(Carta de San Pablo a los Efesios) 2:12 - Awajún: Apajuí chichame pegkejam Porciones del Antiguo Testamento y el Nuevo Testamento

¹² Nunin asamtai nunú tsawan aajakajua duik, Cristo dekachu asajum, Israel aina nujaig kanakú aajakuitjume nuigtush Apajuí ditajai chicham aidaun apakag anagkuauwa nuiyash jumainchau aajakuitjume, nuní uwemainapita tusa dakamukesh atsugtamaidau asamtai Apajuigtuchu ju nugka juig pujujakuitjume.

(Carta de San Pablo a los Efesios) 2:12 Iomraidhean Croise

(Génesis) 15:18

Nunú tsawantai, Tuke Pujuu Abragjai chichaman umikui. Nunak aatus tiuwai: “Juju nugka junak amina uchijum wegantu aidaun susatnaitjai. Tuja namak Egipto nugkanum awa nuwi nagkamsan, namak múun Eufratesa aatsan susattajai.

(Isaías) 44:6

Tuke Pujuu, Israel aents aidaun apuji, Israel aents aidaun uwemtikin, Tuke Pujuu ashí senchigtina nunú chichaak: “Witjai nagkamtinish tuke pujuunuk, tuja atakea duish tuke pujutnaitjai. Tikich Apajuí mina nagkaetasuk atsawai.

(Isaías) 45:20

“Ashí nugkanum batsatutijum juwi kaunajum ijunjajum, antuktajum. Atumek anentainkachu ainajume, wainka apajuímtai numi dakumka najanamu makichkish atumin uwemtijamainchau emematjume.

(Isaías) 61:5

Dutikawagmin aents tikich nugkanmaya aidau kaunawag tagkuji aidaun, ajajum uva ajakbau aidaujai kuitamjutpakagtinai.

(Jeremías) 14:8

¡Ametme Israel aents aidau uwemtiknumek, ametme tsawan utugchat akuish ayamkagtukam uwemtikagtinmek! Imanaitkumesh, ¿wagka aents tikich nugkanmaya ijaak tau asa, ayatak diijatus kanag tsawak wegama numamtukesh awajkagtame?

(Ezequiel) 37:26

Utugchat atsaunum agkan batsamsatnume tusan wi ditajai chichaman umiktatjai. Wi ditajai chichaman umiktatag duka atakesh tuke yapajinashtinai. Wi ditanak shiig kuashat uyujkatnaitjai, tuja dita nugken mina emematjaku ijuntain tuke asatnun umiktinaitjai.

(Oseas) 3:4

Numamtuk Israel aents aidauk kuashat tsawan apugtuchu batsamsagtinai, tuja Apajuínash anenjakesh susachagtinai, Apajuísh ditanash wajina dutikatnume tusag wakegawa nunakesh dekachagtinai, tuja sacerdote aidaush atsutnai, dita jenish dakumka najanamu emematmainuk makichkish atsutnai.

(Evangelio según San Lucas) 1:72

iina muunji aajakajua nunash wait anenjatnaitjame tusa chicham apakbau pegkegma nuna aneaku asa.

(Evangelio según San Juan) 10:16

Nuigtush tikich uwig aidaush ajutuinawai ju pegjamua juiyachu; nunú aidaunashkam yajuakan ikaunmattajai, dutika ai makichkinmag ijunag batsamas mina chichamjun antugtiagtatui, nuigtú pastorchakam makichik atatui.

(Evangelio según San Juan) 15:5

Witjai uva numijinuk, atumetjume mina kanaweg aidautigmek, wijai ijutka nu, tuja wi niiní ijutkag nunú senchi nejeawai; wagki atum wijai ijutkau achakjumek Apag wakegamua duka makichkish dutikmainchau ainagme.

(Evangelio según San Juan) 4:22

Atumek dekachiatkujum emematjume; tujash jutiik ya emematji duka dekainaji, wagki uwemtikagtinuk judionmaya minitin asamtai.

(Los Hechos de los Apóstoles) 2:39

Wagki Apajuí anagkagtuamua duka atumdau ainawai, atumi uchijum aina nudau, nuigtú ashí atushat batsataina dushakam; ya aidauna Apu Apajuí untsuktatus wakegawa nudau ainawai.

(Los Hechos de los Apóstoles) 28:20

Nuadui atumnash untsukjime, atumjaish wainiakan chichastasan, jutii Israel aidautik Cristo dakainag nuadui, jutika cadenayai jigkajam wajajai, timayi.

(Los Hechos de los Apóstoles) 3:25

Profeta aidaun Apajuí anagkuauwa duka atumdauwai, nuigtú jutii muunji aajakajua nujai chichaman apakajua dushakam, Abrahaman chichajak: ‘Ashí nugkanmaya aents aina duka, amina tijajum akiinak weagtina nuiya makichik akiinatna dui pegkegnum yumigsamu agtinai’, tiuwai.

(Carta de San Pablo a los Romanos) 9:8

Jui dekainaji, ayatak Abraham weantu ainag duikik Apajuí uchijí tama amaitsug duka, Apajuí anagtabauwa nuna dekaskeapi tuina nunú dekas Abraham weantu ainawai.

(Carta de San Pablo a los Gálatas) 4:8

Atumek yaunchkek Apajuí dekachu asagmek, apajuimtai dekaskechu aina nunú umijujakuitjume.

(Carta de San Pablo a los Efesios) 2:19

Nunin asajum atumek tikich nugkanmayagkesh, ijagkesh ainatsjume, duka nunitsuk Jesusa nemajin pegkejam aina nuninuk wajasú asajum Apajuí aentsji ainagme.

(Carta de San Pablo a los Efesios) 4:18

Nu aents aidauk dekachu nuigtushkam antakchau ainawai, nunin asag Apajuí pujutan sukagta nunash dekamain dekapenatsui.

(Carta de San Pablo a los Colosenses) 1:21

Atumshakam yaunchuk tsawan aajakua duik takanchbau Apajuí shiwaji aajakuitjume anentaimtagminish, pegkegchau aina nu takaakjum nuniautigmin yamaik epegtugmawaje;

(Carta de San Pablo a los Colosenses) 1:27

nunú aidaun, Apajuí niina imanji dekas imana nu dekaachbau aajakua nuna judiochu aidaun dekamtikatatus wakekauwai; duka Cristo atumin ajutjama nuuwai, niina imanji dakainajum nunú.

(Carta de San Pablo a los Colosenses) 1:5

duka atumek yamajam chicham dekaskea nu etsegbaunum atum jukitin nayaimpinum ukugtamsamu ajutjamaina nu dekauwaitjum nu dakaidau asajum nuniagme;

(Primera carta de San Pablo a los Tesalonicenses) 4:13

Yatsug aidauh, jakau aina dusha wajukatna ainawa nunú dekatsuk juwakaijum tusa dakitaji, tikich aidau dakamuji atsugbau asag wake besemag batsataina nunikaijum tusan.

(Primera carta de San Pablo a los Tesalonicenses) 4:5

nuninak aents Apajuí dekachu aidau senchi iyashí wakegamun takau aina nunitsuk,

(Segunda carta de San Pablo a los Tesalonicenses) 2:16

Iina Apuji Jesucristo, nuigtú iina Apají Apajuiya nujai anempajua nu, wait anenjamag ichichmamat tuke atinun, nuigtú pegkeg dakamu ajutjamaina nunashkam sujamsajua duke,

(Primera carta de San Pablo a Timoteo) 1:1

Witjai Pabloitjai, Cristo Jesusan apostoljiyaitjai, Apajuí iina Uwemtijamna nu nuigtú Cristo Jesús jutii dakainag nujai chichaman etsegkati tusa awetiuwai,

(Carta a los Hebreos) 11:34

Jii senchi kegamunum egkeamush esachaju ainawai. Espadayai maata tamash pisajakajui. Kakaakchau aidaushkam wajiu waigkag shiwajijai maaniawag depetkajui.

(Carta a los Hebreos) 6:18

Nu jimajan tiuwa nunak yapajimainchau asamtai Apajuik waitjuchua dui, dekas dutikattawapi tau asaja, shiig senchi ichichmamainaji Apajuí ayamjutpasmatai kajinmasa ni anagkagtuamua nu jukittajiapi tusa dakaidau asaja.

(Carta a los Hebreos) 8:6

Untsu jutii sumo sacerdoteji takasbauwa nu imá pegkejai. Nunin asa ni Apajuí aents aidaujai chicham apakbauwa duka shiig pegkejai, nuigtush dekas pegkeg aidaun anagtamauwa dui.

(Primera carta de San Pedro) 1:21

Cristo nunikbaunum atumek Apajuik dekaskeapi tajume, niina inanki nuigtú ememattai awajsauwa nui, nunin asamtai atumek dekaskeapi takujum Apajuinumiag dakagme.

(Primera carta de San Pedro) 1:3

Emematiagmi Apajuí, nuigtú iina Apuji Jesucristo Apajiya nu, ni shiig senchi wait anenkagtau asa Jesucristo jakau nantakiuwa dui ataktú akiinau ainagme, pegkeg ajutjamtina nuna dakastinme tujamu asa,

(Primera carta de San Pedro) 3:15

duka nunitsuk, atumi anentaiminish Cristo atumi Apujum anentsajum eme anentajum, nuniakjum tuke umintsau atajum atum ayamjumaktin, kakagchau nuigtú ajantsá diijatkujum, atum dakamu ajutjamaina nuna pachis tujamainakui ashí ujamaina nu,

(Primera carta de San Juan) 3:3

Ashí aents Jesucristo dakaidauk, ni pegkegma imanuk atatus kakanmamui.