(Éxodo) 11:8 - Awajún: Apajuí chichame pegkejam Porciones del Antiguo Testamento y el Nuevo Testamento

⁸ Juju aatus nagkaemakmatai amina atueka takataijum aina nunú ashí tajutuawag tikishmag segatuinak: ‘Aentsjum aidau ashí yajuakam wetajum’, tujutiagtatui. Untsu nuna tujutainachkuig wechattajai”, tiuwai. Nuna tusa faraógka pujusa inamtaijin pujau Moisés kajeka jiinkiuwai.

(Éxodo) 11:8 Iomraidhean Croise

(Éxodo) 10:29

Tama Moisés ayaak: “¡Dekas tame, ataktuk makichkish tajuashtatjame!” tiuwai.

(Isaías) 49:23

Tuja atumek apu aina nunú apajimattagme, untsu apu nawanji aidauk atumi nawanjuchijum aidaun kuitamin agtatui. Nuninak atumin tikishmatjamjag dawem bika wajasun dukatjamiagtinai. Nuninakui anentaimsajum, dekas Tuke Pujuuk pujawapi titatjume. Tuja mina dekaskeapi tujutuidauk tsanuamak achagtinai.

(Isaías) 49:26

Dutikakun ditak pempeentumakiag yumamatnume, nuninak dita numpenak uwag vinojai betek nampegtinme titatjai. Dutika ai ashí aents nugkanmaya aidauk wi Tuke Pujuu, amina uwemtikin Jacopan Apajuíji senchigtinaitag nuna dekawagtatui. Witjai amina ayamjukan agkanmitkaunuk”, tiuwai Apajuí.

(Ezequiel) 3:14

Tuja minak nuwi pujai, uwegnum achika jumaina numamtuk Apajuín Wakani jujukmayi. Dutijakui kajekan wake besemag dekapmaijai.

(Daniel) 3:19

Aatus datsauch aidau tiagtai, apu Nabucodonosor ditan senchi kajejuk yapinig kapantu wajasui. Nunik aents aidaun, jii kega nunú nuni senchi siete jii kemaina imatikajum ikapagtajum tusa tiuwai.

(Números) 12:3

Tuja aents ashí nugkanmaya aidaujai apatka diismash Moisésak dekas kakagchauch ima Tuke Pujuu wakegamunak umijin aajakui.

(Evangelio según San Marcos) 3:5

Nuna ti nui ijuntatman kajeká, wake besemag diisú antumtikmainchau asagmatai. Nunik nuna aentsun chichajak: —Uwejum dakuekta, tiuwai. Tama niishkam uwejin dakueku, nuniamuik uwejenig pegkeg wajasui.

(Deuteronomio) 32:24

Dutika ai nujantai, nuigtu tsuweakjum jinattagme. Tuja jata ishamain iyanjamag ijipattawai. Nuigtushkam kuntin kajen aidaun, dapi aidaun ishitkattajime.

(Carta a los Hebreos) 11:27

Apajuiyai dekaskeapi tabauwai, Moisesak Egipto nugkanmaya jiinkiuwai rey kajektinjinash ishamtsuk, ni dutikata tibaujiya nuig ebetmamjauwai Apajuí wainchataiya nunú niijai abaunash dekapeau asa.

(Apocalipsis) 3:9

Nunin asamtai, wisha judiowaitjai tusag anui wait aidau ijunaina duka Satanasdau asamtai, atumi emtimin tikishmitkaktatjai, wi atumin aneajim nuna dekaatnume tusa.

(Jueces) 4:10

Nuwi Barac jegaa Sabulón wegantu aidaun Neftalí wegantu aidaujai untsuka diez mil aentsun ijumjauwai. Nunik wetai Déborashkam Baracjai weuwai.

(Jueces) 8:5

Nunikag yaakat Sucot tutainum jegawag, Gedeón nuwiya aents aidaun chichajak: “Wait aneasjum aents wijai yuja nunú yutai ajamjuttsatajum, ditak pimpiki yawekag mininawai. Iik Madiágnumia apu aidau Zébah Salmunájai achiktasa ainku yujaji”, tiuwai.