(Éxodo) 15:26 - Awajún: Apajuí chichame pegkejam Porciones del Antiguo Testamento y el Nuevo Testamento

²⁶ Dutika chichajak: “¡Wi Tuke Pujuu atumi Apajuígmetag nunú tabau puyatjusa antukjum wi wakegamu takakjum, chicham umiktinun wi amasuitjim nunú betek umiakjuminig, egiptunmaya aidaun jata awetiuwaitag dutikanuk atumnak makichkish awetishtatjime! ¡Witjai Tuke Pujuu atumi etsagaumainnuk!” tiuwai.

(Éxodo) 15:26 Iomraidhean Croise

(1 Reyes) 11:33

Salomógkak minak dakitjuje, nuniak nuwa Astarté dakumka najanamun yaakat Sidógnumia aidau emematin aina nuna, nuigtu Quemós Moab aents aidau ememattai aina nuna, nuigtu Milcom amonita aents aidau emematin aina nunashkam emematui. Nuadui niina takatjig mina shiig awajtatsui. Niina apaji David mina chichameg umiktin agagbau aidaun umikua dutikag niig umikchae.

(1 Reyes) 11:38

Tuja wi amina titatjam nunú ashí umiakum takatjumesh pegkeg, tuja mina chichameg umiktin agagbauwa dushakam mina inakeg David umikua dutiksamek umiakminig, wi aminak yaigtinaitjame. Dutikakun David wegantunmaya apu agtinai tiuwaitag nunak imatiksanuk ame wegantu aidaunmayanashkam Israel aents aidaun apuji wajas inamjatnun etegkatnaitjai.

(2 Reyes) 2:21

Nuna Eliseo juki yumi pukuni jiinbaunum jeganta nagkimak: “Juna aatus Tuke Pujuu chichaak: ‘Juju yumia junak wi pegkeg awagsajai. Nuadui makichik aentskesh juna umauk jakashtatui. Tuja nugkashkam ajak tsapamainchauk achattawai’ tawai”, tiuwai.

(2 Reyes) 22:2

Tuja Josíasa takatjig Tuke Pujuu diismak shiig pegkeg aajakui. Niig nii wakegamun takatsuk, niina apachji Davita pujutji pegkeg aajakua nuna ainjauwai.

(Job) 5:18

Tuja nii jata amasmatai jam nunashkam, nigki etsaentamjattawai. Tuja nii waittsati tujamatai waitiaminchakam, nigki yaimpaktatui.

(Salmos) 103:3

Niyai mina tudaujun tsagkugtauk; nigki wi jaaku pujaish etsaentinuk.

(Éxodo) 12:29

Nuniamunum aehaet Tuke Pujuu aentsji nayaimpinmaya magkagtin nagkaemak egiptunmaya uchi iwai aidaunak, faraógka uchiji iwai apu atin tibau niina apaji pujusa inamtaijin pujujakua nuwi nagkamas, aents achikam chimpijun uchiji iwai aidaunashkam, tuja kuntinu uchiji yama nagkamchaku petsakbau aidaujaí ijinauwai.

(Éxodo) 19:5

“Tuja ashí nugka aina duka ashí aents aina nujai midau ainawai. Nunin aig wi atumin mina aentsug atinme tusan etegkauwaitjime. Nuadui wi chichaman tajim nunú antukjum umiakjumek atum dekas atatjume mina aentsug tikich aents aina nuna nagkaesau.

(Éxodo) 19:6

Atum Israel aents aidautigmek dekas sacerdote aidau ima wi wakegamunak takagtin aina nujai betek ima wi wakegamuk takau atatjume. Juna wi taja juju Israel aents aidau ujakta”, tiuwai.

(Éxodo) 20:2

“Witjai Tuke Pujuu atumi Apajuígminuk. Wi atumnak Egipto nugkanum inaku waitkatai batsatutigmin jiijuitjime.

(Isaías) 55:3

“Juwi minai kaunajum wi titatjim nunú antuktajum, nuniakjum iwaku pujustajum. Wi Davita aneau asan anagkuawaitag nuna umiakun, atumjai chichaman umiktatjai atakesh yapajinashtin tuke asatnun.

(Jeremías) 7:23

Wika ditanak mina umigtuktinme, nuninakui wi ditá Apajuíji atajai, untsu dita mina aentsug atinme tiuwaitjai. Tuja nuigtushkam chicham umiktinun wi susajuitag nuna umiktinme nuninak shiig batsamsatnume tiuwaitjai.

(Ezequiel) 18:5

“Aents pegkejan taka duka pegkeg takatan dekawai.

(Oseas) 11:3

Nunin ainaig wi ditan aneau asan uchijai betek jukin egkesan emayajai, dutikakun wekaetanash jintintuawabiajai, yutainash ayujiajai, utugchatnumash yaigkabiajai. Imatiksa kuitamaitak, Apajuíyap kuitamjamua tichau ainawai.

(Oseas) 6:1

Nuna antukag Israel aents aidau chichainak: “Kaunatajum ataktu wakitki Tuke Pujuu umigkagmi, nii kajegtamak suwimkan amasu akush, nigki wait anenjamag tsagkugtamjattawai.

(Deuteronomio) 12:25

Nunú numpa yutsuk idaikugmek, Apajuí emtin pegkeg takau asajum, atumi uchijum aidaujaí shiig pujustinaitjume.

(Deuteronomio) 12:28

“¡Wi atumin inajim nunú shiig antukjum betek umiktajum, nunú nuniakjum Apajuí emtin pegkeg takau asajum, atumi uchijum aidaujaí shiig pujusminjum!” tiuwai.

(Deuteronomio) 32:39

Ima Wikitjai Apajuínuk. Tikich Apajuík makichkish atsawai. Witjai pujuta sukagtinnuk, tuja wikitjai pujuta ataínnuk. Witjai suwimka sukagtinnuk, tuja wikitjai tsagkugkagtinnuk. ¡Mina suwimkajua nuna uwemtumainuk makichkish atsawai!

(Deuteronomio) 7:15

Egiptunmaya aents aidaun jata ishamainun Tuke Pujuu ajuntug atumesh wainjumin ijinauwa annuk atum batsatmaunmak shiig atsutnai. Apajuí nunak emegkaktinai. Iman jata aina duka atumnak waitkagmaschagtinai, untsu tikich aents atumi shiwaajum aina nuna waitkasagtinai.