(Carta de San Pablo a los Efesios) 5:6 - Awajún: Apajuí chichame pegkejam Porciones del Antiguo Testamento y el Nuevo Testamento

⁶ Makichkish wainak chicham aina nujaig tsanuam aigpajum, wagki nunú timajim nuna takaidauk, Apajuinu suwimak ishamaina nuna juinawai Apajuí intimjuidau asag.

(Carta de San Pablo a los Efesios) 5:6 Iomraidhean Croise

(2 Reyes) 18:20

¡Chicham pegkejuch chichamua duka, maanitan yacha senchi shiig maanimaina nujaig betekchauwai! ¿Amesh ya yainkati tusamea wijaish shiwagbaeme?

(Jeremías) 37:9

Tuke Pujuu chichaak: Babilonianmaya aidauk tuke shimak shiyakaje, ataktu wakitkig kaunachagtatui tusagmek shiijak aneasaigpajum, nunak nunikchattawai.

(Miqueas) 3:5

Mina aentsug aidauk profeta waita etsejin aidau tsanumainak, utugchatak atsuttawai tuina nuna antujuinak pegkegchaunum yujawai, nunú profeta aidauk ya ditan yujumkan ajampeawa nuna shiig anentuinak, yujumkan ajampenatsu nunak kajejuinawai.

(Evangelio según San Mateo) 24:24

Wagki kuashat aents, ‘Cristuitjai’ tusag nuigtú profeta ainaji tuidaush wantinjagtinai; nuninak kuashat aents dutikmainchaun iwainagtinai tsanumainak, nunidau asag Apajuí etegkamu aidaunash dita tsanuamunak tsanujagtinai.

(Evangelio según San Mateo) 24:4

Tiagtai Jesús ditan ayaak: —Kuitamamkatajum, makichkish tsanugmajainum.

(Evangelio según San Marcos) 13:22

Wagki kuashat aents ‘Cristuitjai’ tusag nuigtú profeta ainaji tuidaush wantinjagtinai; nuninak kuashat aents dutikmainchaun iwainagtinai tsanumainak, nunidau asag Apajuí etegkamu aidaunash dita tsanuamunak tsanujagtinai.

(Evangelio según San Marcos) 13:5

Tiagtai Jesús ditan ayaak: “Kuitamamkatajum makichkish tsanugmajainum,

(Carta de San Pablo a los Romanos) 1:18

Apajuik nayaimpinum pujusag dekamtijamji, ashí aents niina ajantus diitsuk pegkegchau takaidaun kajejuk suwimkan suwa nuna, wagki ditá pegkegchau takatinig tikich aidaush dekaskea nuna dekamainchau dekapedau asagmatai;

(Carta de San Pablo a los Colosenses) 2:18

Makichik aentskesh ememachua nunin wajasag uwemjatag takugmek ángel aidau ememattajum tujamainakuish antugkaigpajum, nu aidauk wainkachuitak wainkajai tuinawai ememainak, aentsú anentaimtaiji pegkegchau aina nunak anentaimaidau asag;

(Carta de San Pablo a los Colosenses) 2:4

Junak, makichkikesh chicham wakemain aidaun tujamainak tsanugmajainum tusan tajime.

(Carta de San Pablo a los Colosenses) 2:8

Kuitamamkatajum, makichkish dita yachameagbauji dekaskea imanun jintinjamainak tsanugmajainum, tujash nunak ditá muunji tujakbauwa nuna jintinawai ju nugkanmaya aina nuna, Cristo tawa nudauchui.

(Carta de San Pablo a los Colosenses) 3:6

nunú aidaun takainak intimaina nuanui Apajuí suimkeg minawai;

(Segunda carta de San Pablo a los Tesalonicenses) 2:3

Makichkish tsanuamak aigpajum; wagki eke nunú tsawan jegatsaig Apajuí shiwagmamu atinai, nuniamunum aents tudau takamtikagtin wantinkatnai, megkaekatna nu,

(Carta a los Hebreos) 13:9

Tikichin antushtain pachimak jintinkagtuidauk antugkaigpajum. Dekas Apajuí wait anenjamjauwa nuanuig anentaimin ichichmamjatajum, yutai pachisa tibauwa nu umiktasa yujagtsuk, wagki nuna nunidauk makichkish pegkegnak jukichaju ainawai.

(Carta a los Hebreos) 3:19

Dita wayachajua nunak Apajuin dekaskeapi tuinachu asag nunikajua duka wainnawai.

(Primera carta de San Pedro) 2:8

Nuigtushkam: “Nunú kaya nunak kuashat aents tukumak iyajagtinai”, tawai. Wagki tukumaina duka chichama umiinachu asag nuninawai, aatus nunikti tibau aina nu.

(Primera carta de San Juan) 4:1

Aneetaig yatsug aidauh, ashí aents aidau wakan tujutbaun tajai tuinakuish dekaskeapi tiigpa, nunitsuk dekapsatajum wakan ditai awa dusha Apajuinuash ajá tusajum; wagki kuashat wait profeta aidau nugkanum jiinjaju asagmatai.