(Éxodo) 15:13 - Awajún: Apajuí chichame pegkejam Porciones del Antiguo Testamento y el Nuevo Testamento

¹³ Amek amina aentsjum aidau shiig senchi aneau asam, amina senchigmin uwemtikjaume; nuadui amina senchigminig uyunkagtusam ekagtame nugka pegkeg anagkagtuawaitam nuwi jegatnume tusam.

(Éxodo) 15:13 Iomraidhean Croise

(Génesis) 19:16

Tusa tamaitak Lot emetnatai, ángel aidau, Tuke Pujuu niina wait anenjau asamtai, japikiag jiikiajui. Tuja nuwenashkam nawanji aidaujai jukiag jiikiajui, wagki yaaktan ukumtikiag uwemtijatag tau asag.

(2 Samuel) 15:25

Dutikawagmatai David sacerdote Sadokan chichajak: “Chicham umiktin agagbau egketu arca Apajuínua duka yaakat Jerusalén awagkitajum, wagki Tuke Pujuu mina wait anenjakug Jerusalén ataktu awagtuktatui, dutijakui juju chicham umiktin arcanum egketu ukuktatag duka Niina aakjinig aun ataktu wainmainaitjai.

(Nehemías) 9:12

Dutika ayamjukam tsawai shimakui, yujagkim emtika awantamin, nuna diisag shimuyanume, untsu kashi jii kegau emtika awantamin jintan tsaaptin emamtai, shiig shimuyanume.

(Salmos) 80:1

Apajuí, Israel aents aidaun kuitamnuh, ¡ame José wegantu aina duka aents uwigjin kuitamas awekauwama numamtuk kuitamsa awekame! ¡Ame querubin aidauk iname! ¡Iman asam Efraín wegantu aidau,

(Éxodo) 15:16

¡Chah, Tuke Pujuuwah, aatus sapigmainak anentaimjatnume! Amina senchijum iwainam juna dekainak kaya buchitmainchauwa nunin wajastinme, nunikmatai amina aentsjum ame uwemtijamu aina juka ame nugka anagkuawaitam nuwi shiig utsaanatnume.

(Éxodo) 15:17

¡Chah, Tuke Pujuuwah, jukagtukim aminu atin muja etegkamua nuwi pujustinme tusam ejekagtuata! ¡Ame nuwi pujustinme tusam etegkauwaitme, tuja duka amina jem ame pujustin emtikam umikuitme!

(Éxodo) 20:2

“Witjai Tuke Pujuu atumi Apajuígminuk. Wi atumnak Egipto nugkanum inaku waitkatai batsatutigmin jiijuitjime.

(Éxodo) 6:6

“Nuadui Israel aents aidau tita: ‘¡Witjai Tuke Pujuunuk! Nuniau asan egiptunmaya aents aidau waitkainam batsatjum nunak egiptunmaya aidaun suwimka suwakun jiigtatjime. Tuja takat katsugmanum takamtijamainakui waituinajum nunashkam dutiksanuk agkanmitkattajime. Wi mina senchigjai ayamjukan jiigtatjime.

(Isaías) 63:9

Israel aents aidaun waitkagtaik, niig tikichin akupkag ayamjukchauwai, dekas nii Apajuí taa ayamjukui. Apajuík niina anenken, niina senchijin aatus, Israel aents aidaunak wait anentak tuké ayamjuk uwemtiknai.

(Jeremías) 2:6

Nunidau asag, dita apachji aidau Egipto nugkanum batsatun jiija yajuakan, uwejush yumi atsau, muja yumpunjau aidau, ishamain aents aidaush pujumainchau, makichkish nagkaemamainchau ishamain wegajunum wi kuitamsan emauwaitag nunak aneetsuk pachitkachajui.

(Carta de San Pablo a los Efesios) 2:4

Tujash Apajuik shiig senchi wait anenkagtina ibau asa, ni anenkajiya nujai shiig senchi anempajui,

(Primera carta de San Pedro) 1:5

Atum Apajuiyai dekaskeapi tabau ajutjamaina dui niina senchijin kuitamjamui, uwemat umikbau awa nuna jukitnume tujamu asa, nunak tsawan nagkanbau atina dui iwainaktinai.