(Éxodo) 12:26 - Awajún: Apajuí chichame pegkejam Porciones del Antiguo Testamento y el Nuevo Testamento

²⁶ Tuja uchijum inimpainak: ‘¿Wagka jusha jutikaji?’ tusa inimpainakuig,

(Éxodo) 12:26 Iomraidhean Croise

(Salmos) 145:4

Uchi akiinak wegagtina duka ame pegkeg iwainajuitam nuna emematiagtinai. Tuja amina senchigmejai wainchatai ishamain aidau iwainajuitam nunú etsegnaktinai.

(Éxodo) 10:2

Tuja nunú wainchatai ishamainun egiptunmaya aidaun iwaintuktatag nunú wainkau asajum, amina uchijum aidau, tijajum aidau nunú pachisa ujakminum tau asan dutikattajai. Nunú wainkau asajum wi Apajuí Tuke Pujuu tutayaitag nunú dekattagme”, tiuwai.

(Éxodo) 12:25

Apajuí nugkan anagtabauwa nuwi jegagmesh, juka tuke jutikin atinaitjume.

(Éxodo) 13:22

Tuja tsawai shimiagtaik yujagkim awaantamu eemak wajantun wejakui, antsag kashi shimiagtaishkam jii keeka eem wajantun wejakui.

(Carta de San Pablo a los Efesios) 6:4

Uchigtin aidauh, uchijum kajemainuk chichagkaigpajum, dutiktsuk chichagká esegajum jintintua tsakapagtajum, Apu Jesús wakega dutiksagmek.

(Deuteronomio) 32:7

Ataktu awagkijum anentaimsatajum, nuniakjum adeagtajum yaunchuk aajakua nunú. Tuja atumi apaji aidau, tikich múun aidaujai yaunchkesh pujutash wajuku ayi tusajum iniastajum.

(Deuteronomio) 6:20

“Tuja atakea duwi atumi uchijum aidau inimpainak: ‘¿Juju chicham umiktin agagbau aina nuna Tuke Pujuu iina Apajuíji umiktajum tujabiuwa nunash wajina taku tiuwaita?’

(Deuteronomio) 6:7

Nunikjum atumi uchijum aidau kashi kashinig jintintajum. Dutikakjum atumi jeminish, tuja jintá wekaekugmesh, kashi kanakjumesh, tsawaku nantakjumesh, chicham umiktin aina nunú uchijum aidau jintintuatajum.