(Éxodo) 14:16 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁶ Tuja ¡ame ushujutaijum takakam nunú takuim nayantsanmanini awentata! Dutikawamin nayants jimaituk kanaka ejapeen buku wajastatui, nunikmatai Israel aents aidau bukunum katiagtinme.

(Éxodo) 14:16 Iomraidhean Croise

(2 Reyes) 4:29

Tusa tutai Eliseo niina inake Guehazínkan chichajak: “Umintsata nunikam mina ushujutaig jukim juju nuwa jeen wetá. Tuja jintá weamin aents igkupainakuish kumpamawaipa. Tuja makichik aentskesh kumpamjamkuish aikaipa. Nunika jegam mina ushujutaijua juju uchi yapiin patatta”, tiuwai.

(Éxodo) 14:15

Tusa tutai Tuke Pujuu Moisésan chichajak: “¿Wagka minash yainkata tusamesh segatme? ¡Anui wajasam mina segatú wajatsuk Israel aents aidauk weajum antsagmek wetajum tita!

(Éxodo) 14:26

Tusa imatiagtai Tuke Pujuu Moisésan chichajak: “¡Uwejum nayantsanmanini awentata, dutikamin yumi waketak egiptunmaya aents aidaun, ditá carroji aidaun, caballoji aina nujai yutua ijinati!” tiuwai.

(Éxodo) 17:5

Tama Tuke Pujuu Moisésan ayaak: “Israel aents aidau ashí yajuaka weakum ditá apuji múun aina nunú ujumak jukim emka wetá. Nuniakum ame namak awatiuwaitam nunú ushujutaijum jukita.

(Éxodo) 17:6

Tuja wika muja Horebnum kaya awa nuwi dakastatjame, nuwi taam ¡nunú kaya awatta! dutikamin yumi jiinkittawai. Nunikmatai ashí aents aidau uwagtinme”, tiuwai. Tusa tima Moisés Israel aentsu apuji múun aidau wainainamunum kayan awatiuwai.

(Éxodo) 4:17

Tuja ¡anú ushujutaijum jukim wetá, núnikam aanjai kuashat wainchatai aidau iwainagtatme!” tiuwai.

(Éxodo) 4:2

Tutai Tuke Pujuu niina chichajak: “¿Waji aancha takakme?” tama: “Ushujutaijun takakjai”, tau.

(Éxodo) 4:20

Tusa tima Moisés niina nuwen uchiji aidaujai burronum pekai, Egipto nugkanum wakitkiuwai. Nuniak ushujutaijin Tuke Pujuu, jujai wainchatai aidaush iwainagtatme, tibaun juki weuwai.

(Éxodo) 7:19

Nuna tusa ataktushkam Tuke Pujuu Moisésan chichajak: “Aarón ujakta ushujutaijin juki namak aidau, entsa aidau, kucha aidau, yumi shikika aimtai cisterna aidau Egipto nugkanum ayá nuni, tuja ashí yumi piyaju aidau ayá aatus takui awentati, dutikam yumi aidauk numpa wajasti. ¡Aatus ashí yumi shikitai numi najanamu, nuigtu kaya najanamu aidaunmashkam yumi piyag ayauk numpa waigtatui!” tiuwai.

(Éxodo) 7:9

“Wainchatai iwainakta tusa faraón tujamkuig, amina ushujutaijum jukim Aarón susata, dutikawamin faraógkash wainai nugká aepsati, dutikam dapi najaneati”, tiuwai.

(Habacuc) 3:8

Tuke Pujuuwah, aents caballonum entsatkau minimaina imanika minakum, aents maaniamunum depetmak carro maanitainum egkemag wegama numamtuk wajam dusha ¿wagka imanikmesh umintsaume? ¿Namak aidau, nayants aidau, wainka apajuímtai aina nunú kajegkamek imanikmesh umintsaum?

(Números) 20:11

Tusa Moisés niina ushujutaijin juki kayan jimajá awatiuwai. Dutikam kuashat yumi jiinkiuwai. Nunikmatai Israel aents aidauk nuna umuinak ditá tagkujinash aakajui.