(Éxodo) 10:3 - Awajún: Apajuí chichame pegkejam Porciones del Antiguo Testamento y el Nuevo Testamento

³ Tusa tima Moisés Aarógjai faraógka jegajuawag chichajuinak: “Tuke Pujuu Apajuí, Hebreo aents aidauti emematin ainag nunú aatus tawai: ‘¿Wajupa asamea emematjum idaikumesh wi tabaush umiktatme? Idaisata mina aentsug aidau, jiinjag mina emematjitnume.

(Éxodo) 10:3 Iomraidhean Croise

(1 Reyes) 18:21

Dutikamtai Elías ashí tuwaka ijunbaunum jeganta ditan chichajak: “¿Atumesh ima Apajuík umigchau jimag anentaintin ainajum dusha wajutiya yapajinattagme? Wi Tuke Pujuun umijag nunú dekas Apajuíyaitkuig nii umigkatajum. Untsu dekas Baal Apajuíyaitkuig nii umigkatajum”, tiuwai. Tusa tamash aents aidauk makichkish aimtsuk ijunu.

(1 Reyes) 21:29

“¿Acab awake anentaimag minai yunumka dusha dekamek? nuniku asamtai, nii iwaku pujaigkik, niina uchiji aidaunak ijituashtatjai. Untsu nii jakamtai, niina uchiji apu wetata nuadui, niina uchiji wegantunak suwimkan susattajai”, tiuwai.

(2 Reyes) 22:19

Tikich Israel aents aidau pegkegchaun takamsaju asamtai, wake besemag dekapeakum jáanchjum ichigkume. Tuja nunú anentaimsam buutam nunashkam wainjame.

(Job) 42:6

Nuadui wi chichakbaujun anentaimsan datsaajan, awake anentaimjai. Nuniakun pegkegchaunap tija tusa anentaimkun yukunum pujajai”, tiuwai Job.

(Éxodo) 10:4

Tujash emeteakminig, kashin manchin ishitkattajame amina nugkemin.

(Éxodo) 16:28

Nuniagtai Tuke Pujuu Moisésan chichajak: “Wi atumi jintinkun, juju umiktajum timajim dusha ¿wajupa chichagkama atumesh umiktatjume?

(Éxodo) 4:23

Nunin asamtai, agkan idaitugsata mina uchig aidau jiinjag emematjitnume timajame, tusa tamash dakitau asamin, wi amina uchijum iwaiya nuna mantuattajame’, tujamui tusam tita”, tiuwai.

(Éxodo) 5:1

Nuna dutika ukuinak Moisés niina yachi Aarógjai faraógkan jegajuawag chichajuinak: “Israel aents aidauti emematin ainag nunú Apajuí, Tuke Pujuuwa nu chichaak: “ ‘Mina aentsug aina nunú idaitugsata, dutikam uwegshunum shiyakag, awi ijunag mina emematjuinak jiistamatnume’ tawai”, tuidau.

(Éxodo) 9:17

“ ‘Dutika idaimaitkum mina aentsug aidau jiinjatnume tutsuk ayatak eme emeteakuam weame.

(Proverbios) 1:22

“Datsauch imanis jintiag anentaimchau aidauwah, atumesh ¿wajutiya dushikagtutash, kajegkagtutash idaisattagme? Tuja unuimat dakitajum dusha ¿wajutiya idaisattagme? ¿Wajutiya unuimagtatjume?

(Proverbios) 1:24

Wi atumnak untsuajime, tuja wi ipaajime kaunatajum tusan, tujash atumek mina antugtutak dakitagme.

(Isaías) 1:5

Atumek dekas intimkiu atag tusajum wakegagme, nunin asagmin shiig kuashat suwimkan amasjime. Imatikamu asajum atumi iyashinig pegkeg ayautkauk atsawai. Tuja atumi buuken pujagbauk esamtsui, tuke imanisag ayawai. ¡Nuadui atumek kakakchau wajasugme!

(Daniel) 5:22

Tuja apuh, amek nuna uchiji asam shiig dekame, nuniayatkum pegkeg takatak dakitame.

(Números) 14:27

“Israel aents aidau pegkegchau asag, wainak chichá yuja nunash ¿wajupa kuashtak tsagkujatja? Dita mina pegkegchau chichagtuinamun antukjai.

(Carta de San Pablo a los Romanos) 2:4

Apajuik ame pegkegchau takataish shiig senchi wait anenjamu asa suwimkan sujamtsuk, tudau takatan idaiyak pujutin yapajiati tusa emamkes dakagma dusha dakitame.

(Carta a los Hebreos) 12:25

Nuadui kuitamamkatajum Apajuí aujtabauwa nu dakitjaijum. Apajuí jujú nugka jui chicham umiktajum tibaun antugkachaju aidauk, suwimkanak uwemtutskek nagkankachajui. Nuní nagkaemasa jutiik Apajuí nayaimpinum pujus aujtama nu antugchakuik suwimkak pegké uwemtumaitsuji.

(Carta de San Santiago) 4:10

Nuniakjum Apu Jesús wika shiig tudauwaitjai titajum, tajumin ni dekas aents iman etamtatui.

(Primera carta de San Pedro) 5:6

Nuadui imanchauch iwainmamkatajum Apajuí senchigtina nui, nuniagmin tsawan jegatai ni eme anentsá diitai etamti.