(Esdras) 1:5 - Awajún: Apajuí chichame pegkejam Porciones del Antiguo Testamento y el Nuevo Testamento

⁵ Tusa timatai Judá wegantun apuji aidau, Benjamín wegantun apuji aidau, sacerdote aidau, Leví wegantu aidaushkam ashí Apajuí wakemitkakbau aidauk Jerusalén shiyakag Apajuí emematku ijuntain jegamkagtatus umintsajui.

(Esdras) 1:5 Iomraidhean Croise

(Esdras) 1:1

Apu Ciro, Persia nugkan apuji wajasa makichik mijan takai, yaunchuk profeta Jeremías Tuke Pujuu tibaun etsegkauwa nunú uminkatin tsawan jegau asamtai, apu Ciro papiin umika ashí nugkanum nii inama nuwi ishiakti tusa Tuke Pujuu niina anentain antinkauwai.

(Esdras) 1:2

Nuadui apu Ciro juna aatus papiin agajui: “Tuke Pujuu Apajuí nayaimpinum pujuuwa nunú ashí aents nugkanmaya aidaunak mina idaitugsae. Nuadui Judá wegantu aidau nugken Jerusalégnum Apajuí emematku ijuntain jega pegkegman jegamkati tusa inatjae.

(Esdras) 1:4

Tuja ashí aents jinaachu aidau Apajuí emematku ijuntain jegamkatatus shimuidaunak tikich aents ditajai batsamin aidau: kuichkin, oron, tikich waji aidaun, baka aidaun aatus susagtatui. Dutikainak nuigtushkam jega Apajuí emematku ijuntainum takastin waji aidaun anentag susagtatui”, tiuwai.

(Nehemías) 2:12

ujumak aentsu yajuakan dita uyuntusagmatai kashi nantakin wegabiajai, tujash Apajuí mina Jerusalén iwajata tusa tujutbaunak makichkish etsegkachabiajai. Wika burronum entsamkan weyajai, nuniai tikich aidauk dawé shimuyanume.

(Segunda carta de San Pablo a los Corintios) 8:16

See tajai Apajuin, wi atumin uyumajim dutiksag Titonash anentaimtan susau asamtai.

(Carta de San Pablo a los Filipenses) 2:13

wagki Apajuiya nuuwai wakeetan nuigtú ni wakega dutiksaik wakejusa takatan atumin amá duka.

(Tercera carta de San Juan) 1:11

Aneetaijuh, aents pegkegchaun takaa duka dakumkaipa, dekas pegkeja nunú takastá. Aents pegkejan takaa nuuwai Apajuinuk, tujash aents pegkegchaun takaa duka Apajuinak wainchau asa nuniawai.