(Éxodo) 15:15 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁵ Tuja Edom nugkanmaya suntaja apuji aidauk, ishamkag wakan wajasagtatui. Tuja Moab nugka apuji aidaushkam ishamainak kujainiagtatui. Nuninai Canaán nugkanum batsamin aidaushkam ishamkag wainkauch dekapmamiagtinai.

(Éxodo) 15:15 Iomraidhean Croise

(Génesis) 36:15

Tuja Esaún uchiji aidaunmaya apu aajaku aina duka juju ainawai: Esaú uchiji iwai Elifaza uchiji wegantu aidaunmaya apu aajaku aina duka juju ainawai: Temán, Omar, Sefón, Quenaz,

(Génesis) 36:16

Coré, Gatam, Amalec aatus. Juju aajaku ainawai Elifaz wegantunum akiinau aina nuna apuji, Edom nugkanum batsamajaku aina nunú. Juju aina juka ashí Adá wegantu ainawai.

(Génesis) 36:40

Tuja Esaú wegantu aidau maki makichik daagtin patayi aidaujai juunik ditash nugkentin batsamsaju aina duka juju ainawai: Timná, Alvá, Jetet,

(2 Samuel) 17:10

Nuniagtai amina suntajum dekas wajiu leónjai betek kajen aidaush nuna antukag maaniachmin dekapjagtatui, wagki Israel aents aidauk ashí dekainawai, amina apak niina aentsji aidaujai wajiu aina nuna.

(Habacuc) 3:6

Apajuí minau jasa wajataik, nugka uujui, tuja ashí aents aidaun diitaik, aents aidauk ishamainak kujainawai, muja aidauk tsainak megkagainawai, muja yaunchuk nagkamas aajaku aidaush yumpunainawai. Tujash Apajuín jintiya duka yumpunagkesh megkaekashtinun tuke atinai.

(Habacuc) 3:7

Nuigtushkam Cusagnumia aents aidau initak makichkish jiinmainchaunum egkema waitmaina imanik senchi waituidaun wainkabiajai. Tuja Madián nugkanmaya aidaushkam senchi ishamainak jiintsuk ayatak kaemag aakchinmag batsatun wainkabiajai.

(Josué) 2:11

Nunú dekau asaja, shiig senchi ishamkagtuinaji. Tuja atumjai maaniatjai tumainuk makichkish shiig atsawai. Wagki Tuke Pujuu atumi Apajuíjum atum emematjum nunuwai nayaimpinash, nugkanash ima nigki Apajuíjiya duka.

(Josué) 2:24

Tusa ujainak: “Au nugkanak Tuke Pujuu ashí iinu atinun idaitugmase. Dutikamu asamtai nuwiya aents aidauk iina ishamjamainak sapijai jinime”, tiajui.

(Josué) 2:9

“Tuke Pujuu atum aidautigmin juna nugka amasaja nunak wika dekajai, wagki atumin senchi ishamjamkatnume tusa Apajuí tine. Nuadui ashí aents juju nugkanmaya aidauk atumin ishamjamainak sapijai jinuinawai.

(Josué) 5:1

Israel aents aidau katiagtinme tusa Tuke Pujuu namak Jordágkan ukuyua buku awajsae tabaun amorreo aents aidaun apuji aidau Jordágka amain etsa akaetaiya nuni batsamin aidau dekawajui. Tuja canaágnumia aents aidaun apuji aidau nayants Mediterraneonum batsamin aidaushkam dekawajui. Nunikag senchi ishamkag Israel aents aidaujaig kakaja maaniachmin dekapedau.

(1 Samuel) 14:16

Nuna ishamkag wakan wajasag pisainak pachimdagaidau. Imanidaun Saúla suntaji yaakta kuitamin aidau Benjamígka nugken Guibeánum pujuidau wainkajui.