(Éxodo) 14:21 - Awajún: Apajuí chichame pegkejam Porciones del Antiguo Testamento y el Nuevo Testamento

²¹ Nuninai Moisés niina uwejen nayantsanmanini awentauwai, dutikamtai etsa minitaiya nuwiyan Tuke Pujuu makichik kashi shiig senchi dasenmitkakui. Imatika umpuamu asa nayantsak jimaituk kanakui. Aatus Tuke Pujuu nayantsa ejapeen buku awagsauwai.

(Éxodo) 14:21 Iomraidhean Croise

(Génesis) 8:1

Imanik tsawan atai, Apajuí Noén ashí kuntin niijai arcanum chimpijaidaujai wait anenjauwai. Nuadui Apajuí abau kuyuati tusa dasen nugká ajunjauwai, dutikam nunú umpuam kuyutan nagkamdauwai.

(2 Reyes) 2:8

Nunik jegawag Elías jáanch nii dukumataijin juki pempeag yumin awatiuwai. Dutika awatim namakak jimaituk kanaka buku wajasui. Nunikmatai nugka bukunum katimaina imatikas mai katiajajui.

(Nehemías) 9:11

Ditash wainainai nayants jimaituk akanka buku awajsabiume. Dutikamunum katiajajui. Untsu shiwag aidau ditan pataetukajua duka nayantsa ejapeen dekas shiig kunajin kayajai betek aepá emegkagmayume.

(Job) 38:24

¿Tuja peem peetish itug weawaki? duka amek dekatsme. ¿Tuja dasesh etsa minitaiya nuni dasenkash, itusaya ashí nugkanash jajutuaki? duka amek dekatsme.

(Salmos) 148:8

¡Chaajip, bicha, nieve, yujagkim aidautigmesh, tuja dase Apajuí dasenkati tima ishamain dasentin aidautigmesh,

(Salmos) 66:6

Nigki nayantsanash ukuya buku emauwai, dutikamtai ii muunji aajaku aidau bukunum katiajajui. Nuadui ¡ima Apajuíyaig shiig aneasagmi!

(Éxodo) 14:16

Tuja ¡ame ushujutaijum takakam nunú takuim nayantsanmanini awentata! Dutikawamin nayants jimaituk kanaka ejapeen buku wajastatui, nunikmatai Israel aents aidau bukunum katiagtinme.

(Éxodo) 14:20

Nunú yujagkim egiptunmaya suntag aidau shimamunum nuna emtin wajantui, nuniaig suwe wajasui, untsu Israel aents aidau shimamunmak yujagkim etsantug tsaaptin wajasui. Nuadui nunú kashi aajakua duik Israel aents aidaunak amaigkachaju ainawai.

(Éxodo) 15:8

Ame dase awemamu nayantsan umpui jimaituk akankae. Dutikamu asa yaakat peejamua iman wajasmae. Nayantsa initkenish yumik buchittsuk asae.

(Éxodo) 7:19

Nuna tusa ataktushkam Tuke Pujuu Moisésan chichajak: “Aarón ujakta ushujutaijin juki namak aidau, entsa aidau, kucha aidau, yumi shikika aimtai cisterna aidau Egipto nugkanum ayá nuni, tuja ashí yumi piyaju aidau ayá aatus takui awentati, dutikam yumi aidauk numpa wajasti. ¡Aatus ashí yumi shikitai numi najanamu, nuigtu kaya najanamu aidaunmashkam yumi piyag ayauk numpa waigtatui!” tiuwai.

(Isaías) 43:16

Nayants kuna ishamainnum nuna ejapeen Apajuí ukuya buku awajus ikankauwai. Aatus niina aentsji aidaun ikatiajui.

(Isaías) 44:27

Tuja nayants kuyua buku wajasti, nunikmatai tikich namak aidaushkam buku waigti tusan tumainnuk witjai.

(Isaías) 63:12

Apajuí niina senchijijai Moisésan uyunajakua dusha, tuja niina aentsji aidau ishamainun ukumtikak, atakea duish kajimatkishtinun niina senchijin iwainak nayantsan ukuyauwa dusha ¿tuwi pujawa?

(Isaías) 63:13

Caballo mujanum weakush atakuinag iyauchua numamtuk, nayants buku wajasbaunum initak shimakush, atakuinjashtinme tusa umikua dusha Apajuísh yamaish ¿tuwi pujawa?

(Habacuc) 3:8

Tuke Pujuuwah, aents caballonum entsatkau minimaina imanika minakum, aents maaniamunum depetmak carro maanitainum egkemag wegama numamtuk wajam dusha ¿wagka imanikmesh umintsaume? ¿Namak aidau, nayants aidau, wainka apajuímtai aina nunú kajegkamek imanikmesh umintsaum?

(Los Hechos de los Apóstoles) 7:36

Tima Moisés Egipto batsamtatman jiijui, aents dutikmainchaun Egipto nugkanmayan iwaintuk, dutiksag Nayants Kapantu tutainmash, nuigtú cuarenta mijadai uwegshunum yujasua nuishkam.

(Josué) 2:10

Atum Egipto nugkanum batsatutijum jiinjagmin nayantsa amain katiagtinme tusa Tuke Pujuu nayants kapantun ukuyuauwa nunú iik dekaji. Tuja nuigtushkam atum aidautijum amorreo nugkanmayaapu aidau Sijón, Og aatus Jordágka amain batsatu ashí ijinawaitjum dushakam shiig dekaji.

(Josué) 3:17

Sacerdote aidau chicham umiktin agagbau egkeamun arcan yanaki juki wedauk nuna yanasag namak Jordán kuyua buku wajasbaunum ejapeen ijunai, Israel aents aidauk bukunum shiig katiajaju ainawai.

(Josué) 4:23

Tuja nuigtushkam Tuke Pujuu atumi Apajuíjum yaunchuk nayants kapantun katitkatnume tusa ukuyuauwa dutiksag, yamaishkam namak Jordágkan katitkatnume tusa ukuyua buku awajsamtai katiajujum nunú pachisjum ujaktajum.