(Esdras) 1:1 - Awajún: Apajuí chichame pegkejam Porciones del Antiguo Testamento y el Nuevo Testamento

¹ Apu Ciro, Persia nugkan apuji wajasa makichik mijan takai, yaunchuk profeta Jeremías Tuke Pujuu tibaun etsegkauwa nunú uminkatin tsawan jegau asamtai, apu Ciro papiin umika ashí nugkanum nii inama nuwi ishiakti tusa Tuke Pujuu niina anentain antinkauwai.

(Esdras) 1:1 Iomraidhean Croise

(Esdras) 1:5

Tusa timatai Judá wegantun apuji aidau, Benjamín wegantun apuji aidau, sacerdote aidau, Leví wegantu aidaushkam ashí Apajuí wakemitkakbau aidauk Jerusalén shiyakag Apajuí emematku ijuntain jegamkagtatus umintsajui.

(Esdras) 6:14

Nuadui Apajuí chichamen etsejin profeta Hageo, Idó uchiji Zacarías aajakua nujai Apajuí emematku ijuntai jegamnaktinun pachis emtika etsegkamunak imatiksag apu takata chichamjin Judío aidau atak nagkamawag takasajui. Dutikainak Israel aents aidau Apajuíji jega dutik jegamnakti tibaunak imatiksag jegamak umikajui. Tuja Persian apuji aidau: apu Ciro, apu Darío, apu Artajerjes aatus, tibaunashkam betek umikajui.

(Esdras) 6:22

Tuja pag levadurajai pachimtsuk inajuamu yutai tsawan jegau asamtai, nuigtushkam Apajuí ditan ataktu yayaak Persia nugkan apuji, Apajuí emematku ijuntai jegabaunum yaigtinme tibau asa, yaigkam jegan jegamak ashimkaju asag, shiig aneenak siete tsawantai jiistamawajui.

(Esdras) 6:3

“Ciro apu adaikam makichik mijan takak pujus juna aatus agajui: ‘Tuja Apajuí emematku ijuntai jegamkamun pachis aatus agagbau aajakui: Jerusalégnum jega jegamtanak nagkamatnume, dutika ataktu jegamkatnume, nuwi kuntinun maa apenak Apajuín emematiagtin asag. Nunú jega yakintig veintisiete dekapamu atatui, tuja wegkantishkam veintisiete dekapamu atatui.

(Esdras) 7:27

Aatus apu papiin agag umikmatai, Esdras Apajuín aujak: “¡Tuke Pujuu iina muunji aajaku aina nuna Apajuíji emematiagmi! ¡Nunuwai dekas pegkejam wait anenkagtinuk, wagki nii apu Artajerjesa anentain antintuk, Apajuí emematku ijuntai Jerusalégnum awa nuna eme anentus diisti tumamtikiu asamtai!

(Isaías) 44:28

Wi apu Ciron chichagkun: ‘Ametme mina uwig aidau kuitamnumek, amek wi wakegamua duke ashí takastatme’ tajai. Tuja Jerusalégkan chichagkun: ‘Amek ataktu yaaktamamu atatme’ titatjai. Untsu jega Apajuí emematku ijuntai jegamkamun chichagkun: ‘Amina ataktu jegamjamkatnun, jega jegamin aidaun awemattajai’ tawai Apajuí”, tusa Isaías tiuwai.

(Isaías) 45:1

Tuke Pujuu Ciron apu adayak, aents tikich nugka múun aidaunum apu senchigtin batsata nuna depetuk, maanitaiji aidaunak atanjati tusa yayaak, egkesa awekajakui. Tuja yaakat peeja apakbau aina nunash tujintsuk utua shiwag aidaun ijinati tawai. Nuadui Apajuí niina chichajak:

(Jeremías) 1:1

Profeta Jeremías Hilquíasa uchiji sacerdote wegantu, Benjamígka nugken yaakat Anatot pujujakua nuna, Tuke Pujuu chicham etsegtugkata tusa ausauwai.

(Daniel) 1:21

Aatus Danielak nuwi pujaig, tikich apu yamajam Ciro, Persia nugkanmaya aajakua nunú, Babilonia nugkan apuji wajasui.

(Daniel) 2:1

Nabucodonosor apu wajasa jimag mijana nuna inamak pujus, kajanum kuashat pegkegchaun kajamjauwai, nunik wagkanuk aan kajamjaja tusa senchi anentaimak kanumainchau dekapeau.

(Daniel) 6:25

Nunikmatai, apuk ashí aents tikich nugkanmaya ditash chichamtin aidaun papiin aatus agatjauwai: “Ashí atum aidautigmin kumpamjime,

(Daniel) 9:2

Nunú apu makichik mijan inamai, nunú mijantin wi Daniel, Apajuí profeta Jeremíasan ujaak, Jerusalégnak tsaikagtinai, dutikam setenta mijan asatnai tiuwa nunú agagbaun augkun pujuyajai.

(Evangelio según San Juan) 1:23

Tama Juan ayaak: —Wika makichik chicham uwegshunum untsubau antuekatnai: “Apu minitin jinta tutupit dakuektajum”, titinai tusa profeta Isaías tiuwa nuuwaitjai, tau.