(Éxodo) 15:2 - Awajún: Apajuí chichame pegkejam Porciones del Antiguo Testamento y el Nuevo Testamento

² Tuke Pujuu minak senchimtijawai, niyai mina ayamjumataijuk, nuadui wika niina kantamjajai. Niiyai dekas mina Apajuíjuk, nuadui shiig aneasan ememattatjai. Niiyai dekas mina apajun Apajuíji, nuadui wika tuke niina etsagjatnaitjai.

(Éxodo) 15:2 Iomraidhean Croise

(Génesis) 17:7

Nuadui wi amejai chichaman umikag duka ajumaya duish ame wegantu aidaujaish tuke atinai. Wika tuké amina Apajuíjum, tuja amina uchijum wegantu aidaunashkam Apajuíji atinaitjai.

(Génesis) 49:18

“¡Chah Tuke Pujuuwah, uwemtijugti tusan amina dakajame!

(2 Samuel) 22:3

Ametme mina Apajuígmek, ametme kaya muunnum uumka ejamtayama imanmek, ametme mina ejamaka uwemtaijuk. Ametme senchimek, mina uwemtijinmek; amek dekas shiig yakí, mina uumka uwemtaijuitme. Amek dekas shiig yakí mina ejamataijuitme, ametme mina uwemtijin. ¡Aents magkagtin aidau mantuatag tuinakuish, ame minak ayamjutkabiume!

(2 Samuel) 22:47

“¡Tuke Pujuuwah, amek tuke pujuuwaitme! ¡Ameketme mina ejamataigmek! ¡Ashí aents aidautijum mina uwemtijina nunú ememattajum!

(2 Samuel) 22:51

Ame apu ati tusa etegtuau asam, depetmatak tuké sujame. Ame minak, tuja mina uchig wegantujai amina anenkagmin tuké kuitamjame.”

(2 Samuel) 7:24

Wagki Israel aents aidauk tuké amina aentsjum atin atinme tusam tiuwaitme. Tuja ame atinaitme Tuke Pujuu ditan Apajuíji.

(2 Samuel) 7:5

“Mina inakeg David jegajua chichagkum: ‘Amek wi pujustinuk jegamkashtatme’, tusa Tuke Pujuu tujamui tusam ujakta.

(1 Reyes) 8:13

Tujash wi ame tuke pujustinun jegan jegamjukjame”, tiuwai.

(1 Reyes) 8:27

“Nugka múun, nayaim múun aina nuwigkish amek betek pujumaitsume. ¡Tuja juju jega ame pujustinun wi jegamjukjam juninchinmash wajuk pujustameki tajai!

(Salmos) 118:14

Wika Tuke Pujuu mina senchimtija nuna kantamjajai. ¡Niiyai mina uwemtijinuk!

(Salmos) 118:21

Tuke Pujuuwah, see tajame wagki ame antugtukam uwemtijuju asamin.

(Salmos) 118:28

Amek mina Apajuíg asamin see tajame, nuniakun amina imanjumin emematjai.

(Salmos) 145:1

Mina apug Apajuíyah, amina daajum ajumaish tuke atina nuna pachisan etsegkatjai. Tuja amina daagminak tuké pegkegnum chichagtinaitjai.

(Salmos) 22:10

Duwik nagkamsam wi akiintsaig, ame minak kuitamjukuitme. Tuja mina dukuju wakeen pujubiag duwi nagkamsamek mina Apajuíg aayume.

(Salmos) 22:3

Tujash ametme pegkegmamek, ametme apumek, iman asamin Israel wegantu aidau emematjamainawai.

(Salmos) 27:1

Tuke Pujuuwai mina tsaaptinjuk, Tuke Pujuuwai mina uwemtaijuk, Tuke Pujuuwai mina pujutjun kuitamjutuk, nunin aish ¿yanak wisha ishamkainja?

(Salmos) 34:3

Tuke Pujuu daaji múunta nunú ashí ijuntusaja emematiagmi.

(Éxodo) 14:13

Imatiagtai Moisés ditan ayaak: “¡Ishamkagtutsuk anentaim ichichiagtajum! ¡Nuniakjum Tuke Pujuu iina ayamjutpak dutikatta nunú wainkatajum! Yamai atum egiptunmaya aidau wainjum duka ataktu awagkigmek wainkashtinaitjume.

(Éxodo) 3:6

tusa nuigtushkam chichajak: “Witjai Apajuínuk, amina apachjum Abraham, Isaac, Jacob aidau emematujaku aina nunuwaitjai”, tiuwai. Tutai nuna antuk Moisés ishamak Apajuín diimainchau dekapeak, yapin dukukui.

(Éxodo) 4:22

Nuniakuish ame nii chichagkum: ‘Juna aatus Tuke Pujuu chichaak: Israel aents aidauk mina uchig iwai amaina numamtinai.

(Éxodo) 40:34

Aak pegkejam carpa aakmakbaun yujagkim ijiuwai. Nuniamunum Tuke Pujuu imanji pegkegma nunú aakan akijuauwai.

(Éxodo) 6:7

Dutikan mina aentsug atinme titatjai, tuja wika Tuke Pujuu atumi ememattai atatjai. Duwi dekajuawagtinai, iina Apajuíji Tuke Pujuu tutaya nunuwap egiptunmaya aents aidau inaku waitkatai batsatutin agkanmitkagbauwaita tusag.

(Isaías) 45:17

Tuja Israel aents aina nunak Tuke Pujuu tuke batsamsatnun uwemtijatnai. Nuadui ditak wainka inaku waitkatai, dushiktaig achagtinai.”

(Isaías) 49:6

Tuja nii chichagtak: ‘Wika aminak mina inakeg ati, nuniak Jacob wegantu aidau achija yajuakam nugken ukukiag, tikich nugkanum batsata nuna ataktu awakeag, dita nugken ikaunmati tusanuk ima nunakek tatsugme. Tuja ashí tikich aents judíochu aina nuwishkam tsaaptinun iwainakti titatjame. Ashí tikich nugka aidaunum mina chichamjun etsegkati, nunitai ditashkam uwemjatnume tusa’, tujutmayi.

(Isaías) 66:1

Tuke Pujuu chichaak: “Nayaimpik mina ekemsa inamtaijui. Untsu nugka nunuwai wi najamsa eketbau. Atumek wi ayamsatnuk mina jegajuk jegamjutmaitsugme, tuja nunú jegamainchakam nugka etegkamuk atsawai.

(Jeremías) 31:33

“Tuja nunú tsawan jegamtai, wi ditajai chichaman umiktinaitag duka juju atinai: Wi chicham umikbauwa nuna dita anentain egketjattajai, tuja anentaimtajinish agatjagtatjai. Wi dita Apajuíji atatjai, untsu dita mina aentsug agtatui. Witjai Tuke Pujuunuk, nunak dekas tajai.

(Habacuc) 3:13

Amina aentsjum aina duka ame apu etegkauwaitam nujai yayaakum miname. Untsu aents pegkegchau aina nuna apujig mantuam, inabaujiya duka ashí tsaigkam emegkatkaume. Dutikamu asa ditak shiig wainak juwakaje.

(Evangelio según San Lucas) 1:77

ni aentsjish uwemat dekamtikatasam; tudau aidau tsagkugnamushkam.

(Evangelio según San Lucas) 2:30

Wagki mina jiijui wainkajai ame uwemtikagtamunak,

(Evangelio según San Juan) 4:22

Atumek dekachiatkujum emematjume; tujash jutiik ya emematji duka dekainaji, wagki uwemtikagtinuk judionmaya minitin asamtai.

(Evangelio según San Juan) 5:23

mina eme anenjin aina dutijamsag aminash eme anenjamtinme tujutiuwai. Tujutiu asamtai mina eme anenjachuk, Apag mina awetiuwa nunashkam eme anentuinatsui.

(Los Hechos de los Apóstoles) 4:12

Makichkish tikich iina uwemtijamainuk shiig atsawai, wagki ju nugka juig Apajuí tikichin adaiyak juna daajin aentsuk uwemjatnume tusa susamuk atsau asamtai, tiuwai.

(Segunda carta de San Pablo a los Corintios) 5:19

Cristunak ashí aents aidauk Apajuijai epegtuniatnume tusa Apajuik awemauwai. Dutikamu asa, iina tudauji aidaunash pachitjamtsuk idaitugmasui. Tuja jutiinak: Apajuijai pujutjum iwajatajum, tusa chichagkagtuktajum tujabiuwai.

(Carta de San Pablo a los Efesios) 2:22

Nunin asamtai atumshakam, ashí niinig ijunainakjum, jega Apajuí ememattaiya iman ainagme; Apajuí, Wakaní Pegkejiya nuwi pujugtamu asamtai.

(Deuteronomio) 10:21

Wagki Apajuík dekas múuntai. Iman asamtai, ima nigki emematuinaji. Niyai atumi Apajuíjig, nuniau asa atum aidautigmin ayamjutpak, wainchatai ishamain aidaun iwainajua nunú wainkauwaitjume.

(Carta de San Pablo a los Filipenses) 2:11

nuninak ashí nugkanmaya aidaush Jesucristo Apua nuna dekaatnume, nunikag iina Apají Apajuiya nunak ememattinme tusa.

(Carta de San Pablo a los Filipenses) 4:13

Ashí nunak nunimainaitjai, Cristo senchimtijau asamtai.

(Carta de San Pablo a los Colosenses) 2:9

Wagki, ashí Apajuinua duka Cristui paan wainnawai;

(Apocalipsis) 15:3

Nunú aidau, Moisés Apajuí inake aajakú kantamamua nuna kantabiagmayi nuigtú Uwijá kantamtaijiya nujai, nuninak: “Shiig muuntai, anentai jegagmaitsui, ashí ame takasbau aina duka. Apu Apajuí Ashí senchigtinuh; ame takasbau aina duka pegkejai, dekaskenum aikame, amek ashí nugkanmaya aina nuna reyjiyaitme.

(Apocalipsis) 19:1

Nunú nagkaemakmatai nayaimpinum kuashat ijunjag senchi pampainamun antukbaijai, nuninak: “¡Yajautsui! Uwemat, senchi, eme anentut, nuigtú emematut aina duka, imá iina Apuji Apajuiya nudauke,

(Jueces) 5:21

Iina shiwaaji aidau entsa Quisónkan katitkatag titatman, yumi yutug dujajak tajaka utsagke. ¡Ame shiwag senchigtin aidau depetkam, iikmak chichakchamin awajsattame!