(Éxodo) 13:21 - Awajún: Apajuí chichame pegkejam Porciones del Antiguo Testamento y el Nuevo Testamento

²¹ Tuja tsawai dita shimamunum nuna emtin Tuke Pujuu yujagminum pachitkau eemak wejakui, untsu kashi jii kegaunum pachitkau eemak wegau, nuna diisag tsawaish, kashish shiyaktinme tusa.

(Éxodo) 13:21 Iomraidhean Croise

(Nehemías) 9:12

Dutika ayamjukam tsawai shimakui, yujagkim emtika awantamin, nuna diisag shimuyanume, untsu kashi jii kegau emtika awantamin jintan tsaaptin emamtai, shiig shimuyanume.

(Nehemías) 9:19

uwegshunum jinaati tusamek idaitsuk wait anenjauwaitme. Dutikam tsawai dita shimamunum yujagkim wajantun wejakua dusha, tuja kashi shimamunum yujagkim keeka wejakua dushakam emegkakchauwaitme.

(Salmos) 105:39

Dutika jiija yujagmin awetiuwai, niina aentsji aidaun ejakti tusa; tuja dutiksag kashi diisag shiyaktinnashkam jii kegaun awetiuwai.

(Éxodo) 10:10

Tusa tutai faraón ditan tuke aneas dushikiak: “¿Ayu duka nuniktajum, atumi Apajuíjum Tuke Pujuuwa nunú uyuntamsatnume tusa tujutchaintash tatsugmek? ¡Waitju yujagme! ¿Wi anentainchaukaitag uchijum yajuaka shiyaktajum tusa idaisatnun? Atumek duka pegkegchau anentaiyai tuu yujagme.

(Éxodo) 16:10

Tusa tima Aarón Israel aents aidaun ijumag chichaak wajai, uwegshunmanini niimsatakama, yujagkim winchamtinnum Tuke Pujuu wantintatman wainkajui.

(Éxodo) 32:1

Moisés muja Sinaínum wee megkaekamtai, Israel aents aidau ijunag Aarógkan chichajuinak: “¡Moisés jutiinak Egipto nugkanum batsatjin jiipajui! ¡Tujash dusha wajukaes, megkaetumkae! Nuniku asamtai dekas ¡ame ii apajuímatin najanata, nunú iina uyuntamsamtai shiyakagmi!” tuidau.

(Números) 10:34

Kashikmas nantajag eke uminainaig yujagmik takuni dita shiyaktinnum wajantun wegau.

(Números) 14:14

Nunikag Canaán nugkanum aents batsamin aina nuna ujakagtatui. Wagki ditashkam ame jutijai pujam nunak dekawaju ainawai. Tuja wishakam ame paan waitkati tujutiu asamin wainkajame, nuadui ame jutijaig tuke pujame. Tuja ame jutii uyunkagtakum tsawai yujagkim wajanbaunum, kashi jii keeka wajanbaunum emka weam nunashkam dita aidauk shiig dekainawai.

(Deuteronomio) 31:8

Tuke Pujuu aminak uyuuntamak, nigki kuitamjamkattawai. Nuniau asa ima aminakek kajimatjamkig idaitamsashtatui. Nuadui amek ishamkagtukaipa tuja sapigmatash sapigmakaipa”, tiuwai.