattawa nunak dekatsuk.

(Carta a los Hebreos) 8:9

Duka wi ditá muunji aidaun Egipto nugka batsatun jiijan, ditajai chichaman apakuitag nuna umikchagmatai idaisauwaitag nuninuk achattawai, tawai Apu Apajuí.

(Josué) 24:24

Tusa timatai Israel aents aidau aimainak: “¡Ii aidautik Tuke Pujuu iina Apajuíjiya duke emematku, nii tujabauwa duke umigkami taji!” tuidau.

(Primera carta de San Pedro) 2:9

Tujash atumek Apajuí niina aentsji atinun etegkauwa nu weantu ainagme, sacerdote rey takajin, Apajuí aentsji pegkejam, Apajuí sumaka jukimu. Jutiinak pegkegchau takainaku suwenum batsatjin tsaaptin dekas imana nuna amasui, Apajuí takasbauji shiig pegkeja nuna etsegkatnume tujamu asa.

(1 Samuel) 15:22

Tusa timatai Samuel chichaak: “Kuntin maa, nuna neje ashí apeamua nuna nagkaesau, Tuke Pujuu tabau shiig antuka umigbauwa nunú niinak shiig awagmawai. Tuja nuigtushkam anentag dekas shiig pegkeg aidau Apajuí suwamua nuna nagkaesauwa duka nii umigbauwa nunuwai.