(Éxodo) 15:1 - Awajún: Apajuí chichame pegkejam Porciones del Antiguo Testamento y el Nuevo Testamento

¹ Tuke Pujuu ayamjuka uwemtikjam, Moisés nii wegantu Israel aents aidaujai Niina emematuinak juna aatus kantamawajui: “Tuke Pujuun, eme anentsan kantamjuatjai, wagki niina senchijin ashí depetmak, shiwag caballojin entsatkau aidaun nayantsanum ijinau asamtai.

(Éxodo) 15:1 Iomraidhean Croise

(Nehemías) 9:11

Ditash wainainai nayants jimaituk akanka buku awajsabiume. Dutikamunum katiajajui. Untsu shiwag aidau ditan pataetukajua duka nayantsa ejapeen dekas shiig kunajin kayajai betek aepá emegkagmayume.

(Salmos) 105:43

Aatus Apajuí niina aentsji aidau Egipto nugkanum batsatun jiigmayi. Dutikam aents aidauk shiig aneenak untsumiagmayi.

(Salmos) 107:15

¡Tuke Pujuu anenkega nunú see titajum, wagki nii jutiin ayamjutpak kuashat wainchatai ishamain aidaun iwainajua nuadui!

(Salmos) 107:8

Nuadui Tuke Pujuu emematiagmi, niina anenkajin iina ayamjutpak ishamain wainchatai aidaun iwainajua, nunú pachisaja.

(Salmos) 32:7

Ametme mina ejamataigmek, ishamainnumash ame kuitamjame; nuadui ame agkanmitkajuamun anentaimtusan shiig aneakun, kantamjagme.

(Éxodo) 14:26

Tusa imatiagtai Tuke Pujuu Moisésan chichajak: “¡Uwejum nayantsanmanini awentata, dutikamin yumi waketak egiptunmaya aents aidaun, ditá carroji aidaun, caballoji aina nujai yutua ijinati!” tiuwai.

(Éxodo) 14:27

Tama Moisés niina uwejen nayantsanmanini awentauwai. Dutika uwejen awentamtai, nayants ejapeen buku wajas auk, tsawak yaunchuk aajakbaunak imanisag piyag asauwai. Tuja egiptunmaya aents aidauk pisagtakama nayantsanmak egkemkajui. Aatus Tuke Pujuu egiptunmaya aidaunak nayantsanum aepá ijinauwai.

(Éxodo) 15:21

Imaniagtai María ditajai ijunag kantamak: “¡Tuke Pujuu eme anentsajum kantamjuatajum, shiwag caballonum maanin aidau entsatkau minidaun nayantsanum aepá ijinak depetmaku asamtai!” waja wajas kantamu.

(Isaías) 42:10

Yamajam kantamtai Tuke Pujuu kantamjuatajum. Ashí nugka najatamunum batsamin aidautigmesh Apajuí emematkujum kantamatajum, lanchanum nayants yujau aidaush, kuntin nayantsanum batsamin aidaush, tuja nugka múun nayantsa ijus ayá nuwi batsamin aidaush Apajuín ememattinme.

(Carta de San Pablo a los Colosenses) 2:15

dutika Apajuí ashí wakan pegkegchau aidau apujinash, nuigtú wakan senchigtin aina nuna senchijinash atanjauwai, Cristui depetuk imanchau emak achijá ashí wainbaunum iwainakui.

(Apocalipsis) 15:3

Nunú aidau, Moisés Apajuí inake aajakú kantamamua nuna kantabiagmayi nuigtú Uwijá kantamtaijiya nujai, nuninak: “Shiig muuntai, anentai jegagmaitsui, ashí ame takasbau aina duka. Apu Apajuí Ashí senchigtinuh; ame takasbau aina duka pegkejai, dekaskenum aikame, amek ashí nugkanmaya aina nuna reyjiyaitme.