(Éxodo) 19:18 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁸ Nuninai nunú mujanum jii kegaunum pachitkau Tuke Pujuu akaikiuwai. Nunikmatai muja Sinaík ashí bukuitau. Nuadui nunú mujak aja apeam esaak bukuituwama imaniau. Imaniai nunú mujak shiig senchi uuju.

(Éxodo) 19:18 Iomraidhean Croise

(Génesis) 11:5

Tujash Apajuí Tuke Pujuu nugkanum taa diikma aents aidau yaaktamawag, kumpin muuntan apujawag batsamtiagtatman wainkauwai.

(Génesis) 15:17

Imanik suwe wajasu ai, ichinkanmaya jii bukuitau wantinkauwai, nunú wantinai shijikap ayai ekemakbauwa nunin kegak kuntin dakaja batsasbaunum ejapeena nagkaemattaman Abram wainkauwai.

(Génesis) 19:28

Nunik nuwi jegan wajas Sodoman Gomorrajai diistakama ashí nugka paka aidauk yaakat aidaujai nagkamas ekemaka tsaikbau asa, senchi bukuiti jiinak yujagkim akijua atatman wainkauwai.

(Nehemías) 9:13

Tuja tikich tsawantin muja Sinaínum akaikiuwaitme. Tuja nayaimpinum pujusam ditajai chichasuitme. Nuwi susauwaitme chicham umiktin shiig pegkeg aidau agagbau.

(Salmos) 104:32

Tuja Apajuí diyamak nugkak kujawai, untsu muja aidauk Apajuí antiamak bukuituinawai.

(Éxodo) 19:13

Untsu makichik aentskesh, tuja kuntinkesh nuna dajagtata duka achikaigpajum ayatak kayai tukua tukuakuajum maatajum. Untsu dutikachkugmesh nagkiikesh maatajum. Duka kuntin akush, aents akush tuké dutika maam atatui. Untsu uwija kachuji senchi umpuamun antuinak mujanmak wamain ainawai”, tiuwai.

(Éxodo) 19:17

Imaniagtai Moisés ditá aakjin batsatun jiija yajuak Apajuíjai igkumtikatatus muja najatamunum ijumjauwai.

(Éxodo) 20:18

Nuna aatus Apajuí chichai ipamat, peem, chaajip, nuigtu bukuitak mujanak ejakui. Nuna ashí Israel aents aidauk wainkajui. Tuja uwija kachuji shinaunashkam antuidau. Nuna ishamainak ikaa ijunas dii ijunu.

(Éxodo) 24:17

Tuke Pujuu imanji wantinbau Israel aents aidau diismak yakí mujá titijin jii kegak wajukeama iman aajakui.

(Éxodo) 3:2

Nuwi Apajuí ángela nunin wajas numi piipich zarza kegamunum nuna ejapeen wantintukui. Nuna Moisés shiig diikma numi piipich kegayatak esaka amuechaun wainkauwai.

(Éxodo) 34:2

Tuja nuigtushkam ¡kashin kashikmasam muja Sinaínum wakatin asam umintsata! ¡Nuwi wakam dekas muja titijin mina emtijui tantata!

(Isaías) 6:4

Nunú Apajuín emematuinak imatuinamu, jega Apajuí emematku ijuntai waitiji aidaun senchi umuchmayi, nuniai nunú jeganum bukuituk yujagkim wajas asabi.

(Isaías) 64:1

Apajuíjuh, utusamek nayaim ujaim akaikim nugká taakum muja aidau pegakam,

(Habacuc) 3:6

Apajuí minau jasa wajataik, nugka uujui, tuja ashí aents aidaun diitaik, aents aidauk ishamainak kujainawai, muja aidauk tsainak megkagainawai, muja yaunchuk nagkamas aajaku aidaush yumpunainawai. Tujash Apajuín jintiya duka yumpunagkesh megkaekashtinun tuke atinai.

(Evangelio según San Mateo) 24:7

Nugka muunnum inamnuk, mai imanuk maaniagtinai, tuja nugka yaignum batsamnushkam, mai nuninuk maaniagtinai. Jata ishamain utsumaja jinamush, yapagtash, kuashat nugkanum uugbaush atinai.

(Deuteronomio) 33:2

juna aatus tiuwai: “Tuke Pujuu jutijai pujustatus muja Sinaínum tauwai, tuja nugka Seírnum nagkamas niina tsaaptinjig etsanjabi. Nunik etsantug yaakat Parágnum nagkamas uyuuntamsabi, tuja diez mil ángel aidaujai weak, niina uweje untsujiya duwi chicham umiktin agagbaun takakuyi.

(Deuteronomio) 4:36

Apajuí atumi pujutjumin esetamatag tau asa, nayaimpinum pujusa chichagtamkauwai. Tuja nugkaashkam jii kegaun iwaintugmakui. Nunú jii kegamunmaya niina chichame antukuitjume.

(Segunda carta de San Pablo a los Tesalonicenses) 1:7

tuja atum waitiajum nunak, jutiijai betek ayamtan sujamsatnai. Nunak Apu Jesús nayaimpinmaya niina angelji senchigtin aina nujai, jii kegamunum egketkau minitna dui dutikatnai,

(Segunda carta de San Pablo a los Tesalonicenses) 1:8

nuniak suwimkan susatnai Apajuinu dekatan dakitjau aidaun, nuigtú yamajam chicham Apu Jesús pachisa etsegbaun antugkachaju aina nunashkam.

(Carta a los Hebreos) 12:18

Israel aidau muja Sinaí antitash antimainnum, jii kegaun, suwe wajasú, ikiyamjau, senchi dasentun adijkajua atumek nunikchaugme,

(Carta a los Hebreos) 12:26

Nunú tsawantinig Apajuí chichaamujig nugkan pegakui, tujash yamai tujamji: “Ataktuk imá nugkanak pegatsuk, ashí nayaimpinashkam pegaktatjai”, tiuwai.

(Segunda carta de San Pedro) 3:10

Tujash Apu Jesús minamuk kasa pachiachbau kashi miniyama numamtuk atinai; nu tsawantinig nayaim aidauk shiig ishamainun kedegtuk megkaegainai, nui ayá dushakam esakag yuku waigkagtinai, antsag nugkashkam ashí nui takasbau ayá dushakam esakagtinai.

(Apocalipsis) 15:8

Jega Apajuí ememattaiya nunak Apajuí imanji, nuigtú senchijiya nu bukuiti akijuabi; imaniau asamtai siete ángel aidau, siete jata aidaun takuinaka nuna ashimtsaigkik makichkish nuig waimainchau agmayi.

(Apocalipsis) 9:2

Dutikam waa muun ishamain akaga nuna ujaibi; dutikam aja tsajutkau apeam bukuituwama imanik bukuiti jiinmayi, imaniak etsanak suwe awasabi, daseshkam waanmaya bukuita ibauk wajasmayi.

(Jueces) 5:5

Tuke Pujuu Israel aents aidaun Apajuíji ememattayah, ame wainmin muja aidau uujiagmayi. Tuja muja Sinaíshkam senchi uugkauwai.