(Éxodo) 16:34 - Awajún: Apajuí chichame pegkejam Porciones del Antiguo Testamento y el Nuevo Testamento

³⁴ Tuke Pujuu Moisésan tibaunak imatiksag Aarón maná ichinkanum chimpiamun juki, chicham umiktin agagbau arcanum egkeam aunum ejegan nujai niimtikas apusauwai.

(Éxodo) 16:34 Iomraidhean Croise

(1 Reyes) 8:9

Nunú arcanmak Israel aents aidau Egipto nugkanum batsatun yajuak emas, muja Horebnum jimag kaya pakama najanamunum chicham umiktin agagbaun Tuke Pujuu Moisésan susauwa ima duke egkemajakui.

(Éxodo) 31:18

Tuke Pujuu Moisésjai muja Sinaínum chichasa ashimak, jimag kaya pakama najanamunum chicham umiktinun, nii agatug susauwai.

(Éxodo) 40:20

Dutika ashimak kaya pakama najanamunum chicham umiktin aidau agagbaun juki arcanum egkeauwai. Dutika dukutai shiig pegkeg najanamujai dukuka nunú yanaki jukitnun jimag numin wegaji apusauwai.

(Deuteronomio) 10:5

Dutika sujusmatai nuna jukin mujá pujaun wakitkiamiajai. Nunika jegaan arca najanamunum Tuke Pujuu dutikata tujutbaunak imatiksanuk egkeawabiajai. Duka yamaikish nuwi awai.