(Esdras) 1:2 - Awajún: Apajuí chichame pegkejam Porciones del Antiguo Testamento y el Nuevo Testamento

² Nuadui apu Ciro juna aatus papiin agajui: “Tuke Pujuu Apajuí nayaimpinum pujuuwa nunú ashí aents nugkanmaya aidaunak mina idaitugsae. Nuadui Judá wegantu aidau nugken Jerusalégnum Apajuí emematku ijuntain jega pegkegman jegamkati tusa inatjae.

(Esdras) 1:2 Iomraidhean Croise

(1 Reyes) 8:27

“Nugka múun, nayaim múun aina nuwigkish amek betek pujumaitsume. ¡Tuja juju jega ame pujustinun wi jegamjukjam juninchinmash wajuk pujustameki tajai!

(Esdras) 1:5

Tusa timatai Judá wegantun apuji aidau, Benjamín wegantun apuji aidau, sacerdote aidau, Leví wegantu aidaushkam ashí Apajuí wakemitkakbau aidauk Jerusalén shiyakag Apajuí emematku ijuntain jegamkagtatus umintsajui.

(Esdras) 3:7

Nuna dutikawag jega jegamin aidaun, numi dakag takatan yacha aidaujai, kuichkin susajui. Untsu aents tironmaya, sidógnumia aidaujai, setug tsupigbau aidaun Líbano nugkanmayan yajuakag apu Ciro tibaunak imatiksag Jope nugkanum ikaunmawagtin aidaun yutain kuashat, umutai aidaun, nuigtu aceite aidaun kuashat susajui.

(Esdras) 6:10

apenak Apajuín shiig anemtiksatatus atsumainakuish susatajum. Nuna dutikainak mina pujutjun, mina uchig aidaun pujutjijai pachisag Apajuín ausatnume.

(Esdras) 6:3

“Ciro apu adaikam makichik mijan takak pujus juna aatus agajui: ‘Tuja Apajuí emematku ijuntai jegamkamun pachis aatus agagbau aajakui: Jerusalégnum jega jegamtanak nagkamatnume, dutika ataktu jegamkatnume, nuwi kuntinun maa apenak Apajuín emematiagtin asag. Nunú jega yakintig veintisiete dekapamu atatui, tuja wegkantishkam veintisiete dekapamu atatui.

(Esdras) 7:12

“Apu Artajerjes, sacerdote Esdrasan Apajuí nayaimpinum pujuuwa nuna chichame agagbaun yacha, jintinkagtina nuna kumpamak, aatus tawai:

(Nehemías) 1:4

Nuna antukan buutiajai. Nuniakun wake besemag dekapeakun, ujumak tsawantai yujumka ijagma pujusan Apajuí nayaimpinmayan augkun,

(Nehemías) 1:5

aatsan tiabiajai: “¡Tuke Pujuu, Apajuí nayaimpinum pujuuwah, Apajuí múun senchigtinuh, amek ame anagkagtuamuk tuke uminaitme! ¡Tuja amina anempainak chichamjumin betek umidauk kajimatkimek idaichauwaitme!

(Isaías) 41:2

Etsa minitaiya nuwiya apu tuke depetma nunash ¿ya dutiknaita? Anú apu tikich nugkanmaya aidaun depetuk ijinatnume tusan umiaunuk witjai. Nuadui nunú apu suntaji aidau, puyagjai, nagkijai aatus shaa dekeaja tsaitiama numamtuk tsaikag ijinatnume, dutikawag chijichi kagakun dase umpui dapampaak utsauwama numamtuk emegkagtinme tusan idaijai. Dutikakun dita apuji aidaushkam suntaji amutam sapijin ditai yunumjatnume tusan idaijai.

(Isaías) 44:26

Untsu mina inakeg aidau chichaman etsejuina duka betek uminkati tusan yayajai, tuja aents wi awemamu aidau chichaman umina dushakam imanisag betek uminkati tajai. Tuja Jerusalégnumak ataktu yaaktamak batsamsagtinai. Tuja Judá wegantu aidaun yaaktaji aajaku aina dushakam ataktu awagki yaaktamkamu atatui. Yaakat tsaikbau aidaun ataktu jegamjatnume tusan, jega jegamin aidaun wi inagtatjai.

(Isaías) 44:28

Wi apu Ciron chichagkun: ‘Ametme mina uwig aidau kuitamnumek, amek wi wakegamua duke ashí takastatme’ tajai. Tuja Jerusalégkan chichagkun: ‘Amek ataktu yaaktamamu atatme’ titatjai. Untsu jega Apajuí emematku ijuntai jegamkamun chichagkun: ‘Amina ataktu jegamjamkatnun, jega jegamin aidaun awemattajai’ tawai Apajuí”, tusa Isaías tiuwai.

(Isaías) 45:1

Tuke Pujuu Ciron apu adayak, aents tikich nugka múun aidaunum apu senchigtin batsata nuna depetuk, maanitaiji aidaunak atanjati tusa yayaak, egkesa awekajakui. Tuja yaakat peeja apakbau aina nunash tujintsuk utua shiwag aidaun ijinati tawai. Nuadui Apajuí niina chichajak:

(Isaías) 66:1

Tuke Pujuu chichaak: “Nayaimpik mina ekemsa inamtaijui. Untsu nugka nunuwai wi najamsa eketbau. Atumek wi ayamsatnuk mina jegajuk jegamjutmaitsugme, tuja nunú jegamainchakam nugka etegkamuk atsawai.

(Daniel) 1:21

Aatus Danielak nuwi pujaig, tikich apu yamajam Ciro, Persia nugkanmaya aajakua nunú, Babilonia nugkan apuji wajasui.

(Daniel) 2:21

Tsawan yapajinak minina nunak Apajuí dutikawai, Apajuí aentsnak apu emawai, nuigtush nigki yapajinai, aents yacha shiig anentaimkau aina nunak nii dutikawai. Tuja wamak unuibau aina nunashkam nigki dutikawai.

(Daniel) 2:28

Tujash Apajuí nayaimpinum puja nunuwai dekamainchaunash dekamtikagtinuk. Nii aminak atakea duwi atinun iwaintugmake. Jujuwai kajamjaum duka.

(Daniel) 4:25

Amek aents aidaujai ijunjamek pujuschattame, kuntin aidaujai ijunjam pujustatme, nuniakum ditajai betek dupa yutatme. Amek jegashik uchupiam tepettame, nunika pujusam siete mijan ejetatme. Nuwi pujusam dekas Apajuí nigki ashí wagakua nunuwap apu aidaunak inawa, tuja nii wakegamujinap apu atinnash etegkeawa tusam anentaimat jukittame.

(Daniel) 4:32

Amek aents aidaujai ijunjamek pujuschattame, kuntin aidaujai ijunja pujusam ditajai betek dupa yusa pujusam siete mijan ejetatme. Nuwi pujusam dekas Apajuí ashí senchigtina nunuwap apu aidaunak inawa, tuja nii wakegamujinap apu atinnash etegkeawa tusam anentaimat jukittame”, tiuwai.

(Daniel) 5:23

Nuadui Apajuí dushikiakum niina jenia shikika umutai aidau yajuakbau aina nunú itagtuatajum tusa inamjamin ikaunmawagmatai, nujai vino shikikam tikich apu ipaamu aidaujai umame, wainka apajuímtai aidau oro, plata, bronce, hierro, numi, kaya aidau najankamu, wainmatnash wainmachu, antutnash antuchu, anentaimtajish atsu aina nunú emematu wekaeme, Apajuí pujutan amasua nunú emematmain idaikum.

(Daniel) 6:25

Nunikmatai, apuk ashí aents tikich nugkanmaya ditash chichamtin aidaun papiin aatus agatjauwai: “Ashí atum aidautigmin kumpamjime,

(Jonás) 1:9

Tusa iniam Jonás ditan ayaak: “Wika hebreo aentsuitjai, wika Tuke Pujuu Apajuí ashí najankauwa nuna emematnaitjai. Juka mina utugchatjui. Junak wi Tuke Pujuun uumjukan ukuakun tupikag duwi imaniawai”, tau.