(Éxodo) 13:18 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁸ Nuadui dekas jinta uwegshun tentea wea nuni nayants kajis ain tutaya aatus wetinme tiuwai. Nuadui Israel aents aidauk Egipto nugkanum batsatu jiinag shimak, suntag maaniatatus shimumaina imaanik shiyakajui.

(Éxodo) 13:18 Iomraidhean Croise

(Génesis) 50:25

Nuna tusa José Israela uchiji aidau umikagtinun chichajak: “Dekas tajime, atumnak Apajuí yaimpakagtinai. Dutijamainakuig mina ukunchjush juwi ukugtutsuk jukitin atajum”, tusa yachi aidaun akatjauwai.

(Salmos) 107:7

Dutika jintintua dita shiig batsamsatnunum ejegawagmayi.

(Éxodo) 14:2

“Israel aents aidau ujakta, waketug Migdol nugka nayantsajai niniaku awa nuna ejapeen yaakat Pi-hahirot tikich yaakat Baal-zefonjai awa, nujai niinis nayantsanum uwet aakmag batsamsatnume.

(Éxodo) 14:9

Nuninak ashí suntag aidauk, carronum, caballonum aatus pataetukag, nayantsanum uwet yaakat Pi-hahirot tikich yaakat Baal-zefonjai niinis awa nuwi aakmag batsamtatman amainaidau.

(Deuteronomio) 32:10

“Nuadui, uwejush nugka buku, yumi atsau, dase umputainum batsatjin, nii kuitamjamak jintinjamauwai. Dutijamak makichik aents niina jiin shiig kuitamama imatikas kuitamjamkauwai.

(Josué) 1:14

Nuadui juju nugka namak Jordágka amain ii pujag juna Moisés atumin amasua juwi, atumi nuwe aidau, uchijum aidau, tagkujum aidaujai batsaktajum. Untsu ashí aents maanimain aidautigmek maaniaku jutai aidaun yajuaka umintsajum, Jordágka amain katiagjum atumi yatsum aidau maaninakui atuktajum.

(Josué) 4:12

Tuja nuigtushkam maanitan yacha Rubén wegantu aidau, Gad wegantu aidau, Manasés wegantu jimaituk maaniaku jutai aidaun yajuakag uminas tikich Israel wegantu aidau shimamunum eemak, Moisés nuniktajum tibaunak imanisag shimuidau.

(Josué) 4:13

Nunú aidauk shiig uminas cuarenta mil aents tumain jiinjag chicham umiktin agagbau egketun juki wegagtai nuwi ichichmamjag, nugka paka tepajunum yaakat Jericónmanini shiyakajui.