(Éxodo) 14:10 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁰ Nuna wainkag, Israel aents aidauk shiig senchi ishamkajui, nuninak Tuke Pujuu ayamjutpakti tusag segaidau.

(Éxodo) 14:10 Iomraidhean Croise

(Nehemías) 9:9

Iina muunji aajaku aidau Egipto nugkanum batsamas waitujaku aina duka amek wainkauwaitme. Tuja nayants kapantu tutainum jegawag buutuidaush ame antugkauwaitme.

(Salmos) 107:13

Nunik waituinak Tuke Pujuun yaijatkata tusa segagmayi, nuna Apajuí antujuk, dita waitiamujin yaigka agkanmitkabi.

(Salmos) 107:19

Nunik waituinak Tuke Pujuun yaijatkata tusa segagmayi, nuna Apajuí antujuk, dita waitiamujin yaigka agkanmitkabi.

(Salmos) 107:28

Imanitai ishamainak Tuke Pujuun segagmayi, tusa segam antujuk yaigka uwemtijabi.

(Salmos) 107:6

Nunik waituinak Tuke Pujuun yaijatkata tusag segagmayi, nuna nii antujuk, dita waitiamujin yaigka agkanmitkabi.

(Salmos) 34:17

Tuke Pujuuk niina umijin aidau sumamun betek antujui; dutikak nii waitiamujinash agkanmitkawai.

(Éxodo) 13:17

Faraón Israel aents aidaun shiyaktinme tusa idaisamtaish, Apajuík filisteo batsata nuni jinta tutupit jegá aatu wetinme tusag tichauwai. Wagki filisteo aents aidau jinta epetam ditajai maaninak ishamak awake anentaimag Egipto nugkanum ataktu waketjainum tau asa.

(Éxodo) 15:25

Imatjuinam Moisés Tuke Pujuu yainkati tusa segauwai. Tusa segam, Tuke Pujuu Moisésan inaktusui numi uchuchiji wajaun. Nuna Moisés tsupik juki yuminum ajugkui, dutikam yumi sakam pegkeg wajasui. Tuja nunú nugkanum Tuke Pujuu ditan dekapsauwai, dutika nuadui dita chicham umikagtinun susauwai.

(Isaías) 7:2

Dutika jeteagtai, Apu Acaz pujusa inamtaijin niina aentsji aidaujai pujuttaman jegajuawag ujainak: “Sirianmaya aents aidau Israel aents aidaujai jetepakagtatus ijunjaje”, tusa ujakajui. Nuna dekaa niina aentsji aidaujai ishamak kujainak, numi dase umpuam saatama imanidau.

(Deuteronomio) 9:7

“Uwegshunum batsamsajum Tuke Pujuu atumi Apajuíjiya nuna chichame intimjukiu ainajum nunú kajimatkitin aigpajum. Atumek Egipto nugkanum batsatutigmin Tuke Pujuu jiipajajua duwi nagkamsajum yamaishkam tuke intimjakjum ikaje yujagme.

(Josué) 24:6

Tuja atumi muunjum aidau Egipto nugkanum batsatu jiinjamtai, nuwiya aents aidau carro maanitai aidaun caballo aidaujai yajuakag pataetukag nayants kapantunum ejegawajui.

(Josué) 24:7

Dutikainam, yainkata tusag mina untsugkajabi. Tujutuinakui egiptunmaya aidau shimamu emtin, tuja Israel aents aidau batsatbau ukujin suwe awajsamiajai. Tuja nayants buku wajasbaunum katidaun yumi pimak ijinati tusa ti ai, egiptunmaya aidau nayants yutuam jinawabi. Wi nuna Egipto nugkanum dutikauwaitag duka atumek shiig wainkauwaitjume. “ ‘Nunikjum kuashat mijan uwegshunum yujasuitjume,

(Primera carta de San Juan) 4:18

Anejatut abaunmag ishamamuk atsuwai. Dekas anejatbauwa nu ishamamunak emegkawai. Apajuí suimkaji ishamaina duka anejatuinachu asag nuninawai.