(Carta de San Pablo a los Efesios) 2:13 - Awajún: Apajuí chichame pegkejam Porciones del Antiguo Testamento y el Nuevo Testamento

¹³ Tujash yamaik Cristo Jesusjai ijutkau pujakjum, yaunchuk Apajuijai atushat aajakuitjum duka, Jesús numpen ukajua dui Apajuijai tikijuch wajasuitjume.

(Carta de San Pablo a los Efesios) 2:13 Iomraidhean Croise

(Salmos) 22:7

Mina waituidauk dushijuinawai, nuninak buuken pegainawai.

(Salmos) 73:27

Aents amina nemagtamtan dakitauk, jinawagtinai; tuja ima aminig kajinas anentaimainachushkam ijinatnaitme.

(Isaías) 43:6

Tuja aents nujinum batsamin aidaun chichagkun: ‘Awakjatajum’, titatjai. Tuja tsumunum batsamin aidaun chichagkun: ‘Makichkish emetuawaigpa’, titatjai. ‘Mina uchig aidau, mina nawantug aidaujai, atushat nugka nagkatkamunum batstush awakjatajum.

(Isaías) 49:12

Tuja Israel aents aidautigmek tikich nugka nagkatkamunum atushat batsatutijum juwi kaunatnaitjume. Untsu tikich aidauk nugka Sinim batsatu kaunatnai.

(Isaías) 60:4

¡Jerusalégnumia aidauwah, ayampajum ashí niimsatajum, ashí aents aidauk Jerusalén ijunainawai. Atushtanmaya aidau dita patayi aidaujai ashí yajumakag uchin pagkuaku mininawai!

(Isaías) 60:9

Duka lancha múun Tarsisnumia aidau, atumi uchijum aidaun yajuakag Tuke Pujuu atumi Apajuíjum senchimtijamna nuna emematiagtatus oron, plata aidaujai yajuak mininawai.

(Evangelio según San Juan) 10:16

Nuigtush tikich uwig aidaush ajutuinawai ju pegjamua juiyachu; nunú aidaunashkam yajuakan ikaunmattajai, dutika ai makichkinmag ijunag batsamas mina chichamjun antugtiagtatui, nuigtú pastorchakam makichik atatui.

(Los Hechos de los Apóstoles) 15:14

Simón ujapakmaji, Apajuí nagkamas judiochu aidaunash wajuk wait anentug etegjae mina aentsug agtinme tusa.

(Los Hechos de los Apóstoles) 2:39

Wagki Apajuí anagkagtuamua duka atumdau ainawai, atumi uchijum aina nudau, nuigtú ashí atushat batsataina dushakam; ya aidauna Apu Apajuí untsuktatus wakegawa nudau ainawai.

(Los Hechos de los Apóstoles) 22:21

Tai Apu Jesús chichagtak: ‘Tutsuk wetá, wi aminak atushat tikich nugkanum aents judiochu aidau batsatbaunum awemattajame’, tujutmayi”, tiabi.

(Los Hechos de los Apóstoles) 26:18

ame wainmitkakta dutikam suwenum batsata nuna tsaaptinun wainkatnume, nuninak Iwanchi inatai batsata nunak ukuinak Apajuin nemagkatnume; nuninak mina dekaskeapi tujutuinak tudau aidaunash tsagkugnagtinme, nunikag Apajuí aentsji pegkejam aina nuninuk atinme’, tujutmayi.

(Carta de San Pablo a los Romanos) 8:1

Tujash yamaik Cristo Jesusai ijutkau pujuina duka suwimak jumainuk shiig atsujuinawai.

(Primera carta de San Pablo a los Corintios) 1:30

Tujash Apajuiya duke atumnak Cristo Jesusai ijupajajui, dutijama Cristunak iina yachají, iina pegkeg etamin, iina pegkeemtijamin nuigtú iina agkanmitkagbau emauwai.

(Primera carta de San Pablo a los Corintios) 12:13

Nuadui ashí judío, griego, inaku waitkatai, agkan batsamin ainakuish makichik Wakania duik yamigbau ainaji, ashí nunú aidautik Wakan susamu ainaji.

(Primera carta de San Pablo a los Corintios) 6:11

Yaunchkek atum ainajum anuiyatigmesh nunin aajakuitjume. Tujash yamaik Apu Jesucristo nemagkagmin, Apajuí wakaniya nunú atumin egkemtugmajag tudaugmin utsanjamkag pegkemtijabiajui, nuadui Apajuik pegkegma iman diigmainawai.

(Segunda carta de San Pablo a los Corintios) 5:17

Nuadui aents Cristun nemajuidauk duik pujutinak idaiyinak, yamajam pujutan jukiaju asag, dekas yamajam aents ainawai.

(Carta de San Pablo a los Gálatas) 3:28

Nuniku asajum juka judiowai, juka griegowai, juka inataiyai, juka inashtaiyai, juka aishmagkui, juka nuwai tabauk atsawai, wagki Cristo Jesús nemagbaunmag ashí atum aidautigmek makichkia nunin ainagme.

(Carta de San Pablo a los Efesios) 1:1

Witjai Pablo, Apajuí wakegau asa Jesucristo apostolji etiuwai, atum imagnisjum shiig Cristo Jesús nemajin pegkejam aidautijum Éfeso batsatutigmin kumpamjime.

(Carta de San Pablo a los Efesios) 1:7

Nuna dutikauwa dui Cristo numpe ukaejamunum agkanbaetak ajutjamui nuigtú tudau aidaunum tsagkugnamushkam; shiig kuashat wait anenjamu asa,

(Carta de San Pablo a los Efesios) 2:10

Wagki jutiik Apajuí najankamu asaja, Cristo Jesusjai ijunbaunum yamajam etamkauwai pegkeg aina nunak takainak pujustinme tusa, Apajuí emtika anentaimtujua dutiksag.

(Carta de San Pablo a los Efesios) 2:12

Nunin asamtai nunú tsawan aajakajua duik, Cristo dekachu asajum, Israel aina nujaig kanakú aajakuitjume nuigtush Apajuí ditajai chicham aidaun apakag anagkuauwa nuiyash jumainchau aajakuitjume, nuní uwemainapita tusa dakamukesh atsugtamaidau asamtai Apajuigtuchu ju nugka juig pujujakuitjume.

(Carta de San Pablo a los Efesios) 2:2

ju nugkanmaya aentsú nunitaiji aina nu dutiksagmek takaakjum, agkajunum wakan senchigtin inama nu wakegamuji umijujakuitjume, yamai niina senchijijai Apajuin intimjuina nuwi inama nu.

(Carta de San Pablo a los Efesios) 2:6

Nunika Cristo Jesusjai ijunjau asajin Apajuí niijai betek inantamkiuwai, dutijama nayaimpinum niijai ekepasui.

(Carta a los Hebreos) 9:18

Nunisag Apajuí yamá nagkamchak chicham apakbau aajakua dusha, numpajaichuk dutikachbau aajakui.

(Primera carta de San Pedro) 3:18

Wagki Cristushkam tudau aidaunum makichkia jakauwai, pegkejan takauwa nu pegkegchau takau aidaunum, Apajuiyai jujamkita tau asa. Iyashinig jaak waittsauwai tujash aneantui Wakaní Pegkejiya nuna senchijin,

(Apocalipsis) 5:9

Nuninak yamajam kantamtain kantamainak: “Ameketme rollo agagbauwa nu jukim, sello aina dusha atimainmek. Wagki amek maamu aajakuitme, nunin asam amina numpemin, Apajuinu atinme tusam sumajatkauwaitme, ashí aents nugkanmaya aidau, tikich chichaman chichaaku aidau nugka yaignumia nuigtú nugka muun aina nuiyashkam,