(Éxodo) 14:25 - Awajún: Apajuí chichame pegkejam Porciones del Antiguo Testamento y el Nuevo Testamento

²⁵ Tuja carro kagketaiji aidaushkam kushatuk ukuinidau. Nuniagtai juwimainchau dekapenak untsumaidau. Nuninak ditak pempeentunikiag chichainak: “¡Auk Tuke Pujuu Israel aents aidaun ayamjak jutijai maaniak jutijamui, dekas pisajagmi!”, tuidau.

(Éxodo) 14:25 Iomraidhean Croise

(Nehemías) 4:14

Tusa tai ishamainakui, wi wajantan aents eme anentsa diitai aidaun, apu aidaun, nuigtu ashí tikich aidaujai ijumjan chichagkun: “¡Ishamkaigpa, Apajuí senchigtina nunuwai dekas ishamainuk! ¡Ishamtsuk dekas atum wegantu múun aidau, dita uchiji aidau, nawanji aidau, nuwe aidau, dita jee aidau ayamjakjum maaniatajum!” tusan tiabiajai.

(Nehemías) 9:11

Ditash wainainai nayants jimaituk akanka buku awajsabiume. Dutikamunum katiajajui. Untsu shiwag aidau ditan pataetukajua duka nayantsa ejapeen dekas shiig kunajin kayajai betek aepá emegkagmayume.

(Salmos) 46:9

Maanitak ashí nugkanum atsuti tusa tine. Nuadui maaniaku flecha akentai aidaunak nagki aidaujai kupigmayi, dutikak carro maaniaku jutai aidaunashkam apeka utsagmayi.

(Éxodo) 14:14

¡Atumek uyumakaigpa, Tuke Pujuu iina ayamjutpak maaniattawai!” tiuwai.

(Éxodo) 14:18

Nuna dutikamtai ¡egiptunmaya aents aidauk dekajuawagtatui dekas wi Apajuí Tuke Pujuu tutayaitag nuna!” tiuwai.

(Éxodo) 14:4

Tuja atumin pataetugmaktinme tusan wi niinak ataktu antakchau awajsattajai. Dutika ai pataetugmakui, niina, tuja niina suntaji aidaujaí wi mina senchijun iwaintuktatjai. Dutika ai egiptunmaya aidauk, wi Apajuí Tuke Pujuu tutayaitag nuna dekajuawagtatui”, tiuwai. Tusa tiajam Israel aents aidauk Tuke Pujuu tibaun betek uminak nuwi aakmajag batsamsajui.

(Éxodo) 15:3

Tuke Pujuuwa nunuwai dekas maanitan yachak. Niina daajig dekas Tuke Pujuu tutayai.

(Isaías) 31:4

Tuja Tuke Pujuu chichagtak tujutmae: “León uwijan maamtai, uwijan kuitamin aidau tuwakag, senchi untsumkag leónkan uwakatajtakush uwakmainchau ainawai. Numamtuk Tuke Pujuu ashí senchigtina nunú taattawai muja Siógnum niina aentsji aidaun ayamjuktatus.

(Amós) 1:14

Nuadui yaakat Rabá peejamua nunak apejuattajai, dutika ai nunú kegak apu pujusa inamtain ashí apeattawai. Dutikan ijinai buutuinamu dase suwe wajas kedegtuwama imattatui.

(Amós) 5:19

Nunú tsawantinig makichik aents león aintam tupika wekama, chayujai igkuniak wajuk anentaimainaita iman atatui. Nuniachkush jegá waya tanishnum atumkama, nuwi dapi tepau esaim anentaimaina iman atatui.

(Amós) 9:1

Duwi pujusan Tuke Pujuu altaran ijus wajasa chichagtak: “Tuke Pujuu emematku ijuntai jegamku shugku ajigmawa nunú awatim kupikta, dutikam jega yumpunak aentsun yutua ijinati, tuja tupikaki uwemjatag tuinakush makichkish uwemjachagtatui. Tupikaki uwemjashkam maaniamunum jakattawai.

(Deuteronomio) 32:31

Iina shiwaaji aina nuna apajuímtaiji aina duka iina Apajuíjiya nujaig betekchauwa nunak ditak shiig dekainawai.

(Josué) 10:14

Nunak yaunchuk aents aidau Tuke Pujuun segajaku aina duikish dutikashbaun nunú tsawantin dutikauwai. Nunú tsawantai Tuke Pujuu Israel aents aidaun ayamjak shiig paan maaniauwai.

(Jueces) 4:15

Nunikag igkuniawag maaninamunum Sísara suntaji aidauk carronum yujas maanin aidaujai Baraka puyagjin ishamkajui. Nunak Tuke Pujuu nuniktinme tiu asamtai, imanisag ishamak maanimainchau dekapenak pisajajui. Tuja niina suntaji aidau pisagtai, Sísarashkam niina carrojin egketu akaiki tupikakiuwai.