(Éxodo) 15:11 - Awajún: Apajuí chichame pegkejam Porciones del Antiguo Testamento y el Nuevo Testamento

¹¹ “¡Chah, Tuke Pujuuwah! ¡Aents aidau apajuímtaiji aina duka kuashtai! ¿Tujash amejai betek amainush tikichish aintash? ¡Ima ameketme pegkejam muunmek! ¡Ameketme ashí senchigtinmek! ¡Ameketme wainchatai aidau ishamain iwainam ibaumek! ¡Ameketme ememattaimek!

(Éxodo) 15:11 Iomraidhean Croise

(2 Samuel) 7:22

Tuke Pujuuwah, ¡amek dekas shiig múuntaitme! Yaunchuk iina muunji aajaku aidau ujapayanum nunú yamai dekas ii antaji, wagki tikichik amejai betek amainuk makichkish atsawai. Tuja wainka apajuímtai aina dukesh amea ibauk makichkish atsawai.

(1 Reyes) 8:23

Nunik wajas senchi chichaka Tuke Pujuun segaak: “¡Tuke Pujuuwah, ametme Apajuí Israel aents aidauti ememattaimek! Tuja ame chichakbaujum betek uminaitam imanuk tikichik nayaimpinmash, nugkanmashkam atsawai. Aents aidau amina dita anentain umigtamaina duka shiig anennaitme.

(Salmos) 145:17

Tuke Pujuuk ashí nii anagkagtuamunak betek uminai, tuja nii najankamu aina nunak shiig anentawai.

(Salmos) 22:23

¡Atum Israel aents aidautijum, Tuke Pujuu eme anentin aidautigmek, Niina senchiji anentaimtusjum ememattajum!

(Salmos) 66:5

Apajuí aents aidautin ayamjutpak ishamain wainchatai aidaun iwainajua nunú anentaimtustajum.

(Salmos) 89:18

Israel aents aidaun Apajuíji, Tuke Pujuuwah, ametme iina apuji pegkegmamek, tuja ametme ejajatkam kuitamkagtaumek.

(Salmos) 90:11

Ame senchi kajeamugminash ¿ya dekamainaita? Ame kajekbaujum ishamaina nunash ¿yaki dekamainaita?

(Éxodo) 20:3

“Tikich aina duka makichkish apajuímawaigpajum.

(Éxodo) 3:20

Dutikakun wi mina senchigjai egiptunmaya aents aidaun suwimka suwakun wainchatai ishamain aidaun iwainagtatjai. Nuadui faraón atumnak shiyaktinme tusa idaitamsagtatui.

(Éxodo) 8:10

Tama nii ayaak: “Kashin dutikata”, tiuwai. Tutai Moisés ayaak: “Ame tame duka betek uminkattawai, nunikmatai amesh dekaata iina ememattai Apajuí, Tuke Pujuuwa, imanuk tikichik atsa nunú.

(Éxodo) 8:6

Tusa tima Aarón egiptunmaya namak ayamunmanini awentau, dutikam takash jiinag ashí Egipto nugkanak pimutkau.

(Éxodo) 9:14

Tuja nunú dutikachkuminig yamai nagkamsanuk mina suwimkajun amina, nuigtu amejai atueka takataijum aidaun, tuja ashí amina aentsjum egiptunmaya aina nuwishkam ishitkattajame. Dutikamtai dekattame ashí nugkanmak tikich witag imajuk makichkish atsa nunú.

(Isaías) 30:11

Tuja jinta pegkegnum atum wegajum duka idaisatajum, nuniakjum ataktu awagkigmek, Israel aents aidaun Apajuíji pegkegma nunú pachisjumek aujkagtusaigpa’, tuinawai.

(Isaías) 40:18

Atumek Apajuík makichkish tikichjai apatkagmek diimaitsugme. Dakumka najanamu aina dukesh Apajuíjai betek amainuk makichkish atsawai.

(Isaías) 40:25

Tuja Apajuí pegkegma nunú chichaak: ‘Atumek minak makichkish tikichjai apatukjumek diigmaitsugme. Wijai betekak makichkish tikichik atsawai’, tawai.

(Isaías) 46:9

yaunchuk waji aidau nagkaemajua nunú adeagtajum, witjai Apajuínuk tikichik atsawai; witjai Apajuínuk, tikich wijai betekak makichkish atsawai.

(Isaías) 6:3

Tuja dita chichainak: “Tuke Pujuu ashí senchigtina duka shiig pegkegmai, tuja niina imanjiya nunú ashí nugkan jajutua awai”, wajagmayi.

(Levítico) 19:2

“Israel aents aidau juju ujakta: “¡Wika Tuke Pujuu atumi Apajuígminuk pegkegmaitjai, nuadui atumshakam pegkejam atajum!

(Miqueas) 7:18

“Apajuíjuh, tikich Apajuí amejai betekak atsawai. “Amek amina aentsjum ujumak iwaku batsata nuna pegkegchauji tsagkujakum, intimtaiji aidaush kajimatkim idaime. Amek jutii aidauti anejatu asam, kajekmesh tuke nunismekek pujatsme.

(Evangelio según San Lucas) 12:5

Tujash wi jintintuatjime ya ishamainaitjume nuna: Apajuí ishamkatajum suwimkan sujamak waitut tuke atina nui egkepawagmatai waitmainaitjum nunú.

(Deuteronomio) 33:26

“Jesurúman Apajuíji atumin yaimpaktatus niina senchijijai yujagminum egkemak minina imanuk tikichik atsawai.

(Deuteronomio) 4:34

Ii aidautinak Apajuí etegtamjauwai. Dutijabau asa iina ayamjutpak, jutii makichkish wainajakchamun ishamain aidaun Tuke Pujuu iwainag egiptunmaya aidaun senchi sapigmitkakua nunú atumek shiig wainkauwaitjume. Tuja tikich apajuímtai aina duka makichkish imanun iwainamainuk shiig atsawai.

(Apocalipsis) 13:4

nuninak, dragogkan emematiagmayi, bestian senchimtikau asamtai, nuninak bestianash emematiagmayi, nuninak: “¿Yaita bestiaya imajush, ya niijaish maanimainaita?”, awajiagmayi.

(Apocalipsis) 15:4

¿Apuh yaki ishamjamkashti? ¿Yaki emematjamchati? Ameketme pegkegmamek. Iman asamin ashí nugkanmaya aidauk kautjamak emematjabiagtatui, wagki ame dekas dutikaum duka ashí wantinjau asamtai”, wajagmayi.

(Apocalipsis) 4:8

Nunú cuatro iwaaku aina duka, makí makichik seis nanape ajiagmayi, jiishkam ashí iyashin ajiagmayi; nunú iman aidau tuke itattsuk tsawai, kashijai: “¡Pegkegmai, pegkegmai, pegkegmai, Apu Apajuí ashí senchigtin, tuke pujuu, nuigtush tuke pujujakú, jui taatna nunú!”, awajiagmayi.

(1 Samuel) 2:2

¡Tuke Pujuuwah, ame pegkegmaitam imanuk tikichik atsawai! ¡Ame jutii Apajuíji asam kuitamkagtam, imatikas kuitamkagtauk tikichik makichkish atsawai! ¡Amina nagkaetamsauk tikichik atsawai!