(Éxodo) 1:14 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁴ Imatikainak takat katsugmanum nugka namukag ladrillon najankatnume tusag batsasajui, dutikainak ajanmash imatiksag takamtikainak tikima shiig senchi waitkaidau.

(Éxodo) 1:14 Iomraidhean Croise

(Génesis) 15:13

Imanik suwe wajasbaunum Tuke Pujuu Abragkan chichajak: “Juju yamai shiig antukta, ame uchijum wegantu agtina duka nugken ukukiag, tikich nugkanum batsamas wainka inaku waitkam cuatrocientos mijan waitu batsamtin ainawai.

(1 Reyes) 12:14

Nuniak nunú datsauch aidau tibauwa nuna imatiksag chichaak: “Mina apag senchi takamtijamajakuitkuig, wika nuni senchi takamtikakun waitkastatjime. Tuja mina apag akachumtayai asutamajakuitkuig, wika nuni senchi jiju hierro tutai tsakaskatu aidauwai asutiattajime”, tiuwai.

(Éxodo) 1:11

Nuna tusa Israel aents aidaun takat katsugmanum takamtikainak waitkasagtinun, apu aidaun adaitujajui. Dutikamu asag, faraón yutai aidaun ijumajakua nuna jimag yaaktan, Pitón, Ramsés aatus najanawajui.

(Éxodo) 1:13

Nuninak, Israel aents aidaunak ditá inake emakag shiig senchi inainak waitkajaku ainawai.

(Éxodo) 1:15

Nuigtushkam hebreo nuwa aidaun uchigmitkau, Sifrá, Fúa aajakua nujai, faraón tutai chichajak:

(Éxodo) 2:23

Tuja kuashat tsawan nagkaemai faraón jakauwai. Nunik jakamtaishkam Israel aents aidauk imanisag senchi waitu batsatu. Imaanik waituidau asa, yaki ayamjutpak agkanmitkagmawa wajaidau. Nuna tusa imatuidaun Apajuí antukui.

(Éxodo) 20:2

“Witjai Tuke Pujuu atumi Apajuígminuk. Wi atumnak Egipto nugkanum inaku waitkatai batsatutigmin jiijuitjime.

(Éxodo) 6:9

Tusa tima Moisés dutiksag Israel aents aidaun ataktu ujakui. Tujash ditak antugkachaju ainawai, wagki Moisésa tuu wekaetin shiig senchi takamtijamainak waitkagmainawai tuidau asag.

(Isaías) 52:5

Tujash yamaish ¿wagka imatikash waitkainawah? Mina aentsug aina nunak utugchatji atsujunak Babilonia nugkanum yajuakaje. Dutikawag nuna apuji aidau waitkainak ememas chichainak kashi kashinig kajemtijuinawai.

(Isaías) 58:6

Tujash duka dekaskechui. Mina shiig awajkati tujutkugmek, ijagma pujusam: Aents achikam chimpija nunú agkanmitkata, takamsachu aig jigkajam batsata nunú atiam agkanmitkata, inaku waitkatai batsata nunú agkanmitkata. Dutikakum shiig takashtai, pegkegchau aina duka ashí idaisatajum.

(Miqueas) 3:3

Tuja atumek mina aentsug aidauk iwakuk yuwagme, dutikakjum duwape ichinjajum, neje ollanum painkatasa akaaja ukunchi tsupigtayama imatikagme.

(Números) 20:15

Iina apachji aidau Egipto nugkanum shiyakag awi kuashat tsawan batsamsajui, tujash egiptunmaya aidau iina apachjin waitkasu aina dutiksag jutinashkam waitkagmayanume.

(Los Hechos de los Apóstoles) 7:19

Nunú rey iina aentsjin tsanujui, dutikak iina muunji aajakajua nuna waitkainak suwimkan sujakú ainawai; dutikau asa uchi aishmag aidau akiidiagtaik jutsuk idaisatnume jakati tiuwai.

(Los Hechos de los Apóstoles) 7:34

Dekaskenum mina aentsug Egipto batsamas waituina nunak wainkajai, nuigtush buutainak untsujuina nunash antugkajai, nunikan agkanmitkatasan akaikijai. Nunin asamtai tantata Egipto awematjame’, tiuwai.

(Deuteronomio) 26:6

Tujash egiptunmaya aents aidau shiig kuashat waitkagmasu ainawai. Dutijamainak wainka inatai etamiag waitkagmasajui.

(Deuteronomio) 4:20

“Atumnak jiju ukuijatasa hornonum jitayama numamtuk Egipto nugkanum waitkam batsatutigmin Tuke Pujuu jiipag niinu etamiuwai.

(Rut) 1:20

Tusa imatiagtai Noemí ditan chichajak: “¡Noemí tujutigpajum, Mará tujuttajum! Wagki, minak Tuke Pujuu ashí senchigtina nunú kajegtuk waittsati tujutmatai waittsajai.