(Éxodo) 1:17 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁷ Tujash uchí uchigmitkau aidauk Apajuín ishamaidau asag, faraón tutai tibaunak umikchajui. Nuadui aishmag akiintaish mautsuk idayinau.

(Éxodo) 1:17 Iomraidhean Croise

(Génesis) 20:11

Tama Abraham ayaak: “Wika juiyag makichkish Apajuí nemagchaus ainawa timajai. Tau asan ishamkagtakun mina nuwajui tichamjai, wagki mina mantuinak duwajun jujutkinum tusan.

(Génesis) 42:18

Dutika nunú kampatum tsawan nagkaemai ditan chichajak: “Wika Apajuínak ishamajai, nuadui atumesh wi tajim nunú betek umiktajum, nunikagmin wishakam tsagkujan mautsuk idaisattajime.

(Éxodo) 1:18

Nuniagtai Egipto nugka apuji ditan chichajak: “¿Wagka uchi aishmag akiinush mautskesh idaijume?” tau.

(Proverbios) 8:13

Tuke Pujuun umija duka pegkegchau takat aina nunak kajejawai. Tuja ememamu, tikich wagagkau anentaimat, pegkegchau takat, waitjut aina nunak wika kajejajai.

(Daniel) 6:13

Tusa timatai, nuigtu chichajuinak: “Nunin aish ¿wagka tujash judío aents achija ikaunmamua dusha Danielash amina eme anenjamtsukesh, nuigtush ame chicham umikbauwa nunash ajaantus diitskesh, tsawantaish kampatuma imaniash Apajuínash auju pujawa?” tuidau.

(Oseas) 5:11

Israel aents aidauk wainka apajuímtai aina nuninun apajuíma yujau asagmatai, tepejus chichajuinak ajantusash diitsuk dushiki batsamtuinawai.

(Evangelio según San Mateo) 10:28

Iyashmin mainakuish ishamkaigpajum, tujash wakanminak maumainchau ainawai. Dekas ishamkatajum iyashin, wakannash waitut tuke atina nui egkepamaina nu.

(Evangelio según San Lucas) 12:5

Tujash wi jintintuatjime ya ishamainaitjume nuna: Apajuí ishamkatajum suwimkan sujamak waitut tuke atina nui egkepawagmatai waitmainaitjum nunú.

(Los Hechos de los Apóstoles) 5:29

Tuinam Pedro nuigtú tikich apóstol aidaujai chichainak: —Jutiik aents aina nu umigtsuk Apajuí umigmainaitji.