(Éxodo) 12:41 - Awajún: Apajuí chichame pegkejam Porciones del Antiguo Testamento y el Nuevo Testamento

⁴¹ Tuja cuatrocientos treinta mijan jegau ai, nunú tsawantaik Egipto nugkanum batsatu ashí jiinjaju ainawai.

(Éxodo) 12:41 Iomraidhean Croise

(Génesis) 50:24

Makichik tsawantai José niina yachi aidaun chichajak: “Wi jakatnuk namput wajaschae, tujash Apajuí atumnak tuke yaimpakagtatui. Dutijamak juju nugka juwi batsatjum nunashkam nigki jiigmaki Abrahaman, Isaakan, Jacopan aatus nugkan amastinaitjime tusa anagkuawa nuwi ejetamawagtin atinme”, tiuwai.

(1 Reyes) 6:1

Salomón apu wajas kampatum mijan ejeyi, nuigtu ipak usumta nuna achika nantu kampatuma nunú Ziv tutai taka jimaituk wegai, jega Apajuí emematku ijuntain jegamkatatus nagkamauwai. Nunak Israel aents aidau Egipto nugkanum batsatu jiinjauwa duwi nagkamsa dekapajam cuatrocientos ochenta mijan weamunum nagkamauwai.

(Éxodo) 12:17

Nunú jiistaya duka, atum Egipto pujautigmin wi nunú tsawantai jiiktatjim nuadui tuke jiistamtin atajum. Junak uchi akiinak wedaushkam tuke dutiktin agtinme:

(Éxodo) 13:14

Tuja tikich tsawantai uchijum inimpak: ‘¿Wagka jusha jutikame?’ tujamkuig, ame ayaakum: ‘Ii aidauti Egipto nugkanum batsamsa inaku waitkatai batsatutin Tuke Pujuu niina senchijin jiigmag agkanmitkagmauwa nunú tsawan asamtai jutikaji.

(Éxodo) 13:16

Nuadui kuntin iinu atin kuntunum, dijainum agatjamu amaina numamtuk atum kuntin maa apeamua nunú tuké anemtijamsagke atinai, atum Egipto nugkanum pujautigmin Tuke Pujuu niina senchijin jiigmajajua nunú’ ”, tiuwai Moisés.

(Éxodo) 13:3

Tusa tima Moisés nii wegantu Israel aents aidaun chichajak: “¡Atum Egipto nugkanum batsamsajum waitu batsatutigmin, Tuke Pujuu niina senchijijai juju tsawantin jiipaja nunú tsawan aneaku atajum! Nuniakjum nunú tsawantinig pag levadurajai pachimja inajuamuk yuwawaigpajum.

(Éxodo) 13:9

Nunak Tuke Pujuu midau atinme tusa atumin uwegmin, dijaimin agatjamkau amainaitjum numamtuk asamtai, chicham umiktin agagbaun Tuke Pujuu umiktajum tujabauwa duka kajimattsuk aneaku atatjume. Wagki Egipto nugkanum waitkam batsatutigmin niina senchijin jiigmajaju asamtai.

(Éxodo) 3:10

Nuadui umintsata, wi aminak Egipto apuji pujamunum jegaam, mina aentsug ame wegantu aidau batsata nunú jiigminum tusan akupeajame”, tiuwai.

(Éxodo) 3:8

Nuadui egiptunmaya aents aidau waitkaina nuna uwemtikatasan juwi taajai. Wi ditanak jiija yajuakan nugka múun pegkeg ajak shiig tsapau, tagkush shiig muumpau, yumi aidaush ayaunum ejegawagtatjai. Nunú nugka duka Canaán aents, hitita aents, amorreo aents, ferezeo aents, heveo aents, Jebús aents aidaun batsamtai ainawai.

(Éxodo) 6:6

“Nuadui Israel aents aidau tita: ‘¡Witjai Tuke Pujuunuk! Nuniau asan egiptunmaya aents aidau waitkainam batsatjum nunak egiptunmaya aidaun suwimka suwakun jiigtatjime. Tuja takat katsugmanum takamtijamainakui waituinajum nunashkam dutiksanuk agkanmitkattajime. Wi mina senchigjai ayamjukan jiigtatjime.

(Éxodo) 7:4

Nuna wainkush faraógkak antugtamkachagtatui. Tujash wi mina senchigjai egiptunmaya aidaun suwimka suwakun, mina aentsug Israel aents aidau Egipto batsata nuna ayamjukan jiigtatjai.

(Daniel) 9:24

“Amina pataim aidau Apajuín intimjukiag pegkegchaun takamsaju asag suwimkan jukiag waituina nunak, setenta semana waitu batsamtatui, tuja yaakat pegkejam tsaikbauwa dushakam nunisag setenta semana asatnai. Imanik waituinak anentaimtan jukiagtinai, tuja Apajuí dita tudaujinak tsagkujatnai, dutikamtai ima pegkeg takata nunú tuke atinai. Tuja Apajuí emematku ijuntai jegamkamunum tesaamu shiig pegkejam tutaya dushakam yaunchuk profeta aidau takasu aina iman shiig iwajamu atinai.

(Levítico) 23:43

Juka atum Egipto nugkanum waitkam batsatutigmin wi jiija ai, numi kanawe dukentin tsupigjum aakmaja batsamsauwaitjum nuna atakea duwi atum wegantu aidau dekawagtin aina nunuwai. ¡Witjai Tuke Puju atum Apajuí emematin ainajum nunú!” tiuwai.

(Habacuc) 2:3

Nunú ame wainkattam duka juu tamawaikik nagkaemakchattawai, tujash amek waugtutsuk dakasta, nunú nagkaemaktinuk eke tsawan jegatsui. Tujash duka makichkish megkaetsuk tuké uminkattawai”, tujutmayi.

(Números) 23:22

Nuadui búfalo niina kachujin ayamjumama numamtuk Israel aents aidau ayamjumataijig Apajuí dita Egipto nugkanum batsatun jiijua nunuwai.

(Evangelio según San Juan) 7:8

Atumek fiestanmag wetajum, wika minishtatjai; wagki mina tsawanjuk eke jegachu asamtai, tiuwai.

(Los Hechos de los Apóstoles) 1:7

Tama Jesús ayaak: Atumek dekamaitsugme tsawantak nuniachkugmesh wajutí dutikatjai tusa Apag nigki mamikiauwaita duka;

(Los Hechos de los Apóstoles) 7:36

Tima Moisés Egipto batsamtatman jiijui, aents dutikmainchaun Egipto nugkanmayan iwaintuk, dutiksag Nayants Kapantu tutainmash, nuigtú cuarenta mijadai uwegshunum yujasua nuishkam.

(Deuteronomio) 4:37

Tuja atumi apachjum aajaku aina nunashkam Apajuí aneau asa dita wegantunmayan etegjauwai. Dutikau asa Egipto nugkanum waitkam batsatun niina senchijijai jiija agkanmitkauwai.

(Josué) 24:5

“ ‘Nunika nuwi kuashat mijan batsatai, wi Moisésan Aarógjai akuptukuitjai ditan yaigtinme tusan. Dutikan egiptunmaya aents aidaunak shiig senchi suwimka susan waitkasan atumi muunjum aidau nuwi batsatun jiijuitjai.

(Josué) 5:14

Tusa iniam nii ayaak: “Ame jimag adayam nuwiyagkesh atsujai. Wika Tuke Pujuun suntaji aina nuna apujiyaitjai”, tiuwai. Tusa tutai Josué niina eme anentus tsuntsuma nijayin nugka antig pujusa iniak: “Wajina dutikati tame nunú tujutta, nuna betek umiktajai”, tau.