(Éxodo) 13:9 - Awajún: Apajuí chichame pegkejam Porciones del Antiguo Testamento y el Nuevo Testamento

⁹ Nunak Tuke Pujuu midau atinme tusa atumin uwegmin, dijaimin agatjamkau amainaitjum numamtuk asamtai, chicham umiktin agagbaun Tuke Pujuu umiktajum tujabauwa duka kajimattsuk aneaku atatjume. Wagki Egipto nugkanum waitkam batsatutigmin niina senchijin jiigmajaju asamtai.

(Éxodo) 13:9 Iomraidhean Croise

(Nehemías) 1:10

“Ii aidautik amina inakem ainaji. Amina aentsjum aidau Egipto nugkanum waitkam batsatu amina senchigmijai jiija agkanmitkauwaitam nunú ainaji.

(Salmos) 89:13

Amina kuntugmek senchigtinai, tuja amina uwejum untsuja dushakam senchigtin depetbauwai.

(Éxodo) 12:14

“¡Juju tsawantak tuke kajimatkishtin atajum! Juju tsawantin ijunjajum mina emematjakjum tuke jiistamtinaitjume. Junak uchi akiinak wedaushkam tuke dutiktin agtinme.

(Éxodo) 12:41

Tuja cuatrocientos treinta mijan jegau ai, nunú tsawantaik Egipto nugkanum batsatu ashí jiinjaju ainawai.

(Éxodo) 13:14

Tuja tikich tsawantai uchijum inimpak: ‘¿Wagka jusha jutikame?’ tujamkuig, ame ayaakum: ‘Ii aidauti Egipto nugkanum batsamsa inaku waitkatai batsatutin Tuke Pujuu niina senchijin jiigmag agkanmitkagmauwa nunú tsawan asamtai jutikaji.

(Éxodo) 13:16

Nuadui kuntin iinu atin kuntunum, dijainum agatjamu amaina numamtuk atum kuntin maa apeamua nunú tuké anemtijamsagke atinai, atum Egipto nugkanum pujautigmin Tuke Pujuu niina senchijin jiigmajajua nunú’ ”, tiuwai Moisés.

(Éxodo) 13:3

Tusa tima Moisés nii wegantu Israel aents aidaun chichajak: “¡Atum Egipto nugkanum batsamsajum waitu batsatutigmin, Tuke Pujuu niina senchijijai juju tsawantin jiipaja nunú tsawan aneaku atajum! Nuniakjum nunú tsawantinig pag levadurajai pachimja inajuamuk yuwawaigpajum.

(Éxodo) 3:20

Dutikakun wi mina senchigjai egiptunmaya aents aidaun suwimka suwakun wainchatai ishamain aidaun iwainagtatjai. Nuadui faraón atumnak shiyaktinme tusa idaitamsagtatui.

(Éxodo) 7:4

Nuna wainkush faraógkak antugtamkachagtatui. Tujash wi mina senchigjai egiptunmaya aidaun suwimka suwakun, mina aentsug Israel aents aidau Egipto batsata nuna ayamjukan jiigtatjai.

(Proverbios) 1:9

Nii jintinjabauwa duka amina nugkutaijum pegkeg nugkuaju, tuja atsejutai corona atsejaku amainaitam nujai betekai.

(Proverbios) 7:23

flechayai anentai ijutim jama numamtuk wajaktatus, tuja pishak achiktasa detua ukukbaunum awimpap jakattaja tusa dekachu asa, wemaina numamtuk nuwan pataetuk megkaekabi.

(Isaías) 40:10

Apu Tuke Pujuu niina senchijijai minawai, nuniak nii ima senchigtin asa, ashí depetmak minawai. Nunik minak niina aentsji aidau waitkam batsatun yajuak inimui.

(Isaías) 44:5

Nuwiya makichik chichaak: ‘Wika Tuke Pujuunuitjai’, tumamtinai. Tuja tikichik: ‘Jacob wegantu’, naamkatnai. Untsu tikichik niina uwejen: ‘Wika Apajuínuitjai’ tuu agatmamjatnai. Tuja nuigtu ikak agak, niina apachji daajin ‘Israel’ agagtinai.”

(Isaías) 49:16

Atumek mina aentsug ainajume, mina uwejui agaja takaku amainaitag numamtin ainajume. Jerusalén peeja tenteamu tsaikbauwa nuna tuke anentaimtajai.

(Daniel) 9:15

“Apuh, iina Apajuíjiyah, yaunchuk ame aentsjum aidau Egipto nugkanum inaku waitkatai batsatu ayamjukam amina senchigmijai jiigmayume. Nunú ame dutikakum senchijum iwainakuitam duka yamaikish augmattai awai. Iman aig jutii aidautik pegkegchau takamsaji.

(Joel) 2:11

Tuke Pujuu niina suntaji aidaujai minak chichamujig ipamtajai betek wajawai, Tuke Pujuu suntajig senchigtin ainawai, Tuke Pujuu tabaun umin aidauk shiig kuashat dekapamainchau ainawai. ¡Tsawan Apajuí minamuk ishamain atatui! ¡Imanun atsaneg pujumainuk makichkish atsawai!

(Evangelio según San Mateo) 23:5

Ashí dita dutikaina nunak aents wainkamu atatus nuninawai, nuninak senta wegkagman jukiag, chicham umiktajum tibauwa nuiyan agajag, kuntujinish dutiksag jigkamá yujainawai. Aantsag nugkuagbauji weniya nuwish esagman sasamjukag detug nugkujag yujainawai.

(Carta de San Pablo a los Romanos) 10:8

Nunin asamtai junashkam: “Chichamak tikijuch atumi wenimin, atumi anentaimin ajutjamjume”, tawai. Nunin asamtai dekaskeapi tabauwa nu pachisa chichamak etsegnawai.

(Deuteronomio) 30:14

Chicham umiktin agagbauwa duka atumin awai. Nuadui wi atumin umiktajum tiuwaitjim nunú antukjum unuimaju asajum, utugchat akuish betek umiktajum.

(Deuteronomio) 6:21

Tujamainakuig atum ayaakjum: ‘Ii aidautik Egipto nugkanum batsamsa faraógka inaku waitkatai ayaji. Nuni batsatjin Tuke Pujuu niina senchijijai jiipagmayi.

(Deuteronomio) 6:6

Nuniakum wi yamai tajim nunú shiig atukjum kajimattsuk aneaku atajum.

(Deuteronomio) 6:8

Atumek Apajuí etegkamu ainajum nunú iwainmamkujum chicham agagbau umiktin aina nunú kuntugmin patakumajum, atsejukjum yujastajum.

(Apocalipsis) 18:8

tau asamtai makichik tsawanta duik ni ashí waitiamujig ajittawai: Jaamuji, buutbauji, yapajamuji, inagnamunum jiinum apeam atatui; wagki Apu Apajuí ashí senchigtina ibau asa, niina suwimkan suwak dutikattawai”.

(Jueces) 2:12

Nuninak ditá muunji aidau Egipto nugkanum batsatun Tuke Pujuu jiijua nunak kajimatki idaisajui. Nuninak nuwiya aentsu apajuímtai aidaun emematuidau. Nuniagtai Tuke Pujuu ditan senchi kajegkauwai.