(Éxodo) 17:7 - Awajún: Apajuí chichame pegkejam Porciones del Antiguo Testamento y el Nuevo Testamento

⁷ Tuja Israel aents aidau yumi atsutai Tuke Pujuu emtin kajekag Moisésan pegkegchaun chichagkaju asagmatai, nuna nugka daajin adaikauwai “Meribá”. Tuja nuigtushkam adaikauwai “Masá”. Nunak Israel aents aidau chichainak: ¿Dekas Tuke Pujuush jutijaish pujawash? tusag utujimkaju asagmatai tuu adaikauwai.

(Éxodo) 17:7 Iomraidhean Croise

(Salmos) 95:8

“Yaunchuk Meribánum, tuja uwejush Masánmashkam Apajuí chichamen intimjukiu aina numamtuk wajakaigpajum.

(Éxodo) 17:2

Nuadui Moisésan jegajuawag chichajuinak: “¡Yumi sukagtusta uwajagmi!” tusa imatjuidau. Tusa imatjam Moisés ditan chichajak: “¿Wagka minash segatjume? ¿Wagka Tuke Pujuu senchigtuchua nunin chichagkugmesh ekajeagme?” tau.

(Éxodo) 34:9

aatus tiuwai: “¡Tuke Pujuuwah, dekaskenum mina anenkumek uyunkagtusta! Iik dekas antakchau ainaji, tujash tsagkugkagtujam amina aentsjum ekagtita”, tiuwai.

(Miqueas) 3:11

Apu chichama epegkin aidauk ya kuichkin akikmawa nuna yainawai, tuja sacerdote aidaushkam kuichkin akigkatnume tusa jintinkagtuinawai. Profeta aidaushkam kuichik akiam chichaman etsejuinawai, nuninak: ‘Tuke Pujuu jutijaig pujawai, nuadui suwimkanak amaschattawai’, tuinawai.

(Números) 14:22

Wagki wi mina imanjui wainchatai ishamain aidaun Egipto nugkanum tuja uwegshunmashkam iwainamun wainkau ainayatak, dekapjustasag mina umigtutan dakitjau aina nuadui.

(Números) 20:13

Nuadui nunú nugka daajin Meribá adaikajui. Nuwi Israel aents aidau Apajuín yumi sukagtusta tusa chichamjukaju asagmatai. Tusa segam Tuke Pujuu niina pegkegmajin ditan iwaintukui.

(Números) 20:24

“Aarógkak jakattawai, nuniktin asa wi Israel aents aidaun nugka anagkuawaitag nuwig wayashtatui, wagki atumek Meribánum yumi awa nuwi wi umikta tibau umikchau ainagme.

(Números) 27:14

Atumek yumi umumain atsutai, Israel aents aidau chichamjuinakui, wi nunú dutikatajum tusan uwejush Sin tutainum tiuwaitjim nunú umikchauwaitjume. Nuwi Israel aents aidau yumi sumainakui, atum ditá emtin mina eme anenjuschauwaitjume”, tiuwai. Tuja nunak uwejush Sin tutainum yaakat Cades awa nuwi yumi pukuni jiinu Meribá tutaya nuna pachis tawai.

(Evangelio según San Juan) 1:14

Nunú Chichama duka Aentsmaga akiina jutiijai wajumchik mijan pujusui. Nuna imanjig jutii wainkabiaji, Apajuí Uchijí makichkiuchia nu, wait anenkagtamuji nuigtú dekaskejishkam.

(Deuteronomio) 31:17

Nunidau asagmatai wishakam senchi kajegkan makichkish puyatjutsuk idaisagtinaitjai. Dutika ai shiig senchi waitu batsatu asa makichik tsawantai chichainak: ‘Ii senchi waituinag duka Tuke Pujuu iina Apajuíji idaitamsa nuadui imanika waituinaji’, tiagtinai.

(Deuteronomio) 33:8

Tuja Leví wegantu aidaun pachis Moisés juna aatus chichajak: “Tumim Urim aina duka aminu ainawai. Nunú Leví wegantu amina sacerdotejum aidau ame tabaun betek umigtamin aina nunú susauwaitme. Tuja Masá nugkanum ame dita dekapsauwaitme, dutikakum Meribá nugkanmashkam amina aentsjum aidau yumi susauwaitam nuwi senchi jiyakuitme.

(Deuteronomio) 6:16

“Tuja Masá nugkanum pujusjum Tuke Pujuu atumi Apajuíjum dekapsauwaitjum numamtuk ataktu dekapsatasagmek wakeyigpajum.

(Deuteronomio) 9:22

“Tuja nuigtushkam Taberá nugka, Masá nugka, Quibrot-hataavá nugka aina nuwi pujusjumeshkam pegkegchau takakjum Tuke Pujuu ikajkauwaitjume.